shadow
Diocese de Dili > NOTÍCIAS > Notícias > CET Preve Orçamento $ 70 Mill ba Festa Jubileu Extraordinário Missão

CET Preve Orçamento $ 70 Mill ba Festa Jubileu Extraordinário Missão

DCAD (27/09/2019) Presidente Comissão Organizadora ba celebração Jubileu Extraordinário Missão no mos 30 Anos visita Santo Padre São Paulo II iha Timor-Leste Pe. Mouzinho Pereira Lopes hateten; “Orçamento nebé housi Conferência Episcopal Timorense (CET) sira preve orçamento mai Comissão atu prepara buat hot-hotu inclui livros no materias oi-oin ne’e mais ou menos $ 70 mill dolares. Depois housi Comissão rasik ami husu atu cada secção halo proposta no orçamento ne’e boot tebes atinge tiha $ 130 mill, maibé como bispo sira iha de’it quase metade maka ami tenta atu colabora ho ema lubuk ida talvez ita hetan housi fontes seluk hanesan mai housi Paróquia no qualquer ema nebé bele tulun. Em nome amo bispo sira atu colaboração housi ema hot-hotu, housi ministérios hanesan foin daudaun ami ba informa ba Primeiro Ministro, depois mos ami sei ba to’o iha Presidente da  República atu colabora. Laos de’it ema sira iha agência sira iha Uma Creda de’it, maibé mos housi Ministério, housi Instituições, housi grupos oi-oin, housi Militar, housi PNTL no grupo hot-hotu tama iha laran tanba celebração boot ne’e celebração ita hotu nian. Tenik Padre Mouzinho Lopes iha Salão São José Catedral Vila Verde Dili.

Liu ta ne’e Pe. Mouzinho haktuir tan katak; “Iha comissão laran composto ema na’in 50 nebé ocupa posição secções oi-oin mais ou menus secção 9 nebé prepara formação, animação missionária ba escola missionária nebé sei mosu iha futuro no iha formação nia laran ne’e atu fo hanoin ba Timoroan sira kona ba laos de’it moris missão nian katak moris fo sasin Maromak iha ha’u nia experiência lor-loron, maibé mos fo hanoin ba Timoroan sira kona ba visita Santo Padre São João Paulo II nebé sama rai Timor hodi celebra ninia vida missionária sasin missão nian no mos loke dalan ba Timor ninia libertação, Timor nia ksolok independéncia.

Hakarak dehan ba pública katak, sei taka Jubileu Extraordinário ho comemoração 30 anos visita João Paulo II iha Timor-Leste iha fulan ikus fulan Outubro nian. Ne’e katak iha dia 24 concentra ona iha Balide recinto Uma Creda nian to’o Seminário Balide ninia campo, iha grupo boot ida housi labarik ho Adolecente sira mais ou menus housi ensino básico 6o ano mai to’o ensino Secundário 2o Ano. Ami calcula katak sira mai housi Arquidiocese Dili ho ninia Sufragâneo Diocese Baucau no Diocese Maliana mais ou menus 4 mill pessoas. Depois iha grupo seluk mak joven sira, liu-liu juventude Arquidiocese Dili sei halo acampamentu iha dia 25 to’o 30 iha monumentu São João Paulo II Tasi-tolu hodi halo formação missionaria nebé hanaran JOVENTUDE MISSIONÁRIA. Ne’e duni iha movimento boot tebes labarik no Joven sira.

Presidente Comissão haktuir mos tan katak, “Iha Balide iha formação oi-oin ba família, ba jovens, ba Padres-Madres, Religosos-Religiosas hamutuk ho Amo Bispo sira no mos diretores sira nebé ami convida mai housi rai seluk. Convidados nebé ita preve hela mai ne’e diocese vizinhas (Darwin, Sidney, Denpasar, Atambua, Kupang no Kalimantan barat) ne’e mak sai convidados no ami cordena daudaun ho entidades sira housi Ministério Educação, Ministério Negócio Estrangeiro, Ministério Solidariedade Social, SEFOPE no selu-seluk tan no ami espera katak buat sira ne’e bele lao ho di’ak ba Timor nia di’ak.

Presidente Comissão esclaresse mos katak, ami nia preparação mais ou menus seidauk to’o 50 %, maibé buat sira nebé hanesan animação, fo formação lao daudaun iha diocese Baucau no Maliana nomos Dili nian iha foho masque Dili laran seidauk, maibé provesoriomente ami haka’as an liu housi secção Logística halo preparação iha Tasi-tolu tanba iha nebá ne’e area nakloke, maibé di’ak tanba aproveita mos iha dia 30 Agostu ninia facilidade iha nebá ne’e ita husu Ministério atu bele mantein nune’e bele continua deit. De resto comissão sira koko atu cordena ho ema lubuk ida no formação sira tama iha escola hanesan escola sira nebé hetan visita housi Santo Padre João Paulo II nian ne’e hola parte iha preparação sira ne’e nune’e mos iha Paróquia Estátua ida seluk João Paulo II nian lao hela nebé oras ne’e tama to’o ona iha Bedois. Sira rua ne’e lao, ida iha mundo académica no ida seluk iha sarani sira nia le’et. (Marta)

Leave a Reply

Your email address will not be published. Required fields are marked *