shadow
Diocese de Dili > NOTÍCIAS > LETURA DIÁRIA > Sábado, XXV Semana do Tempo Comum (Ano C)

Sábado, XXV Semana do Tempo Comum (Ano C)

Primeira Leitura          Zac. 2. 5-9a, 14-15ª

Lia housi Profeta Zacarias nian:

Ha’u foti matan hodi haré hanesan mehi, ema ida ho tali hodi sukat nian ida iha liman. Ha’u husu ba nia: “ Ó ba nebé?”  Nia hatan mai ha’u, dehan: “ Ha’u ba sukat Jerusalém atu hatene nia luan no nia naruk iha hira”. Nune’e, Anjo nebé ko’alia dadaun ho ha’u mai oin, Anjo ida seluk hakat ba nia, dehan: “Halai ba, fó hatene ba mane klosan nebá nune’e: Jerusalém la bele iha muro, tenki hela nakloke tan ema no balada wa’in tebes mak sei hôrik iha nia. Maibe, Ha’u sei hela ho nia- Na’i ko’alia- nu’udar baki ahi nian ida, hale’u nia, ha’u mak sei sai ninia glória iha nia laran.

Sião nia oan feto, hahí no haksolok ba, basá, ha’u mai hôrik iha ó nia leet- Na’I ko’alia. Iha loron ne’e, nação baraksei halibur hamutuk ho Na’i. Sira sei sai ha’u nia povo no ha’u sei hôrik iha ó nia leet”.  

Maromak Futar Lia.

 

Salmo Responsorial                                                                                                                               Jer. 31. 10, 11-12ab, 13 (R. 10d)

Refrão : Hanesan bibi atan bali nia bibi sira, nune’e mós Na’i bali ita!!! Repete-se

Nação sira rona na’i nia liafuan ba,

Haklaken ba nusa sira be dook.

Ida nebé halo namkari Israel sei halibur fali nia,

Sei bali nia hanesan bibi-atan bali nia bibi sira. Refrão

 

Na’i soi Jacob,

Hasai nia housi nia funu baluk sira liman.

Sira sei fila ho ksolok ba foho Sião,

Hodi ba simu Na’i nia bensa. Refrão

 

Fetoran sei bidu ho ksolok,

Foin sa’e no katuas sira sei haksolok.

Nakfila sira lutu ba ksolok,

Sira laran susar sei nakfila ba neon ksolok. Refrão

 

Aclamação                                                                                                                                                                                         2Tm. 1. 10

Refrão : Aleluia, Aleluia!! Repete-se

Jesus Cristo, ita Maksoyn, halakon mate;

Nia halo moris nabilan housi Evangelho. Refrão

 

Evangelho                                                                                                                                                                                     Lc. 9. 43b-45

Na’i Jesus Cristo nia Evangelho nu’udar São Lucas haktuir:

Iha tempo nebá, wainhira povo sira hakfodak ho buat nebé Jesus halo tiha, Nia dehan ba nia escolante sira: “Rona didi’ak liafuan hirak ne’e: ema sira sei saran Oan Mane ba ema sira liman.” Maibé sira la comprende lia ne’e katak sá hodi subar hela ba sira atu nune’e sira la bele hatene no sira ta’uk atu husu kona ba buat ne’e.

Lia Maksoyn.

Leave a Reply

Your email address will not be published. Required fields are marked *