shadow
Diocese de Dili > NOTÍCIAS > LETURA DIÁRIA > Segunda – Feira, XXVI Semana do Tempo Comum (Ano C)

Segunda – Feira, XXVI Semana do Tempo Comum (Ano C)

Primeira Leitura                        Zac. 8. 1-8

Lia housi Profecia Zacarias nian:

Iha loron hirak nebá, Na’i, mundo raik-laran nia Maromak Nia futar liafuan tun mai nune’e: Na’i, mundo rai-klaran dehan: “Ha’u senti domin boot ba Sião, Ha’u hamkan maka’as ba nia. Na’i ko’alia nune’e: Ha’u sei fila fali ba Sião hodi hôrik iha Jerusalém. Jerusalém sei hanaran-an ‘Cidade fiel’ no foho Na’i, lalehan no rai nian, ‘Foho Santo’. Na’i, lalehan no rai nian lia tun fali dehan nune’e: Katuas no ferik sira sei fila fali, sei tur iha praça Jerusalém nian; Ida-idak sei lori ai-tonka iha liman, tan sira tinan barak ona. Iha cidade laran, labarik mane no feto sira sei nakonu hodi halimar iha praça tomak”. Na’i, lalehan no rai nian, lia tun teni, dehan: Ba povo nebé sei moris hela, iha loron nebá, haré ba buat ne’e susar atu mosu karik, kala ba Ha’u Nia matan mós susar duni atu mosu? Na’i, lalehan no rai nian dehan. Na’i, mundo rai-klaran nian lia tun teni, dehan: Ha’u sei soi Ha’u Nia povo, housi rai sira iha Loro-Sa’e no housi rai sira iha Loro-Monu. Ha’u sei lori hikas fali sira mai, atu sira hôrik iha Jerusalém. Sira sei sai Ha’u Nia povo, Ha’u sei sai sira nia Maromak tuir neon lós no justiça”.

Maromak Futar Lia.

 

Salmo Responsorial                                                                                                     Sal. 101(102). 16-18, 19-21, 22-23. 29 (R. 17)

Refrão : Wainhira Na’i sei hari fali Sião, Nia sei hatudu Nia glória!!! Repete-se

Na’i, nação hotu hamta’uk Ita naran,

Liurai sira rai hotu nian, Itaboot Nia glória.

Wainhira Na’i hari fali Sião,

Hodi hatudu Nia glória;

Sei simu kiak sira nia harohan,

No sei la heuwai sira nia harohan. Refrão

 

Sei hakerek hira ne’e hotu ba otas be atu mai,

Povo be atu moris, sei hahí Na’i.

Na’i hakruuk housi Nia kadunan iha leten áas,

Housi Lalehan Na’i lidun matan ba rai,

Atu rona dadur sira nia halerik, atu soi sira housi mate. Refrão

 

Ita atan sira nia oan sei hôrik iha dame,

Sira nia bei-oan sira sei hela metin iha Ita futar oin.

Atu sira sei hawélok Na’i nia naran iha Sião,

Sei hahí Nia iha Jerusalém,

Wainhira povo sira halibur hamutuk atu serbi Na’i. Refrão

 

Aclamação                                                                                                                                                                                         Mc. 10. 45

Refrão : Aleluia, Aleluia!! Repete-se

Oan mane mai atu serbi ema, no saran

Nia moris atu soi ema wa’in. Refrão

 

Evangelho                                                                                                                                                                                       Lc. 9. 46-50

Na’i Jesus Cristo nia Evangelho nu’udar São Lucas haktuir:

Iha tempo nebá, escolante sira hahu haksesuk malu kona ba se mak boot liu iha sira leet. Hatene tiha sira nia hanoin, Jesus káer labarik ida, tau nia iha Nia sorin, hodi dehan ba sira: “Ema nebé simu labarik ne’e iha Ha’u nia naran, simu Ha’u; no ema nebé simu Ha’u, nia simu ida nebé haruka ha’u mai. Basá ida nebé kiik liu iha imi nia leet, nia mak boot liu.”

 João hatan dehan: “Mestre, ami haré ema ida nebé duni sai diabo iha Ita nia saran maibé ami bandu nia, basá nia la tuir ita”. Maibé, Jesus hateten ba nia: “Imi keta bandu nia, basá ema ne’ebe la hasouru imi, nia hamutuk ho imi”.

Lia Maksoyn.

Leave a Reply

Your email address will not be published. Required fields are marked *