shadow
Diocese de Dili > NOTÍCIAS > LETURA DIÁRIA > Terça – Feira, XXVI Semana do Tempo Comum (Ano C)

Terça – Feira, XXVI Semana do Tempo Comum (Ano C)

Primeira Leitura                     Zac. 8. 20-23

Lia housi Profecia Zacarias nian:

Na’i, mundo raik-laran nian dehan: “Sei mai to’o iha Jerusalém povo no ema sira housi cidade boot sira. Ema sira housi cidade ida sei ba dehan ba ema sira iha cidade seluk: ‘Ita ba husu Na’i Nia laran di’ak, Na’i, mundo raik-laran nian, ita ba buka Nia, Na’i, mundo raik-laran nian, ha’u mós hakarak ba’” Sei mai to’o iha Jerusalém, povo barak no nação sira be iha kbiit hodi buka Na’i, mundo raik-laran nian hodi husu Na’i Nia laran di’ak.

Na’i ko’alia dehan nune’e: “Iha loron hira nebá, ema Na’in sanulu housi lia oi-oin nação sira nian, sei káer iha judeu ida nia hatais hodi dehan: ‘Ami hakarak ba hamutuk ho imi, basá, ami rona dehan katak Maromak hela ho imi’”.

Maromak Futar Lia.

 

Salmo Responsorial                                                                                                              Sal. 86(87). 1-3, 4-5, 6-7 (R. Zac. 8. 23)

Refrão : Na’i hela ho ita!!! Repete-se

Sião hari iha foho santa nia leten;

Na’i hakarak odamatan sira Sião nian,

Liu fali uma sira Jacob nian.

Ema sei hateten lia kmanek kona ba ó,

Cidade Maromak nian. Refrão

 

Ha’u sei konta Egipto no Babilónia

Iha ema sira be hatene Ha’u nia leet;

Filisteia, Tiro no Etiópia sira be moris iha nebá,

Sei dehan iha Sião: “Sira hotu moris iha nebá,

Na’i be Aas liu tomak mak hametin nia”. Refrão

 

Na’i sei hakerek iha livro povo nian:

“Ida ne’e mós moris iha Sião”.

Ho lian bidu no knananuk nian,

Ema hotu sei hetan hôrik fatin ba ó”. Refrão

 

Aclamação                                                                                                                                                                                         Mc. 10. 45

Refrão : Aleluia, Aleluia!! Repete-se

Oan mane mai atu serbi ema, no saran

Nia moris atu soi ema wa’in. Refrão

 

Evangelho                                                                                                                                                                                        Lc. 9, 51-56

Na’i Jesus Cristo nia Evangelho nu’udar São Lucas haktuir:

Iha tempo nebá, wainhira tempo atu husik rai ne’e besik daudaun ona, Jesus, hodi hakarak,  hahu la’o ba Jerusalém. Nia haruka manuain sira atu ba uluk. Sira ne’e la’o ba, hodi tama iha ema Samaria sira nia knua ida, atu hadi’a fatin ba Nia. Maibé sira la simu Nia basá Nia atu sa’e ba Jerusalém. Haré tiha ne’e, escolante sira, Tiago no João, dehan ba Nia: “Na’i, Ita hakarak katak ami hamulak atu ahi tun housi lalehan hodi han sira?” Maibé Nia fila oin hodi si’ak sira. Tuir mai, sira la’o fali ba knua seluk.

Lia Maksoyn.

Leave a Reply

Your email address will not be published. Required fields are marked *