shadow
Diocese de Dili > NOTÍCIAS > LETURA DIÁRIA > Sexta – Feira, XXVI Semana do Tempo Comum (Ano C)

Sexta – Feira, XXVI Semana do Tempo Comum (Ano C)

Primeira Leitura                     Bar. 1. 15-22

Lia housi livro Baruc nian:

Justiça, Na’i, ita nia Maromak Ninian, maibé, ba ita mak moe nebé taka iha ita oin, hanesan ohin loron, no mós ba ita nia liurai sira, ba ita nia Na’ilulik sira, ba ita nia profeta sira no ba ita nia aman sira, tan ita sala hasouru Na’i. Ita la halo tuir Na’i ita Maromak Nia hakaran; Ita la rona Nia lian hodi la moris tuir ukufuan sira nebé Nia haraik mai ita. Houri loron nebé Na’i hasai ita bei-ala sira housi rai Egipto to’o ohin loron, ita laran áat hasouru Na’i, ita Maroamak. Ita la hanoin tuir ita nia moris hodi la rona Na’i nia lian. Tan ne’e, hanesan ohin loron mosu mai ita leten susar oi-oin no malisan nebé Na’i haruka housi Nia atan Moisés iha loron nebé hasai ita bei-ala sira housi rai Egipto, atu haraik mai ita rai ida nebé suli susu0wen no wani-wen. Ita la rona Na’i, ita Maromak Nia lian, nebé hato’o mai ita housi profeta sira be Nia haruka mai ita. Ita ida-idak tuir ita nia fuan nia hakarak áat hodi adora maromak falso sira, no halo buat áat iha Na’i, ita Maromak Nia oin.

Maromak Futar Lia.

 

Salmo Responsorial                                                                                                                             Sal. 78(79). 1-2, 3-5, 8-9 (R. 9b)

Refrão : Na’i, soi ami ba, tan glória Ita naran nian!!! Repete-se

Na’i, nação sira hola ho kroat Ita liman-rohan,

Sira hafo’er Ita templo santo,

Sira halo Jerusalém sai hanesan foho krebek nian,

Sira soe Ita atan sira nia isin mate,

Sai aihan manu sira iha lalehan nian,

Ita sarani sira isin sai aihan balada fuik nian. Refrão

 

Mota boot ran nia suli hale’u Jerusalém,

La iha ema ida atu hakoi mate isin sira.

Ami sai hanesan buat ida be maluk sira hakribi,

No ema sira be hale’u hamoe ami.

To’o wainhira Na’i Ita rai hirus hasouru ami,

To’o wainhira lós Ita laran manas be nakali? Refrão

 

Keta hanoin fali atu hasouru ami,

Tan ami bei-ala sira nia salan;

Halo Ita laran-luak mai lalais hasouru ami,

Tan ami lakon hotu ona ami kbiit. Refrão

 

Tulun ami, Maromak, ami Na’in,

Tan glória Ita naran nian.

Soi ami ba no perdua ami salan sira,

Tan glória Ita naran nian. Refrão

 

Aclamação                                                                                                                                                                        cf. Sal. 94(95). 8ab

Refrão : Aleluia, Aleluia!! Repete-se

Ohin imi rona karik Na’i Nia lian,

keta taka imi nia fuan. Refrão

 

Evangelho                                                                                                                                                                                      Lc. 10. 13-16

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus hateten: “Rahun áat ba ó, Corazim! Rahun áat ba ó, Betsaida! Basá, milagre sira nebé halo tiha iha o, halo karik iha Tiro no Sidónia, kleur ona mak sira hakribi sira nia sala hodi hatais karon no taka sira an ho ahikdesan. Maibé iha loron tesi lia nian, Tiro no Sidónia sei la hetan susar hanesan imi. O mós, Cafarnaum, hakarak foti an to’o lalehan? Ema sei hamonu ó to’o inferno!”

“Ema nebé rona, imi rona Ha’u; no ema nebé hakribi imi hakribi Ha’u; maibé ema nebé hakribi Ha’u, hakribi Ida nebé haruka Ha’u mai”.

Lia Maksoyn.

Leave a Reply

Your email address will not be published. Required fields are marked *