shadow
Diocese de Dili > NOTÍCIAS > Notícias > Pe. Siku no Pe. Luis Halo Ona Sacrifício Lubuk Ida Iha Rai Atauro

Pe. Siku no Pe. Luis Halo Ona Sacrifício Lubuk Ida Iha Rai Atauro

Iha evento comemoração tinan 5 existência Paróquia Atouro nian ne’e Arcebispo Dom Virgílio do Carmo da Silva iha ninia mensagem ba Paroquiano Paróquia Atauro nian ne’e foca liu ba sacrifício boot ne’ebe Nailulik missionário nain rua Pe. Siku no Pe. Luis halo ona ba sarani Paróquia Atauro. Tan ne’e iha ninia mensagem sira hateten; “Ohin ita celebra tinan 5 Paróquia ne’e nian, lori ha’u hanoin buat ida de’it katak, se Amu Siku no Amu Luis  mak la mai hahu serbisu sério iha Atauro, ha’u mos hanoin karik Atauro to’o agora seidauk bele sai Paróquia ida. Ita hotu hatene katak buat hotu lao kleur maibe, Amu Siku no Amu Luis nia sacrifício lubuk ida sira halo iha rai Atauro mak ohin ita hare katak Atauro iha mudança boot”.

Ba foinsa’e Atauro oan sira Arcebispo hateten; Ita nia Amo Papa Francisco nia liafuan wainhira koalia ba foinsa’e nia dehan; imi foinsae imi agora ninian, imi laos futuro. Dala barak ita hanoin katak foinsa’e mak futuro nação ninian, foinsa’e mak futuro Uma Creda ninian, maibe ita nia Santo Padre ninia liafuan ikus ba foinsa’e sira dehan; “imi fonsa’e sira imi laos futuro, maibe imi presente”. Atu dehan katak se imi hanoin de’it futuro ninian, ohin imi  bele toba hela de’it, imi bele hein nafatin tempo to’o lai mak serbisu. Se imi agora ninian karik katak agora duni lalika hein tan imi nia tempo. Se agora imi la aproveita imi labele hein katak aban-bainrua imi sai ema ne’ebe diak ida hodi contribui makas ba rai doben ida ne’e. Ha’u uja de’it Santo Padre nia liafuan atu encoraja imi nafatin hodi desenvolve imi nia an hahu agora, lao ba foti oin nafatin no optimismo nafatin.

Biban hanesan, Pe. Pároco Atauro Pe. Julio do Carmo iha ninia discurço hateten; “iha celebração Quinto ano aniversário Paróquia ida ne’e ninian buat tomak ne’ebe imi hatudu tamba imi nia fiar ba Na’i Maromak. Fiar ida ne’e hatudu duni husi buat ida ne’ebe imi halo. Fiar quando ita la halo buat ida fiar ne’e mate. Fiar ne’e hatudu iha buat concreto ruma. Buat ne’ebe iha liur hatudu buat ne’ebe iha ita ninia laran katak, ita dedica an duni mak hodi halo buat ne’ebe diak. Tamba ne’e buka atu continua nafatin, buka atu rona malu nafatin, serviço hamutuk nafatin”. (Alin)

Leave a Reply

Your email address will not be published. Required fields are marked *