shadow
Diocese de Dili > NOTÍCIAS > Notícias > PARÓQUIA ATAURÓ SAI FATIN ESPECIAL ATU MANAN INDULGENCIA

PARÓQUIA ATAURÓ SAI FATIN ESPECIAL ATU MANAN INDULGENCIA

DCAD-ATAURÓTinan ida ne’e sai hanesan tinan Missionário nian; Igreja Timor ninian mos estabelece ona katak hahu fulan Agosto, Setembro no Outubro dia 30 ne’e hanaran fulan Missionário atu manan indulgencia plenaria tan ne’e mak marca ona fatin lubuk ida atu bele manan indulgencia.

Iha loron 07 fulan Outubro tinan 2019 Arcebispo de Arquidiocese Metropolitano-Dili Dom Virgílio do Carmo da Silva SDB uainhira  halao visita pastoral iha ilha Atauró  hodi preside ho santa missa hateten : “Santo Padre coloca tinan ida ne’e sai hanesan tinan Missionário nian nebe ita igreja Timor ninian ne’e bispo sira estabelece ona katak hahu fulan Agosto, Setembro no Outubro dia 30 ne’e ita hanaran fulan tolu ne’e fulan Missionário atu manan indulgencia plenaria tan ne’e mak marca ona fatin lubuk ida atu bele manan indulgencia”.

Arcebispo mos dehan “iha fulan 3 ne’e ka tinan missionário ho nia tema Batizados e Enviados katak ema hotu nebe sarani ona  nia obrigação laos atu nonok deit ba buat nebe ita simu tiha ona maibe sarani hot-hotu iha obrigação atu cuida ninia ahi oan labele mate maibe tem que lakan nafatin”.

Ulun boot Arquediocese Metropolitano-Dili ne’e esplica “sarani hot-hotu cuida ninia ahi oan atu ema nebe haneruk iha ahi oan sarani nian. Dala barak ita gosta ko’alia barak halo governação kona ba ita nia fiar maibe nia dehan ida ne’e la to’o. Dala barak ita ibun mak ko’alia maibe depois la halo tuir buat nebe ko’alia tan ne’e ita bele dehan cuidado ba hirak ne’e no koko atu moris”.

Arcebispo Dom Virgílio haklean tan “laos deit buat nebe imi ko’alia maibe buat nebe imi halo, buat nebe imi hatudu tanba ne’e mak buat nebe ohin ko’alia kona ba Batizados e Enviados ne’e hodi husu ita sarani sira ne’e atu la to’o deit atu ko’alia katak tinan ida ne’e tinan Jublieu Extraordinario maibe oinsá mak ita hatudu tau iha prática liafuan domin iha ita nia rai, domin iha ita nia comunidade”.

Arcebispo de Arquediocese Metropolitana-Dili ne’e mos fo parabens ba autoridade sira hotu hosi uma creda, civil no mos hosi comunidade nian tanba ita boot sira nia presença bele continua motiva socializa atu ita nia joventude sira liu-liu iha Atauró  ninian bele koko atu moris tuir ita nia fiar liu-liu iha domin ninian no comunidade  ninian.

Mahein Arquediocese ne’e mos ko’alia kona ba tinan Jubileu ninian hodi dehan “iha carta ne’e dehan sira nebe hakarak manan indulgencia tem que ba Ramelau, ba Fatubessi no Catedral, liu-liu ba fatin 3 ne’e maibe ohin fo hanoin ona ba padre paróco maibe hanoin mos falta deit semana 3 atu termina ha’u hanoin ba Atauró  ita bele loke especial ida atu sarani sira nebe manan indulgencia lalika ba Catedral, lalika ba Fatubessi maibe bele iha Igreja paróquial deit nomos bele manan indulgencia iha neba ne’e duni fo especial ida ba sarani sira tanba atu halo peregrinação hosi Atauró  ba to’o Ramelau, ba to’o Fatubessi no Catedral ne’e laos facil maibe sira nebe hakarak ba bele ba maibe katuas-ferik no sarani sira nebe hare katak força la to’o hanoin sarani sira nebe hakarak atu manan graça indulgencia ninian ne’e bele condena ho amu sira atu ba deit iha igreja paróquial atu manan indulgencia iha neba”.

Ikus liu Arcebispo hakotu nia liafuan hodi dehan “ita agradece ba Maromak ba di’ak nebe ita simu ita reza nafatin atu Na’i Maromak nebe ohin lori ita mai hamutuk iha fatin ida ne’e hare katak fatin ne’e rahun di’ak ba ita hotu atu liu hosi ita nia sorumutu ohin ninian bele hametin liu tan ita nia unidade iha Atauró  particularmente iha aldeia capela Beraun ninian”. (Marta)

Leave a Reply

Your email address will not be published. Required fields are marked *