shadow
Diocese de Dili > NOTÍCIAS > LETURA DIÁRIA > Sábado, XXVIII Semana do Tempo Comum (Ano C)

Sábado, XXVIII Semana do Tempo Comum (Ano C)

Primeira Leitura            Rom. 4. 13, 16-18

Lia housi São Paulo nia Surat ba sarani sira iha Roma:

Maun alin sira: La’os housi ukunfuan mak Maromak hakotu lia ba Abraão no nia bei oan sira katak nia sei simu mundo, maibé housi justiça nebé mai housi fiar.

Tan ne’e, buat ne’e mosu housi fiar, atu nia bele sai presente ida, no promesa bele mosu duni ba nia bei oan hotu, la’os de’it ba sira nebé laran metin ba ukunfuan, maibé sira nebé la’o tuir fiar Abraão nian, ita hotu nia aman, nu’udar hakerek nanis: “Ha’u halo tiha ó sai aman ba nação barak”. Nia mak ita nia aman iha Maromak futar oin; iha Nia mak Abraão fiar; Nia mak ida nebé fó moris ba ema mate sira no bolu atu mosu buat nebé la iha. Abraão fiar, hodi hein maski la iha ona presença, katak nia sei sai “aman ba nação barak” tuir buat nebé hateten nanis: “Nune’e ó nia bei oan sira sei mosu mai”.

 

Salmo Responsorial                                                                                                                   Sal. 104(105). 6-7, 8-9, 42-43 (R. 8a)

Refrão : Na’i hanoin Nia moruk ba nafatin!!! Repete-se

Ou            Aleluia!!

Bei oan sira housi Abraão, atan Na’i nian,

Oan sira Jacob nian, be Na’i hili nanis,

Na’i mak ita nia Maromak,

Nia tesi lia mak lei iha rai tomak. Refrão

 

Nia hanoin nafatin Nia moruk,

Liafuan be haraik hela ba otas rihun ba rihun;

Moruk nebé hakotu ona ho Abraão,

Juramento nebé halo ba Isaac. Refrão

 

Hanoin hetan Nia futar liafuan

Nebé fó ba Abraão, Nia atan;

Hasai Nia povo ho ksolok,

Sira be Nia hili nanis ho ksolok manan nian. Refrão

 

Aclamação                                                                                                                                                                               Jo. 15.  26b, 27a

Refrão : Aleluia, Aleluia!! Repete-se

Espírito lialós nian nebé mai housi Aman, Nia mak sei sasin ba Ha’u.

Na’i lia tun dehan; imi mós sei fó sasin. Refrão

 

Evangelho                                                                                                                                                                                        Lc. 12. 8-12

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus lia tun ba Nia escolante sira: “Ha’u dehan lós ba imi katak ema nebé hatene Ha’u iha ema nia oin, Oan Mane mós sei hatene nia iha Maromak Nia anjo sira nia oin. Maibé ema nebé heli lia kona ba Ha’u iha ema nia oin, iha Maromak Nia anjo sira oin mós sei heli lia kona ba nia. Ema nebé ko’alia áat hasouru Oan Mane, sei hetan perdua; maibé ema nebé hateten áat Espírito Santo sei la hetan perdua. Wainhira sira lori imi ba sinagoga sira, ba juiz no ba na’i ulun sira, keta hanoin resin kona ba oin sá imi sei hatan eh ko’alia, basá iha oras  nebá Espírito Santo sei hanourin imi buat nebé imi sei dehan”.

Lia Maksoyn.

Leave a Reply

Your email address will not be published. Required fields are marked *