shadow
Diocese de Dili > NOTÍCIAS > LETURA DIÁRIA > Terça – Feira, XXIX Semana do Tempo Comum (Ano C)

Terça – Feira, XXIX Semana do Tempo Comum (Ano C)

Primeira Leitura              Rom. 5. 12, 15b, 17-19, 20b-21

Lia housi São Paulo nia Surat ba sarani sira iha Roma:

Maun alin sira: ne’e duni, nu’udar housi ema ida de’it mak sala tama iha mundo, no tan sala, mate; nune’e mate to’o ba ema hotu, basá ema hotu sala.

Basá tan ema ida de’it nia sala karik mak ema barak mate, liu tan mak Maromak nia graça no presente boot housi ema ida, Jesus Cristo, suli ba ema barak. Basá, housi ema ida nia sala, mate mai atu ukun tan ema ida de’it karik; liu tan mak sira nebé simu graça wa’in ba wa’in no presente atu sai ema lós sei ukun iha moris tan ema ida, Jesus Cristo. Ne’e duni, nu’udar housi sala ida lia todan monu ba ema hotu, nune’e mós housi hahalok di’ak ida perdua no moris mosu ba ema hotu. Basá nu’udar tan ida lakohi halo tuir, ema barak sai maksalak; nune’e mós, tan eda halo tuir, ema barak sei sai ema lós. Ukunfuan tama mai atu sala bele barak; maibé iha nebé sala sai barak; maibé iha nebé sala sai barak duni, iha nebá graça sai barak liu tan; nune’e, nu’udar sala ukun iha mate, nune’e graça sei ukun housi justiça ba moris tohan laek tan Jesus Cristo, ita Na’i.

Maromak Futar Lia.

 

Salmo Responsorial                                                                                                              Lc. 39(40). 7-8ª, 8b-9, 10, 17 (R. cf. 68)

Refrão : Nai, ha’u mai atu halo tuir Ita hakaran !!! Repete-se

Itaboot la kohi sacrifício no buat karan,

Maibé loke ha’u tilun atu rona.

Ita la husu buat karan eh na’an maten,

Tan ne’e ha’u dehan: “Ha’u mak ne’e”. Refrão

 

Iha livro lei nian, hakerek nanis ona,

Ha’u atu halo tuir Ita hakaran.

Ida ne’e mak ha’u hakarak, ha’u Maromak,

Ita ukunfuan hela iha ha’u fuan laran. Refrão

 

Ha’u sei haklaken Ita justiça ba ema lubun boot.

Na’i, Ita hatene katak ha’u la taka ha’u ibun. Refrão

 

Haksolok iha Ita, sira hotu nebé buka Ita.

Dehan ba nafatin: “Na’i mak Boot liu tomak”,

Sira be hakarak Ita maksoyn. Refrão

 

Aclamação                                                                                                                                                                                           Lc. 21. 36

Refrão : Aleluia, Aleluia!! Repete-se

Imi neon moris hodi hamulak nafatin atu imi bele hamriik

ho laran metin iha Mane Maksoin Nia futar oin. Refrão

 

Evangelho                                                                                                                                                                                     Lc. 12. 35-38

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus lia tun ba escolante sira, dehan: “Kesi metin imi nia futukabun no halo imi nia ahi oan lakan nafatin. Halo imi an hanesan ema sira nebé hein sira nia na’in wainhira nia mai housi festa kaben nian, atu loke kedas odamatan iha oras nebé nia to’o mai hodi tuku odamatan. Ksolok ba atan sira nebé Na’i hetan hader hela wainhira Nia to’o. Tebes, Ha’u dehan ba imi katak, nia sei kesi hena  ba nia knotak, sei halo sira tur iha mesa, hafoin Nia sei liu housi sira leet hodi serbi sira. Nia to’o mai karik iha ronda rua ka tolu, hodi hetan sira nune’e, ksolok duni ba sira.

Lia Maksoyn.

Leave a Reply

Your email address will not be published. Required fields are marked *