shadow
Diocese de Dili > NOTÍCIAS > LETURA DIÁRIA > Quarta – Feira, XXIX Semana do Tempo Comum (Ano C)

Quarta – Feira, XXIX Semana do Tempo Comum (Ano C)

Primeira Leitura                   Rom. 6. 12-18

Lia housi São Paulo nia Surat ba sarani sira iha Roma:

Maun alin sira: ne’e duni, nu’udar housi ema ida de’it mak sala tama iha mundo, no tan sala, mate; nune’e mate to’o ba ema hotu, basá ema hotu sala.

Basá tan ema ida de’it nia sala karik mak ema barak mate, liu tan mak Maromak nia graça no presente boot housi ema ida, Jesus Cristo, suli ba ema barak. Basá, housi ema ida nia sala, mate mai atu ukun tan ema ida de’it karik; liu tan mak sira nebé simu graça wa’in ba wa’in no presente atu sai ema lós sei ukun iha moris tan ema ida, Jesus Cristo. Ne’e duni, nu’udar housi sala ida lia todan monu ba ema hotu, nune’e mós housi hahalok di’ak ida perdua no moris mosu ba ema hotu. Basá nu’udar tan ida lakohi halo tuir, ema barak sai maksalak; nune’e mós, tan eda halo tuir, ema barak sei sai ema lós. Ukunfuan tama mai atu sala bele barak; maibé iha nebé sala sai barak; maibé iha nebé sala sai barak duni, iha nebá graça sai barak liu tan; nune’e, nu’udar sala ukun iha mate, nune’e graça sei ukun housi justiça ba moris tohan laek tan Jesus Cristo, ita Na’i.

Maromak Futar Lia.

 

Salmo Responsorial                                                                                                                         Sal. 123(124). 1-3, 4-6, 7-8 (R. 8ª)

Refrão : Ita nia tulun iha Na’i Nia naran !!! Repete-se

Na’i la hela hamutuk ho ita karik,

Be Israel dehan,

Na’i la hela ho ita karik,

Ema sira nebé hamriik haouru ita,

Sei han moris de’it ita,

Wainhira sira larn nakali hasouru ita. Refrão

 

Nune’e, ita sei mout iha wé laran

Wé sei lori ita ba tasi, laloran sei falun ita,

Ita isin sei sai rahun ho laloran.

Rahun di’ak ba Na’i, nebé la husik ita mate. Refrão

 

Ita soi ita nia moris,

Hanesan manu fuik soi an housi hani caçador nian;

Sai tiha housi hani, Ita soi an ona.

Ita nia tulun iha Na’i Nia naran,

Nebé halo lalehan no rai. Refrão

 

Aclamação                                                                                                                                                                                Mt. 24. 42ª, 44

Refrão : Aleluia, Aleluia!! Repete-se

Imi matan moris neon na’in ba basá iha oras nebé imi

la hanoin hetan mak Mane Maksoi sei mai. Refrão

 

Evangelho                                                                                                                                                                                     Lc. 12. 39-48

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus lia tun ba escolante sira nune’e: Imi rona didi’ak ba: uma na’in hatene  karik tuku hira mak na’ok ten atu mai, nia sei la husik nia tama iha nia uma. Imi hein hela ba, basá iha oras nebé imi la hanoin kona, Oan Mane sei hi’it an mai.”

Pedro dehan ba Nia: “Na’i, Ita haktuir aiknanoik ida ne’e mai ami de’it, ka ba ema hot-hotu mós?” Na’i simu: “Se mak atan di’ak no matenek nebé uma na’in haruka atu haré nia familia hodi fahe aihan ba sira tuir oras lolós? Ksolok ba atan nebé nia na’in hetan halo nune’e wainhira nia to’o mai. Tebes, Ha’u dehan ba imi katak  nia sei fó knaar ba atan ne’e atu haré nia rikusoi tomak. Maibé atan ne’e dehan karik  ba nia an: ‘Ha’u nia na’i kleur atu to’o mai, hafoin hahu  baku atan mane no feto sira, hodi han no hemu to’o lanu, nia na’i sei to’o mai iha loron nebé nia la hein no iha oras nebé nia la hanoin, na’i sei fó todan ba nia, hodi tau nia hamutuk ho ema áat sira. Atan nebé hatene nia na’i nia hakarak, maibé la hadi’a an hodi halo tuir buat nebé nia husu, sei hetan kastigu barak. Maibé atan nebé la hatene, no halo buat nebé soi kastigu, sei hetan kastigu kmaan de’it. Ba ema nebé simu barak, sei husu mós barak; no ema nebé simu knaar boot, barak liu mak ema sei husu ba nia”.

Lia Maksoyn.

Leave a Reply

Your email address will not be published. Required fields are marked *