shadow
Diocese de Dili > NOTÍCIAS > LETURA DIÁRIA > Quinta – Feira, XXIX Semana do Tempo Comum (Ano C)

Quinta – Feira, XXIX Semana do Tempo Comum (Ano C)

Primeira Leitura                  Rom. 6. 19-23

Lia housi São Paulo nia Surat ba sarani sira iha Roma:

Maun alin sira: Ha’u ko’alia tuir ema nia hanoin tan imi kbiit laek. Basá, nu’udar imi saran imi isin nia liman ain nu’udar atan ba sala fo’er no hahalok áat ba hahalok áat, nune’e, ohin saran imi nia liman ain nu’udar atan ba justiça atu sai santo. Basá wainhira imi sala nia atan, imi dook housi moris santo. Maibé imi manan sá lós housi buat sira nebé ohin imi halo moe ona? Basá buat sira ne’e hotu lori ba mate. Maibé oras ne’e, imi sai tiha housi sala nia ukun no sai ona Maromak nia atan, di’ak nebé imi hetan lori ba moris santo, nebé lori ba moris rohan laek. Basá sala nia kolen mak mate, maibé Maromak nia presente mak moris rohan laek iha Cristo Jesus, ita Na’i.

Maromak Futar Lia.

 

Salmo Responsorial                                                                                                                           Sal. 1. 1-2, 3, 4, 6 (R. Sal. 39. 5ª)

Refrão : Rahun di’ak ba ema nebé tau neon iha Na’i!!! Repete-se

Ksolok ba ema nebé la tuir ema áat nia lia meno,

La la’o iha dalan ema maksalak,

Maibé haksolok ho Na’i Nia ukunfuan,

Hodi hanoin Nia ho neon kalan loron. Refrão

 

Nia hanesan ai-kudan ida iha wé inan ninin;

Nafuan tuir nia tempo, nia tahan la namlaik,

Buat hotu nebé nia halo, sai di’ak de’it. Refrão

 

Maibé, ema áat sira nia moris oin seluk,

Sira hanesan háre kain be anin lori,

Na’i hatene ema lós nia dalan,

Dala ema áat sira nian, lori ba rahun áat. Refrão

 

Aclamação                                                                                                                                                                                      Filip. 3. 8-9

Refrão : Aleluia, Aleluia!! Repete-se

Ha’u hakribi sasan hotu nu’udar buat folin laek atu bele

Fó fatin ba Cristo no hasouru malu ho Nia. Refrão

 

Evangelho                                                                                                                                                                                     Lc. 12. 49-53

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus lia tun ba escolante sira, “Ha’u mai atu lori ahi ba raiklaran, no Ha’u hakarak teb-tebes ahi ne’e lakan duni. Ha’u sei simu baptismo ida, no Ha’u sei  la hakmatek to’o buat ne’e mosu. Imi hanoin katak Ha’u mai atu lori dame  ba raiklaran? Ha’u dehan ba imi  katak lae; maibé atu halo ema haketak malu. Basá houri ohin ba oin, ema na’in lima iha uma laran, sira lia sei la tuir malu: na’in tolu hasouru na’in rua, na’in rua hasouru na’in tolu; aman hasouru oan mane, oan mane hasouru aman; inan hasouru oan feto, oan feto hasouru inan; banin feto hasouru feto foun, feto foun hasouru banin feto”.

Lia Maksoyn.

Leave a Reply

Your email address will not be published. Required fields are marked *