shadow
Diocese de Dili > NOTÍCIAS > LETURA DIÁRIA > Sábado, XXIX Semana do Tempo Comum (Ano C)

Sábado, XXIX Semana do Tempo Comum (Ano C)

Primeira Leitura                    Rom. 8. 1-11

Lia housi São Paulo nia Surat ba sarani sira iha Roma:

Maun alin sira: Ne’e duni, la iha lia kastigo nian ba sira nebé iha Cristo Jesus. Basá ukunfuan espírito moris nian iha Cristo Jesus hasai ona imi housi ukunfuan sala no mate nian. Basá buat nebé ukunfuan la bele halo tanba kuran kbiit tan isin, Maromak halo tiha hodi haruka Nia Oan Mane iha isin nu’udar ilas ema maksalak nian, no tan sala, tesi lia todan ba sala iha isin, atu nune’e buat lós nebé ukunfuan haruka bele halo tuir duni iha ita nebé moris, la’os tan tuir isin, maibé tuir espírito.

Basá sira nebé moris tuir isin hanoin de’it buat nebé isin nian, maibé sira nebé moris tuir espírito, hanoin buat nebé espírito nian. Isin nian hanoin mak mate, maibé espírito nia hanoin mak moris no dame. Basá isin nia hanoin mak atu funu malu ho Maromak; nia lakohi halo tuir Maromak nia ukunfuan; nia la bele duni; no sira nebé hôrik iha isin la bele monu lós ba Maromak nia laran. Maibé imi la hôrik iha isin; lolós imi iha espírito wainhira Maromak nia espírito hôrik iha imi. Ema nebé la iha Cristo nia espírito iha nia, la’os Cristo nian. Maibé Cristo iha imi karik, maski isin mate ona tanba sala, espírito moris hela tan justiça. Na’i, nebé halo Jesus moris hi’as housi mate, nia espírito hôrik iha imi karik, ida nebé halo Cristo moris hi’as fali sei fó moris mós ba imi nia isin nebé bele mate, housi espírito nebé hôrik iha imi.

Maromak Futar Lia.

 

Salmo Responsorial                                                                                            Sal. 23(24). 1-2, 3-4ab, 5-6 (R. cf. 6)

Refrão : Ema otas ne’e mak buka Na’i!!! Repete-se

Rai no buat hotu nebé iha nia, Na’i Nian;

Mundo no buat tomak hôrik iha nia.

Maromak hatur rai iha tasi leten,

Hametin rai iha laloran leten. Refrão

 

Sé mak bele sa’e ba Maromak Nia foho,

Eh hôrik iha Nia kadunan santo?

Ema nebé laran mós no liman la sala,

Ema nebé la jura lia bosok. Refrão

 

Ema ne’e sei simu Na’i Nia bensa,

Nia sei hetan kolen housik Maromak, nia Maksoyn,

Ema otas ne’e nian mak buka,

Be buka tuir oin Maromak Jacob nian. Refrão

 

Aclamação                                                                                                                                                                  Ez. 33. 11

Refrão : Aleluia, Aleluia!! Repete-se

Na’i dehan, Ha’u lakohi ema sala-na’in nia mate, maibé

Atu fila fali mai Ha’u no bele moris. Refrão

 

Evangelho                                                                                                                                                                 Lc. 13. 1-9

Na’i Jesus Cristo nia Evangelho nu’udar São Lucas haktuir:

Iha tempo nebá, ema mai fó hatene ba Jesus kona ba ema Galileia sira nebé Pilatos haruka kahur sira ran ho balada sira nia ran, nebé sira hasa’e ba lulik. Jesus hatan ba sira: “Imi hanoin katak ema Galileia sira ne’e áat liu fali ema Galileia sira seluk tanba sira terus nune’e? La’e, Ha’u dehan ba imi; maibé imi la hakribi karik imi nia sala, imi mós sei mate hanesan sira. Hanesan mós sira sanulu resin  ualu nebé uma andar Siloé nian hanehan mate wainhira uma ne’e monu: imi hanoin katak  sira áat liu fali sira seluk iha Jerusalém? La’e, Ha’u dehan ba imi; maibé imi la hakribi karik imi nia sala, imi hotu sei mate hanesan sira”.

Nia dehan tan aiknanoik ida ne’e”. Ema ida kuda tiha ai figuera ida iha nia to’os loron ida nia ba buka nia aifuan, maibé la hetan. Tan ne’e nia hateten ba to’os atan: ‘Tinan tolu ona ha’u mai buka aifuan iha aihun ne’e, maibé la hetan ida. Tesi tiha nia tansá nia susu leet rai bokur?’ Maibé to’os atan hatan: ‘Nai, husik nia tinan ida ne’e tan, atu ha’u sei ke’e hadulas nia hun hodi tau mós rai metan. Tinan oin mai nia sei fó fuan karik, di’ak; lae karik, mak ha’u sei tesi tiha nia’’’.

Lia Maksoyn.

Leave a Reply

Your email address will not be published. Required fields are marked *