shadow
Diocese de Dili > NOTÍCIAS > LETURA DIÁRIA > Segunda – Feira, XXX Semana do Tempo Comum (Ano C)

Segunda – Feira, XXX Semana do Tempo Comum (Ano C)

Primeira Leitura                 Rom. 8. 12-17

Lia housi São Paulo nia Surat ba sarani sira iha Roma:

Maun alin sira: Ne’e duni, ita la iha tusan ba isin, atu moris tuir isin. Imi moris tuir isin karik, ami sei mate; maibé tuir espírito, imi oho karik isin nia hahalok, imi sei moris.

Sira nebé Maromak Nia espírito mak ukun mak Maromak nia oan sira. Basá imi la simu espírito atan nian nebé nebé halo imi ta’uk, maibé imi simu espírito oan hakiak nian, tan ne’e, ita haklaken: “Abba, Aman!” Espírito rasik fó sasin ho ita nia neon katak ita Maromak Nia oan; no oan karik, ne’e duni liman rohan na’in, liman rohan na’in Maromak Nian no liman rohan na’in hamutuk ho Cristo; naran ita terus hamutuk ho Nia atu ita mós bele hetan naran boot hamutuk ho Nia.

Maromak Futar Lia.

 

Salmo Responsorial                                                                                  Sal. 67(68). 2, 4, 6-7ab, 20-21 (R. cf. 21ª)

Refrão : Na’i, ita Maromak, mai atu soi ita!!! Repete-se

Maromak hamriik, Nia funu baluk sira namkari,

Sira be rai kuna hasouru Nia, halai housi Nia oin;

Maibé, ema justo sira haksolok,

Haksolok iha Maromak futar oin,

No sira nakonu resin ho ksolok. Refrão

 

Kiak sira Aman, feto faluk sira kbiit,

Maromak hôrik iha Nia kadunan santo.

Nia hadi’a fatin ida ba ema kiak,

Lori ba liberdade ba ema iha dadur. Refrão

 

Loron ba loron, rahun di’ak nafatin ba Na’i!

Hanoin ita, Maromak ho ita, ita Maksoyn,

Ita Maromak mak Maromak ida be soi,

Na’i soi ita housi mate. Refrão

 

Aclamação                                                                                                                                                              Jo. 17. 17b,a

Refrão : Aleluia, Aleluia!! Repete-se

Ita liafuan, Na’i, mak lialós tebes;

hametin ami iha lialós. Refrão

 

Evangelho                                                                                                                                                             Lc. 12. 10-17

Na’i Jesus Cristo nia Evangelho nu’udar São Lucas haktuir:

Iha tempo nebá, Iha tempo nebá, iha loron sábado ida Jesus hanourin iha sinagoga. Iha nebá iha feto nebé espírito áat ida halo moras tinan sanulu resin ualu ona: nia la’o hakru’uk de’it, la bele hamriik lós. Haré tiha nia, Jesus bolu nia hodi dehan ba nia: “Feto, o nia moras la iha ona.” Hafoin Nia tau liman ba nia. Iha oras nebá kedas, feto hamriik lós hodi hahi Maromak. Maibe na’i ulun sinagoga nian hirus tanba Jesus fó isin di’ak iha loron sábado; nia dehan ba ema sira: “Iha loron neen atu serbisu; ne’e duni, mai iha loron hirak ne’e; keta mai iha loron sábado.” Maibe Na’i hatan ba nia dehan: “Laran makerek sira, imi la kore imi  nia karau eh kuda housi nia luhan iha loron sábado, hodi lori nia ba fó hemu? Ne’e duni, feto ne’e, Abraão nia oan, nebé diabo kesi ba tinan sanulu resin ualu ona, la soi atu  kore tiha mós iha loron sábado?” Dehan tiha nuen’e, nia funu baluk sira moe hotu, maibe povo tomak haksolok tanba hahalok kmanek sira nebé Nia halo.

Lia Maksoyn.

Leave a Reply

Your email address will not be published. Required fields are marked *