shadow
Diocese de Dili > NOTÍCIAS > LETURA DIÁRIA > Quinta – Feira, XXX Semana do Tempo Comum (Ano C)

Quinta – Feira, XXX Semana do Tempo Comum (Ano C)

Primeira Leitura                 Rom. 8. 31b-39

Lia housi São Paulo nia Surat ba sarani sira iha Roma:

Maun alin sira: Maromak hamutuk ho ita karik, se mak bele hasouru ita? Nia nebé la hanoin Nia Oan Mane, maibé saran Nia tanba ita hotu, oin sá Nia sei la fó buat seluk hotu hamutuk ho Nia? Sé mak atu goti lia hasouru sira nebé Maromak fihir ona? Maromak mak ida nebé halo lós. Sé mak tesi lia todan hasouru ita? Cristo (Jesus) nebé mate, liu! Nia moris hi’as, nebé hatodan An iha Maromak nia kuana, nebé harohan duni tan ita.

Buat sá mak sei haketak ita housi Cristo? Laran susar, ka laran taridu, ka ema duni todan, ka hamlaha ka hatais la iha; ka perigu, ka surik? Nu’udar hakerek nanis: “Tan imi, ema oho ami loron tomak; ema haré ami hanesan bibi nebé atu oho ona”. Lae, iha buat hotu ne’e ita liu fali sira nebé manan housi Nia nebé hadomi ita.

Basá ha’u fiar lolós katak mate ka moris, anjo ka lalehan nia kbiit na’in sira; ka sasan ohin ne’e nian ka buat aban bainrua nian; ka kbiit na’in sira, ka fatin aas, ka fatin kle’an, ka buat seluk tan nebé Maromak halo bele haketak ita housi Maromak nia domin, iha Cristo Jesus, ita Na’i.

Maromak Futar Lia.

 

Salmo Responsorial                                                                                                       Sal. 108(109). 21-22, 26-27, 30-31 (R. 26b)

Refrão : Na’i, soi ha’u ba, tan Ita laran di’ak!!! Repete-se

Na’i, mai tulun ha’u, tan domin Ita naran nian,

Soi ha’u ba, tan Ita laran-luak be boot tebes,

Basá, ha’u kiak no susar tebes,

Ha’u fuan susar tebes. Refrão

 

Na’i, ha’u Maroamak, mai tulun ha’u ba,

Soi ha’u ba, tan Ita laran di’ak;

Atu sira hatene katak Ita liman mak halo,

Atu ema hatene, Ita mak halo. Refrão

 

Ha’u sei hawélok Na’i,

Ha’i sei hahí Nia iha ema lublubun nia leet,

Basá, Nia hela iha ema kiak nia sorin kuana,

Atu soi nia housi ema laran áat sira. Refrão

 

Aclamação                                                                                                                                                                         cf. Lc. 19. 38; 2. 14

Refrão : Aleluia, Aleluia!! Repete-se

Rahun di’ak ba ida be mai hodi Na’i Nia naran;

Damen iha lalehan, glória iha leten áas ba. Refrão

 

Evangelho                                                                                                                                                                                      Lc. 13. 31-35

Na’i Jesus Cristo nia Evangelho nu’udar São Lucas haktuir:

Iha loron nebá, fariseu balun mai hodi dehan ba Nia: “Sai tiha housi ne’e, basá Herodes hakarak oho Ita”. Nia hatan ba sira: “Imi la’o ba, hodi dehan ba asu fuik ne’e: ‘Ha’u duni sai diabo sira, hodi fó isin di’ak ba ema ohin no aban; no bainhira Ha’u nia knar hotu ona. Maibé ohin, aban no bainrua Ha’u sei tuir Ha’u nia dalan: basá profeta ida la bele mate iha liur Jerusalém.

Jerusalém, Jerusalém, nebé oho profeta sira no tuda sira nebé Na’i haruka ba ó! Dala hira ona Ha’u buka atu halibur ó nia oan sira, hanesan manu inan tau nia oan sira iha nia liras okos, maibé ó lakohi! Tebes, ema sei hamamuk imi nia uma. Maibé Ha’u dehan ba imi katak imi sei la haré tan Ha’u to’o loron nebé imi sei dehan: ‘Rahun di’ak ba Ida nebé mai hodi Na’i Nia naran!’”

Lia Maksoyn.

Leave a Reply

Your email address will not be published. Required fields are marked *