shadow
Diocese de Dili > NOTÍCIAS > REFLEXÃO > ZAQUEU Fahe Nia Riku’……Nai Ulun sira fahe….?? Promessa!!!

ZAQUEU Fahe Nia Riku’……Nai Ulun sira fahe….?? Promessa!!!

               Novidade nebe semana nee namanas iha sociedade nia fuan mak informação kona ba Eleição Antecipadas segunda parte (EA II). Iha circunstância ida nee, nai deputado sira nebe loron kalan hanara-an representante povo sei simu hikas kareta foun ho marka PAJERO SPORT. Pergunta mak nee, sei ita luta ba interece povo nebe fo voto atu deputado sira mai tuur iha Uma Fukun, sa objectivo no serviço concreto saida mak povo sente ona husi legislador sira? Iha aldeia barak falta cananlização be mos, infrastrutura escola iha território tomak sei desgraça tebes. Exemplo balu mak escola nebé Presidente da República visita iha tempo hirak liu ba iha Lospalos, Escola Filial ida iha Oecusse nebe jornal sira publica. Nee parte kiik ida husi escola bar-barak nebe oras nee sei falta buat barak. Facilidade Escola hanesan biblioteca quase la iha iha escola balu enquanto estudante sira barak liu passa tempo ho telemóvel do que le livro. Pior liu mak wainhira nai deputado sira ba halo fiscalização mak nee ka ba visita família mak nee ka, certamente sira hasoru comunidade barak nebe tutur hela jerigen hodi buka be mos, imagem seluk mak wainhira nai deputado nai ministro ho comitiva halao kareta liu husi estrada rai uut, votante taka inus tan rai rahun, enquanto representante povo hasai vido metan hodi helik.

               Leitura tolu Domingo semana nee, relata duni Liafoun Diak (Kabar Gembira/Boa Nova). Zaqueu iha Evangelho hakarak hanorin lição mutak ida ba ema hotu li-liu nai ulun sira hodi hatene ukun ho fuan. Goza regalias bar-barak hodi halo netik buat ruma do que too mandato remata la halo buat ida maibé Pensão Vitalícia assegurado.

                Livro Sabedoria solicita, katak Maromak hadomi tebes ema hotu. São Paulo iha nia parte, convida sarani Tessalónica sira atu, ita nobun nebe Maromak hadomi, percisa prática hahalok diak, atu nune’e Jesus nia naran hetan glória iha ita ida-idak nia-an. Ita mos sei hetan glória iha Jesus. Iha Evangelho, São Lucas afirma karak; Mane Maksoyn, laos mai atu castigo maibé, Nia mai hodi buka no salva Maromak emar sira nebe lakon!

Mensagem principal husi Evangelho mak; São Lucas hakarak hanorin buat foun balu liu husi ninia ai-knanoik. Iha neba haktuir hodi justifica katak; Jesus mai hodi bolu ema maksalak sira (os pecadores (Lc 2,17a)) no salva hirak nebe lakon (Lc 19,10). Ba objectivo ida nee, Jesus rasik saran Nia-An ba ema wain nia diak/salvação. Ho Jesus nia saran-An, Nia hakarak lori vida Divina/moris santo ba ema wain nebe monu ba sala (pecador).

Iha relato Evangelho Domingo semana nee, Maromak nia laran luak (Misericórdia de Deus), expressa ho visita ida nebe Jesus halo ba Zaqueu nia uma; (Zaqueu;= los ou puro), nia nudar chfe cobrador imposto, riku. Cobrador imposto iha sociedade judaica, considerado nudar sala nain/pecador, basá, ho regulamento Romano sira nian no ba interece governo Romano, sira halo cobrança imposto ba estado ao mesmo tempo buka lucro ba sira nia necessidade.

Maske nune’e, Zaqueu nudar ema riku maibé, nia fuan laran (consciência) la taka ba esperança israelita sira nian hodi hein maksoyn nebe atu mai, laran diak hanesan Jesus. Wainhira Jesus mosu, Zaqueu hare Jesus nia figura nudar profeta nebe hanorin nakonu ho sabedoria no halo diak ba ema hotu. Tanba nee mak, maske Zaqueu sente-an nudar ema maksalak iha sociedade nia leet, ema hakribi lesuk nia, maibé, nia iha vontade eh desejo boot hodi hasoru malu ho Jesus.

Zaqueu nia desejo nebe boot, halo nia tenke sae ba ai leten atu bele hetan Jesus nebe liu dadaun no ema hobur lesuk. Los duni, Zaqueu nee ema isin badak; maibé, ho ninia esforço hodi sae ai leten, halo Jesus bele lé Zaqueu nia intenção. Jesus decobre iha Zaqueu katak; maske pecador, iha Zaqueu nia fuan laran, nia sei iha saudades hodi conhece Maksoyn. Afinal maske nia ocupa posição diak nudar cobrador imposto, nebe ema barak haré nia hanesan sala nain, maibé ninia ser hanesan ema mos la lakon. Tanba lia fuan Zaqueu iha lian ibrani (hebreu) significa; los ou puro.

Ema haré, Zaqueu nia parte liur maibé, Jesus hare liu mak Zaqueu nia fuan. Tanba nee mak wainhira haré Zaqueu tabele hela iha ai-tutun, Jesus bolu kedas hodi hatete; Jesus atu tama iha nia uma. Hasoru malu directamente ho Jesus, Zaqueu converte (bertobat) kedas. Zaqueu declara ba Jesus katak; ohin kedas, nia sei fo fila fali ho duplo, ema seluk nia sasan nebe nia hetan ho maneira injusto. Nee mak realidade ida; Zaqueu nudar sala nain (pecador), declara ba público kona ba nia conversão. Consequência mak; injustiça nebe nia comete ona, nia tenke selu fali ho justiça ba nia maluk sira no nia rasik lakon nia serviço.

Ita mos sei lembra, relato iha ocasião seluk iha Lucas 7, 1-10, iha neba, oficial miltar Romano ida; inimigo ema judeu, nia husu ba Jesus hodi fo isin (cura) diak nia atan nebe moras todan atu mate ona. Jesus hatan nia pedido hodi fo isin diak ba atan nee hafoin hatete:“Aku berkata kepadamu: Iman sebesar ini tidak pernah Aku jumpai, sekalipun di antara orang Israel”  “«Digo-vos: nem em Israel encontrei tão grande fé (lc 7,9)»”.

Iha conteúdo Evangelho Domingo semana nee, Jesus haraik graça perdão wain tebes ba Zaqueu; ema maksalak ida nebe comete injustiça ba nia maluk judeu rasik, maibé, nia la dúvida hodi declara conversão pública. Converte ho fuan laran tomak, hodi selu debe hirak nebe nia foti husi nia maluk judeu sira. Buat nebe extra-ordinário husi Zaqueu mak; ninia disponibildade nebe boot hodi converte. Lalaok nee, ita la hetan arbiru iha iha ema fariseu sira nia grupo. Tanba, ema fariseu maske kaer metin ba lei judeu eh lei Moises maibé, sira mos rai osan barak iha sira nia cofre privado (rekening pribadi).

Mensagem principal 2 nebe ita hetan husi Evangelho Domingo semana nee mak:

  • Maromak iha Ninia misericórdia tomak, hakarak salva ema hothotu, sem discriminação, maske boot oinsa pecado ema nian. Qualquer se deit, ema hotu nudar Maromak nia oan mane no feto. Maromak cria ema tuir imagem/lalatak Aman Maromak nian rasik. Sira hotu sei lori ba libur hamutuk iha união ho Maromak rasik.

 

  • Maibé, requesito absoluto nebe ema precisa tebes atu preenche mak; disponibilidade hodi hatene-an nudar ema sala nain iha Maromak futar oin. Wainhira lalaok principal nee la hetan iha ema ida-idak maka; Maromak nia misericórdia mos impossível atu ema hetan/atinge. Sincero (jujur), haraik-an iha Maromak futar oin, ida nee mak hanaran conversão. Maibé, fidelidade ou sinceridade conversão sei sai autêntico wainhira lao hamutuk ho disponibilidade/laran kmaan hodi prática justice ba ema seluk.

Espera Nai ulun sira aprende menon ruma husi relato Evangelho semana nee kona ba Zaqueu. Assim Seja e Bem Haja (ignaslopes)

Leave a Reply

Your email address will not be published. Required fields are marked *