shadow
Diocese de Dili > NOTÍCIAS > REFLEXÃO > CATÓLICO: La PRECISA MORIS HO ESPERANÇA…?

CATÓLICO: La PRECISA MORIS HO ESPERANÇA…?

Reflexão ba Domingo 1 tempo Advento

 

Alegoria filosófica simples ida hateten: buat hotu muda  ba bebeik (Segala sesuatu berubah terus menerus); husi sorin seluk, alegoria Portuguesa ida mos hafunan liu tan lia fuan nee hodi dehan: este mundo, tudo muda tudo passa. Wainhira tama ona iha  tempo advento, iha loja sira, kios sira, radio sira, iha uma sira  no iha fatin barak ema hahu loke múzika natal nian. Ida nee fo hanoin mai ita katak Natal besik dadun ona. Tinan-tinan enquanto tama ona iha advento, ita hatene katak tuir mai ita sei celebra festa boot Natal Nai nia katak Nai Maksoin Jesus Cristo moris mai iha mundo hodi hola isin ida hanesan ita ema.

Domingo semana kotuk, Uma Kreda celebra ona solenidade Cristo Liurai mundo rai klaran. Solenidade Cristo Liurai nee mos taka ona tempo comum ano litúrgico C, tuir Calendário Litúrgico Igreja Católica nian. Tan ita nia fiar define katak: Cristo mak Liurai ba mundo rai klaran no ita mos iha confiança katak; Cristo nudar Liurai no ita nia moris hola parte husi Cristo nia Reino.

Afinal, iha ita nia experiência lorloron, ita nia moris nudar membro Reino Cristo nian, seidauk atinge expectativa/harapan nebe ema mehi iha nia fuan. Iha Domingo dahuluk tempo Advento ano litúrgico A nee, hamutuk ho Evangelista São Mateus, ita hotu hetan convite hodi Matan Moris Neon Nain (berjaga jaga) ba Nai Jesus nebe sei hiit-an mai ita ida-idak nia fuan. Tempo Advento nudar tempo nakonu ho esperança. Maibé, saida mak ita espera eh ita mehi, sei concretiza duni ka sei sai realidade duni wainhira ita sério iha lalaok matan moris moris neon nain(berjaga-jaga).

Iha relato Evangelho São Mateus primeiro Domingo Advento semana nee, Jesus rasik hatete:”imi matan moris neon nain ba basá, imi la hatene wainhira mak Nia sei too mai” (Mat 24, 42). Ita sempre husu nunee: tansa mak Maromak hasubar buat nebe importante ba ita ema atu hatene? Wainhira los mak Nai sei hiit-an fali mai nebe significa ita sei ba hasoru Nai? Jesus nia liafuan hirak nee iha sentido saida los?

Maromak presente ona iha Nai Jesus Cristo  nudar Maksoyn. Nunee, em princípio ema hotu atinge salvação ona husi Cristo Maksoyn nee. Reino Maromak nian mai no hahu tiha ona iha Cristo. Maibé, concretização husi Jesus nia mai/presença daruak nian nudar Liurai ba ema ida-idak, la acontece simulatâneamente/paralelo (serentak), la automaticamente Maromak valoriza ema ou condecora ema obrigatoriamente. Maroma haraik nafatin liberdade atu ema exerce ninia liberdade eh vontade tuir saida mak nia prefere iha moris nee.

Maske ema hetan liberdade no hetan mos capacidade racional suficiente husi Maromak, atu bele moris tuir Maromak nia dalan nebe los, maibé, por natureza ema fraco nafatin. Maromak reconhece situação natural ida nee iha ema nia existência tomak. Maromak hatene ona katak ita sei sente tauk no laran la hakmatek, wainhira ita hatene ona wainhira mak ita atu mate, ou wainhira mak Nai sei too mai, wainhira hein dadaun Nai nia mai nebe ita la hatene tuir. Situação hirak nee bele hamosu ambiente tauk, liliu ba ema ruma nebe apanha moras todan ruma hanesan cancro/kanker nebe perigoso, sira sei la hakmatek. Ohin loron, ema lobuk ida ma mate tanba sofre coração (serangan jantung), ema balu mate tanba sofre moras nebe la bele cura, halo nia fuan la hakmatek basá, nia la hetan certesa/kepastian too nia rasik lakon esperança ba moris nee.

Liturgia tempo Advento ida nee, ho objectivo hodi consciencializa ita katak; ema nebe fiar nain duni, precisa moris nakonu ho esperança. Wainhira Nai hiit-an mai ou wainhira ita hiit-an ba hasoru Maromak, los duni, ita la consciente. Tanba nee, ita la bele indiferença (cuek) maibé, ita precisa matan moris neon nain ba momento sira nebe ita la espera.  Nudar sarani Católico, ita precisa duni hatene katak, Domingo semana nee, ita hahu ona ano litúrgico foun tuir calendário liturgia Igreja Católica nian maibé, ita mos precisa hatene katak; ita mos hakat dadaun ona ba tinan 2016 nia rohan. Significa la kleur tan ita sei husik duni tinan 2016 ba kotuk hamutuk ho experiência moruk no midar sira. Tanba nee mak ita precisa aproveita oportunidade ida nee didiak hodi reflecte oinsa ita sei halao moris nudar sarani Católico durante tinan 2017 nebe atu mai.     

Tempo Advento iha tinan litúrgico foun nebe ita hahu dadaun nee, Nai Maromak nia futar lia fuan, convida fila fali ita nobun hodi haré fila ba kotuk hodi compara ita nia experiência moris sira tinan 2016 nian hodi tama fali ba tinan 2017 ho lalaok foun nudar Cristão Católico nebe moris nudar sarani iha qualidade diak. Ita la precisa hanoin kona ba sucesso isin nian deit maibé, Maromak nia futar lia fuan sira bolu bebeik atenção hodi esforço mos ba prosperidade klamar nian. Ita precisa toma consideração ida katak; mudança clima iha rai nee, muda mos situação iha ita nia natureza moris. Tanba nee mak precisa ita calcula ka hanoin mos kona ba mudança hirak nebe bele mosu iha qualquer tempo maibé, ita la espera. Nunee mos ho ita nia moris espiritual ou moris sarani nian, mudança hirak nebe acontece eh lao dadaun iha ita nia ambiente no ita nia sociedade,  sai hanesan desafio ida hodi koko no sukat oinsa ita ita mantem ita nia fiar metin nafatin ba Jesus Cristo Maromak Oan. Lalaok ida nee, exige mos ita nia esforço hodi responsabiliza ita ita moris ba Maromak.

Alegoria filosófica simples ida hateten: buat hotu muda  ba bebeik (Segala sesuatu berubah terus menerus); husi sorin seluk, alegoria Portuguesa ida mos hafunan liu tan lia fuan nee hodi dehan: este mundo, tudo muda tudo passa. Ita nia moris bele compara hanesan ecrã/layar televisão ida. Ecrão nee ida deit maibé buat nebe mosu/apresenta iha ecrã nee sempre troca ba mai. Exemplo hanesan videotron sira iha colmera, páteo, Vilaverde no Timor Plaza nia oin neba. Husi mudança hirak nee, ita bele recorda katak afinal iha acontecimento balu mak ita sei bele hanoin hetan no iha mos acontecimento balu mak ita haluha lakon tiha ona durante tinan ida nee no mos iha tinan hirak liu ba. Nunee mos ho planeta rai nee. Mundo nee nafatin deit maibé, emar hirak nebe horik iha mundo nee mak troca ba mai…balu mate… hahu moris.. balu mai…balu ba…ida nee mak mudança de vida iha rai nee. Tanba nee mak tempo Advento ida nee, ita precisa halo tuir Nai Jesus nia lia fuan nebe dehan; matan moris neon nain basa imi la hatene wainhira los mak Nai sei too mai.  

Maske nunee, ita nia fiar nudar sarani laos haré no depende deit ba realidade nee, ita ia fiar hatudu ba realidade seluk mos. São João hatete:”Ora, o mundo passa e também as suas concupiscências, mas quem faz a vontade de Deus permanece para sempre”// Dunia ini  sedang lenyap dengan keinginannya, tetapi  orang yang melakukan kehendak Allah tetap hidup selama-lamanya (1 Yoh 2:17). Los duni, buat hotu sei muda, troca no remata maibé, Maromak sei existe ba nafatin. Tanba nee, ba ita ema criatura, sei iha nafatin possibilidade atu ita hakat ba oin buka Maromak iha ita nia fuan, buka Maromak iha ita nia moris lorloron. Fiar nafatin iha Maromak hodi halo tuir Nia ukun fuan sira. Nee mak mensagem principal Jesus Cristo nian iha primeiro Domingo Advento nee:” Tan nee, imi hadia-an nafatin, basá, Mane Maksoyn sei mai iha oras imi la hanoin kona.” (Mat 24,42). Assim Seja e Bem Haja (ignaslopes).

Leave a Reply

Your email address will not be published. Required fields are marked *