shadow
Diocese de Dili > NOTÍCIAS > Notícias > LOLOTOE NIA OAN IDA SAI NAILULIK

LOLOTOE NIA OAN IDA SAI NAILULIK

DCAD Bispo de Maliana e atual Presidente Conferência Episcopal Timorense Dom Norberto do Amaral ordena Lolotoe nia oan ida ‘diácono Rui Pereira’ ba grau Nailulik nian iha loron 10 fulan Janeiro 2020 iha Paróquia Nossa Senhora de Fátima Lolotoe diocese de Maliana. Participa iha missa ordenação ne’e Padres housi diocese tolu; Maliana, Dili no Baucau, religiosos e religiosas, Autoridade local no nacional, civis e militar, seminaristas, famílias no sarani Lolotoe.

Dom Norberto do Amaral iha ordenação hateten; “ohin ita halo ordenação ne’e katak hili ema ida housi sarani sira nia le’et, laos ita mak hili maibe Jesus mak hili. Wainhira Nia hili tiha ema ida ne’e Nia consagra ema ida ne’e hodi sai Cristo nia saeluk iha mundo raiklaran. Nia função atu sai sinal reino Maromak nian iha sarani sira le’et, sai sentinela ba sarani sira nia moris no sai guardião ba sarani sira nia moris”.

Prelado ne’e reforça tan katak; “Ordenação ne’e laos simu posse/pelantikan hodi sai funcionário hodi manan osan maibe sai atan Cristo nian hodi servi ema, bali ema nia klamar hanesan Jesus rasik mai iha mundo raiklaran maske terus atu mate iha cruz Nia sei dehan Nai Perdua sira basá sira la hatene saida mak sira halo. Ne’e duni Dom Norberto do Amaral husu ba nailulik foun atu hatene obedece no haraikan iha moris”.

Remata tiha missa Pároco Paróquia Nossa Senhora de Fátima Lolotoe iha ninia discurso hateten; “Tinan ida ne’e hanesan tinan ida ne’ebe ami paróquia Lolotoe sente graça domin Maromak nian iha ne’ebe Cruz Jovem mai hamutuk ho ami, ami bele inaugura Igreja Lolotoe ne’ebe kleur ona Lolotoe oan sira hein hela, no tinan ida ne’e mos housi Paróquia ida ne’e nia oan mosu mai nai lulik ida. Liu hosi ordenação ida ne’e atu hatudu mai ami basá moris tomak mai housi Nai Maromak no ida nune’e mos sai convite ida ba Paróqiua Lolote oan sira atu bele hakat mos iha dalan ida ne’e”. (Ceko)

Leave a Reply

Your email address will not be published. Required fields are marked *