shadow
Diocese de Dili > NOTÍCIAS > Notícias > DIVERGÊNCIA POLÍTICA; POVO SAI VÍTIMA

DIVERGÊNCIA POLÍTICA; POVO SAI VÍTIMA

DCAD Iha dadalia ho Pe. Domingos Soares iha ninia residência Paroquial Sagrado Coração de Jesus Becora, iha sexta-feira (13/02) tuku 5:00 Lorokraik Otl, kona ba situação ne’ebe oras ne’e Timor-Leste enfrenta, nia haktuir katak; Ita ukun an tinan 20 resin ona, maibe povo ne’e sidauk goja ninia independência lolos no diak. Ita temi hela ukun rasik an, maibe ita sidauk bele dehan katak hotu-hotu senti ona, goja ona ksolok moris iha nação ninian. Ida ne’e halo hau sente triste e hot-hotu ne’ebe mak luta ba rai ida ne’e, la sente contente ba indenpendência ida ne’e. Ne’e hotu depende ba ukun nain sira. Ita hili ema ne’ebe atu ukun, hodi halo povo ne’e moris diak, katak fahe riku soi timor ninian ba malu hanesan, labele hare fali nia Partido A ka ninia família ka nia ema ida deit, hot-hotu mesak timoroan, simu hanesan, han hanesan. Ne’e duni, ita halo eleição laos partido sira ba atu bosok povo bebeik, hodi promete fun-funan ba povo, to’o ikus mai la lori timor ba oin no la hamutuk par atu resolve problema. Ida ne’e ita halimar ho povo. Povo ne’e sagrado, povo ne’e Maromak nia ema nebe mak ita tem que respeita. Ne’e duni, ba Partidos Políticos no Lider sira buka tau hamutuk imi nia opinião sira hodi soluciona problema ida ne’e. Labele raut malu no trata malu bebeik iha povo nia oin. Ne’e duni, buka atu tur hamutuk reflete hodi soluciona problema ne’e. Precisa iha unidade nacional atu nune’e bele tau atenção ba povo ne’e nia diak, dehan Pe. Domingo Soares iha ninia residência Paroquial Sagrado Coração de Jesus Becora, iha sexta-feira (13/02).

Liga ba Orçamento Geral do Estado (OGE) 2020 ne’ebe chumba iha Parlamento Nacional tuir Pe. Domingos katak; Parlamento Nacional tem que decide buat ida ho conciência ba hotu-hotu nia diak. Orçamento ida ne’ebe mak foin dadauk chumba ne’e, ha’u nota katak, sira nebe lavota ha’u hanoin sira iha razão, sira iha conciência atu labele husik liu osan ida nebe boot ba iha governo nebe mak la completo. Pergunta mak ne’e; Tamba sa mak Presidente da República la fo posse ba membro Governo nain 9 ne’e !!! Primeiro Ministro hanesan responsável ba VIII Governo nusa la hakas an atu buka solução resolve problema ne’e hodi governu ida ne’e bele completo. Ne’e duni, ita hare ba hanesan ukun nain sira ladun tau importância ba povo ninia moris. Povo hili imi ba ukun atu imi serbi povo ba bem comum, laos ba interesse ema ida nian ka partido ida nian. Nicolau Lobato mos koalia; quando ba ukun bem comum ka povo nia interesse ne’e mak as liu duque ba o nia an rasik ou interesse grupo ida nian.

Pe. Domingos mos cita mensagem Papa nian ba Ukunain no político sira kona ba ksolok lolos nian; “ksolok lolos “Bem Aventudado” tuir Amo Papa nian ne’e mak; 1) político nain ida tem que iha conciência ba ninia kna’ar;hanesan Deputado ka membro do governo tem que hatene didiak ninia kna’ar. 2) Político nain ida meresse iha confiança ida; 3) Político nain ida tem que serviço ba bem comum laos ba interresse pessoal ka grupo;ida ne’e Nicolau Lobato mos koalia katak quando ba ukun ona tau povo nia interesse as liu duque interesse pessoal ou grupo.  4)político nain ida tem que Querente; significa ó koalia buat ruma iha campanha eleitoral promete buat oi-oin tamba ne’e mak povo hili ó, no hahu ukun oinsa mak ó hakas an hodi cumpre o nia promessa sira; 5) Político nain ida tem que serviço ba Unidade; ne’e katak serviço hamutuk iha instituição sira, fo liafuan ba malu, unidade hamutuk ba diak nian laos atu hanesan deit ema balun; 6) Político nain ida tem que buka halo Mudança Radical. Se ita liga ba ita nia nação karik tinan 20 ona, saida mak timoroan sira hetan tan, ita aprova osan bar-barak, maibe desemvolvimento ne’e iha ka laiha no ema senti ka lasenti; 7) Político nain ida tem que buka atu Rona; 8) Político nain ida tem que brani”. Brani hodi foti decisão sira ne’ebe povo no nação ne’e hasoru hela daudauk. (Jornalista : Januário Soares / Editor : Angelson Soares)

Leave a Reply

Your email address will not be published. Required fields are marked *