shadow
Diocese de Dili > NOTÍCIAS > REFLEXÃO > VINGANÇA vs SANTIDADE

VINGANÇA vs SANTIDADE

Reflexão & Leituras Domingo Comum VII/Ano A/2020

Lev. 19,1-2.17-18; 1Cor 3,16-23; Mt 5,38-48;

 

Primeira Leitura         Lev. 19, 1-2. 17-18

Lia housi Livro Levítico:

Na’i lia tun ba Moisés, dehan: “O dehan ba Israel oan sira hotu: imi buka sai santo, basá, Ha’u, Na’I,  imi nia maromak, santo! Imi keta rai kunan iha laran, hasouro imi maun-alin; maibé,imi buka hanourin imi nia maluk, atu ami keta sala tamba nia. Imi keta rai kunan,keta rai hirus hasoru imi nia povo maluk. Imi hadomi imi maluk nu’udar imi-an rasik. Hau imi nia Na’in!”

Maromak Futar Lia.

 

Salmo Responsorial                                                                                                                      Sal. 102 (103), 1-2. 3-4. 8. 10. 12-13

Refrão : Na’i, Ita Boot Maromak laran luak!!! Repete-se

Ha’u klamar hahí Maromak,

Ha’u isin ha’u klamar haklaken Nia naran Santo.

Ha’u klamar hahí Maromak,

Ha’u la haluha Nia tulun. Refrão

 

Na’i perdua ó nia salan tomak,

Nia hanoin ó nia susar hotu.

Nia tahan ó nia moris,

Hafutar ó nia moris ho tulun no domin. Refrão

 

Segunda Leitura                                                                                                                                                                       1 cor. 3, 16-23

Lia husi São Paulo nia surat ba sarani sira iha Corinto:

Maun alin sira: Imi la hatene katak imi uma oracão maromak nian? Ema ne’ebe sobu maromak nia uma oracão, maromak mos sobu ema ne’e, basá, maromak nia uma oracão santo; uma oracão ne’e mak imi! Imi keta hanoin buat seluk. Imi ruma hanoin karik katak, nia matenek tuir mundo nian hanoin, diak liu sai bulak, atu bele sai matenek, basá, matenek mundo ne’e nian hanesan bulak iha moromsk futsr oin. Ne’e, tamba hakerek nanis ona: nia kaer tomann matenek sira, iha sira nia lia-bobar. Ida ne’e tan: nai hatene katak, matenek sira nia hanoin la folin buat ida. Tan ne’e, imi keta hahi moris, mate, ohin-loron ka aban bain rua: buat hotu imi nian. Maibe imi cristo nian. Cristo maromak nian.

Maromak Futar Lia.

 

Aclamação                                                                                                                                                                                       Act. 16, 14b

Refrão : Aleluia, Aleluia!! Repete-se

Na’i, loke ami laran,

Atu simu Ita Oan futar lia-fuan. Refrão

 

Evangelho                                                                                                                                                                                      Mt. 5, 38-48

Na’i Jesus Cristo nia Evangelho nu’udar São Mateus haktuir:

Iha tempo ne’eba, jesus lia tun ba escolante sira: imi rona sá ida mak ema dehan ba bei- ala sira: matan selu matan,nehan selu nehan. Maibé, hau dehyan ban imi: imi keta kroak hasoru ema aat. Maibé, ema ruma basa karik o nia oin los, se tan oin karuk ba nia.  Ema ruma hakarak lori o ba tribunal, atu hadau o nia faru,fo tan o nia tais ba nia. Ema ruma haruka o lao ho nia milha ida, lao ho nia milha rua. Fo tulun ba ema ne’ebe husu, keta fila kotuk ba ema ne’ebe husu empresta. O rona ema dehan: o hadomi o nia maluk, rai kunan hasoru o nia funu -balu  sira, harohan ba ema sira ne’ebe duni imi, atu imi bele sai oan baa man ne’ebe iha lalehan. Nia halo loron mosu ba ema diak ho ema aat, nia haruka udan ba ema laran mos no ba ema sala-nain. Imi hadomie ma ne’ebe hadomi imi, imi simu kolen ne’ebe? Ema publican sira mos la halo hanesan ne’e? imi cumprimenta deit karik imi nia maun-alin sira, imi halo buat foun sá ida? Ema gentio sira mos la halo hanesan ne’e? ne’eduni, imi buka sai ema diak, hanesan imi nia aman lalehan diak.

Lia Maksoyn.   

 

VINGANÇA vs SANTIDADE!!!

Reflexão:

 

Nai, loke ami laran, atu simu Ita Oan futar lia-fuan. Leitura tolu semana ne’e (Primeira,-Segunda Leitura ho Evangelho), ita simu alerta sobre qustão fundamental tolu nebé iha relação forte entre ida ho ida seluk. Primeiro, Maromak ne’e Santo. Segundo, Ita ema nu’udar Maromak nia templo, tan ne’e, templo ne’e tenke Santo,……. basá, Maromak nia Uma oração santo; Uma oração ne’e mak imi! Terceiro, tan Maromak nia santidade mak Ninia Domin, nune’e, ita bele sai santo, wainhira ita disponível moris nakonu ho domin.

Iha Timor Leste, wainhira temi santo, ema nia hanoin ba kedas Santo no santa sira, amu Papa, Bispo, padre no madre sira. Santidade ne’e laos pertence deit ba figura hirak menciona iha leten maibé, santidade ne’e pertence ba ema hotu atu acesso. Problema mak: Ema hotu hakarak ba Lalehan maibé, ema barak ne’e la kohi cumpri Lalehan nia critério. Tanba ne’e mak iha uma creda Católica estabelece ditado ida nebé tenik:”Cada santo tem um passado e todo pecador tem um futuro.” A verdade é que ninguém é perfeito”// “setiap orang kudus memiliki masa lalunya dan semua orang berdosa memiliki masa depan. Kebenarannya adalah tak seorang pun sempurna”. Ditado ida ne’e fo coragem ita hodi koko bebeik hamrik husi sala ba moris santidade tuir Domin Maromak nian.

Desde Antigo Testamento, Maromak bolu nanis ita hodi sai santo ou pelo menos moris iha âmbito santidade. Iha livro Levítico, mosu ordem profética (divina) nebé tenik: ”imi buka sai santo, basá, Hau, Nai, imi nia Maromak, Santo!” (Lev. 19,2). Ordem profética ne’e forte liu tan ho mensagem be tenik: ”Imi hadomi imi maluk nu’udar imi-an rasik” (Lev. 19,18). Simplesmente ita bele habadak ordem ne’e ho resumo ida katak; ita hetan bolu (vocação) hodi sai santo hanesan Maromak iha espírito Domin (misericórdia).

Tuir Bíblia, Ema Maromak cria tuir lalatak (imagem) Maromak nian. Tan Maromak ne’e Santo, então ita Ema nu’udar Ninia criatura tem que sai santo hanesan Nia. Ne’e significa katak; maske nu’udar Ema, ita la sees husi sala, la sees husi tentação mundo nian hanesan corrupção ho adultério (perselingkuhan), maibé, wainhira ita sei dada is, ita iha oportunidade boot liu hodi moris iha corrido santidade eh moris hanesan Santo tuir santidade Maromak nian. Ho lia fuan seluk ita bele dehan; ita nia moris ne’e precisa halao didiak nu’udar meio ida nebé expressa imagem (lalatak) Maromak nian. Maromak nia futar Lia-Fuan iha leitura sira semana ne’e, precisa sai hanesan ahi nebé sempre fo roman no sunu ita nia fuan.Iha ahi santidadeMaromaknianne’e mak,Ninia roman Domin (misericórdia). Nune’e, Maromak ne’e Santo tanba Ninia Domin (misericórdia) ne’e.

Maromak nebé Santo (lulik), tanba Domin, nia fo ona moris ba ita nobun nu’udar Ninia criatura. Maromak nia Domin ne’e mak Ninia Santidade (Divindade)! Atu oinsa Maromak nia Santidade bele expressa sai, ne’e monu ba ita ida-idak nu’udar sarani hodi halao moris santidade nu’udar Maromak nia lalatak.

Domin (amor) nu’udar característica santidade lolos nebé precisamente lao tuir ema nia moris no liga metin relação entre ema ho Maromak, ao mesmo tempo liga ema ho ema. Halo diak ba ema ho sentido domin. Iha realidade, princípio ida ne’e, ita mal interpreta hodi tau uluk importância ba família, grupo partidário. Tuir los princípio ida ne’e aplica ba ema nebé la pertence iha grupo, família ou partido.

Ita halo/fo buat diakruma ba ema ida ou ema barak ho espírito Maromak nia Domin, ne’e mak foin significa ita hatudu Maromak nia santidade. Iha mundo político wainhira ita kaer cargo política hodi serviço ba Bem Comum no soe dook tiha ita nia interece partido, ne’e mak foin expressa Maromak nia santidade. Infelizmente buat nebé acontece mak; governante balu hetan tiha cargo, ninia kan ten mosu no haluha tiha ninia responsabilidade lolos, até balu apenas kaer cargo hodi atinge deit pensão vitalícia. Religioso sira influenciado husi riku soin mundo, desvia sira husi voto de pobreza.

Wainhira ita sei moris, ne’e oportunidade osan mean ida nebé Maromak tau iha kabaas nu’udar responsabilidade hodi hatudu Maromak nia Domin no Santidade iha serviço ba Bem Comum. Ita nu’udar lao rai iha mundo ne’e, obrigatóriamente ita precisa halo netik buat diak ruma ba Bem Comum atu bele alcança santidade.

Condição iha ita nia sociedade, ohin loron mosu divergência oi-oin; hanesan ideologia política diferente, estilo de vida nebé avançado,progresso informação tecnológica nebé mudança lalais tebes, interece ba poder boot liu sentido nacionalismo, degradação moral iha quinto canto até ema considera questão pecado hanesan buat bai-bain ida. Político sira buka aproveita cargo estado nian, ema religioso sira mos moris santidade hahu mihis tan deit influência tentação mundo.

Afinal tentação (godaan) mundo nian fo liu biban do que Maromak nia Domin nebé guia ita ba moris santidade. Diferença idea, interece política, amibição poder, egoismo, arogância,……ho lalaok seluk tan, indica mai ita katak maske ita nobun nu’udar criatura Maromak nian, maibé criatura ida ne’e frágil tebes, fácil monu ba tentação ohin loron nianhodi hadook sira husi moris Santidade basea ba espírito Domin husi Maromak. Significa, ema otas ne’e nia hahalok laos expressa Maromak nia santidade maibé, a favor ba diabo nia vontade.

Iha contexto Timor Leste, povo sarani barak monu ba fanatismo delek tan sira defende partido taka matan hodi la haré partido ne’e servi ba Bem Comum ka lae. Pior liu tan mak, mosu oportunista nebé Asal Bapak Senang hodi hetan cargo maibé de facto la halo buat ida ba Bem Comu. Foin sae balu nebé adere ba grupo arte marciais sai violento hode defende ninia grupo taka matan até haluha tiha katak para além de ninia grupo, existe mos grupo seluk nebé diferente maibé, mesak Timor oan. Ne’e mak imagem lolos nebé la hatudu Maromak nia imagem santidade.

Iha ninia carta ba sarani Corinto, São Paulo hatete:” Maun alin sira: imi la hatene katak imi uma oração Maromak nian? Ema nebé sobu Maromak nia Uma oração, Maromak mos sobu ema ne’e, basá, Maromak nia Uma oração Santo; Uma oração ne’e mak imi!” (1Cor 3, 16-18).

São Paulo bolu atenção atu ita consciente (sadar) hodi moris iha corridor santidade nu’udar Maromak haruka; “imi buka sai santo, basá, Hau, Nai, imi nia Maromak, Santo!”. Sarani Católica nia santidade laos hatudu husi ita reza dala hira maibé, oinsa ita moris iha ambiente Domin ba ema hot-hotu hanesan Maromak hatudu; ’Nia halo loron mosu ba ema diak ho ema aat, Nia haruka udan ba ema laran mos no ba ema sala nain’.Maromak nia justiça hatudu dalan atu oinsa ita nu’udar pecador bele banati tuir.

Atu taka, mensagem Evangelho ho leitura sira semana ne’e, ita precisa consciente katak afinal, tentação mundo nebé boot liu mak Poder, Adultério no Osan. Osan iha, ema bele sosa poder, Osan barak demais, ema fácil comete adultério, Osan barak, ema buka halibeur riku-soin. Vingança política, ódio, violência, la iha perdão, kaan ten (rakus), halo ema haluha rai até fo deit esmola 0.25-0.50 mos koalia barbarak. Maibé atu buka naran fácil liu mak fo ajuda ba ema maibé tenke publica iha Medsos (Facebook),…lalaok hirak ne’e oras ne’e buras los iha ita nia rai Timor Leste.

Maromak nia futar-lia bolu nafatin ita nia atenção hodi halao moris tuir regra, Domin, caridade, Fiar hodi expressa Maromak nia santidade. Ita nia consciência mak Maromak nia horik fatin. Maromak hatene ita nia laran diak liu. La iha segredo nebé ita bele haksumik ba Maromak. Halo netik moris ne’e iha valor ba ema barak. Sai religioso karik, hatudu netik exemplo santidade ba sarani, sai político karik, exerce função ho responsabilidade ba Bem Comum, sai povo bai-bain karik, la bele exige demais direito hodi haluha dever (obrigação). Tan ne’e; “Sede santos, porque Eu sou Santo». Imi keta rai kunan iha laran basá; «vós sereis para Mim um reino de sacerdotes e um povo santo” (Êx 19, 6); «sede, portanto, santos para Mim, porque Eu, Yahwéh, sou Santo e separei-vos de entre os povos, a fim de serdes meus» (Lv 20, 26).  Assim Seja e Bem Haja. (ignasoliveira).

Leave a Reply

Your email address will not be published. Required fields are marked *