shadow
Diocese de Dili > NOTÍCIAS > LETURA DIÁRIA > Quarta – Feira, VII Semana Tempo Comum (ANO A)

Quarta – Feira, VII Semana Tempo Comum (ANO A)

Primeira Leitura                          Tg. 4. 13-17

Lia housi São Tiago nia Surat:

Doben sira: Oras ne’e, rona mai, imi sira be dehan: “Ohin ka aban , ita sei ba cidade ida, hodi hela iha nebá tinan ida. Ita sei fila-liman hodi manan osan”. Maibé imi la hatene sá mak loron aban nian sei lori mai! Nune’e, sá mak imi nia moris? Imi hanesan abu-abu nebé mosu iha oras uitoan, hafoin lakon kedas. Lolós uluk knana’in imi tenki dehan: “Na’i hakarak karik, ami sei moris no ami sei halo ida ne’e ka ida nebá”. Maibé lae, imi foti-an ho imi nia loko-an! Loko-an sira be hanesan ne’e buat áat. Nune’e, ema sé hatene atu halo di’ak maibé la hala’o di’ak ne’e, nia halo sala.

Maromak Futar Lia.

 

Salmo Responsorial                                                                                                         Sal. 48(49). 2-3, 6-7, 8-10, 11 (R. Mt. 5. 3)

Refrão : Rahun di’ak ba sira be kiak iha laran, basá, reino Lalehan sira nian!!! Repete-se

Rona ba, nação hotu-hotu,

Sée tilun didiak ba,

Ema hotu mundo nian;

Ema boot no kiik, ema riku no kiak. Refrão

 

Tan sá ha’u sei táuk loron susar nian,

Wainhira ema áat sira hale’u hadulas ha’u,

Sira be laran metin iha sira kbiit,

No foti-an tan sira nia riku-soi? Refrão

 

Ema ida la bele selu ba nia an,

Ka selu Maromak tanba nia maksoyn;

Basá, la iha riku-soi nebé hodi bele selu,

Atu hanaruk nia moris to’o la nahas,

No atu nia la koko lalaok mate nian. Refrão

 

Haré ba: ema matenek sira mate,

Hanesan mós ema beik no neon laek sira,

Hodi husik hela nia riku-soi ba ema seluk. Refrão

 

Aclamação                                                                                                                                                                                             Jo. 14. 6

Refrão : Aleluia. Aleluia!! Repete-se

Ha’u mak dalan, lialós no moris hun, Na’i lia tun dehan;

Ema ida la liu karik housi Ha’u, nia la bele ba Aman Maromak. Refrão

 

Evangelho                                                                                                                                                                                     Mc. 9. 38-40

Na’i Jesus Cristo nia Evangelho nu’udar São Marcos haktuir:

Iha tempo nebá, sira na’in sanulu resin rua ne’e ida, naran João, dehan ba Jesus: “Mestre, ami haré ema ida duni sai diábo hodi Ita naran. Nia la la’o ho ita. Tan ne’e, ami bandu tiha nia”. Jesus lia tun ba sira dehan: “Imi keta halo nune’e; basá, ema ida la bele hodi Ha’u Nia naran halo milagre, hafoin, hateten áat kona mai Ha’u. Ema nebé la hasouru ita, nia ita nian”.

Lia Maksoyn.

Leave a Reply

Your email address will not be published. Required fields are marked *