shadow
Diocese de Dili > NOTÍCIAS > LETURA DIÁRIA > Sabado depois das Cinzas (ANO A)

Sabado depois das Cinzas (ANO A)

Primeira Leitura                        Is. 58. 9b–19

Lia housi Livro Isaías nian:

Maromak dehan nune’e: “Housi ó laran, halakon tiha karik hanehan malu, hatatan nehan ba malu, liafuan áat sira, ó fó karik buat nebé ó nian ba ema hamlaha, habosu ema kiak, ó  roman sei nabilan iha nakukun laran; ó kalan sei sai hanesan loron fahe-rua. Na’i sei hatudu nafatin dalan ba ó; ó sei hetan ksolok iha rai maran sira; sei fó biit ba ó isin tomak, ó sei sai hanesan jardim ida be la kuran ué, hanesan ué maran nebé sei la maran. Ó oan sira sei mai atu hafoun buat sira be rahun; ó sei hari iha baki sira be uluk ne’e nia leten. Ema sei hanaran ó hafoun-dor uma áat nian’. Hafoun hikas fali dalan ba rai sira be ema iha ba. Ó la serbisu karik iha loron sábado ó dehan karik nia mak loronj ksolok, loron santo ba Na’i Maromak, ó sei respeita; ó respeita karik ó la bele la’o dook, la halo contrato no fó lia ba malu. Nune’e, ó sei hetan iha Na’i ó nia ksolok tomak; ha’u sei lori ó hodi manan rai hotu; sei halo óatu ó bele han ó aman Jacob nebé sai tiha nu’udar Na’i nia ibun be dehan tiha ne’e nia riku-soi’’.

Maromak Futar Lia.

 

Salmo Responsorial                                                                                                                           Sal. 85(86). 1-2, 3-4, 5-6 (R. 11ª)

Refrão : Na’i, hanourin Ita dalan mai ha’u, ha’u sei la’o iha Itar futar oin!!! Repete-se

Na’i, sée Ita tilun, rona ha’u ba,

Basá ha’u kiak no folin laek.

Tulun ha’u moris basá ha’u laran metin ba Ita;

Soi Ita atan nebé tau neon iha Ita,

Ha’u Maromak. Refrão

 

Na’i, sadi’a ha’u,

Lor-loron ha’u hakilar ba Ita.

Haraik ksolok ba Ita atan nia klamar,

Basá ba Ita, Na’i, ha’u hasa’e ha’u klamar. Refrão

 

Na’i, Ita mak laran maus no di’ak,

Laran-luak wain ba ema hotu be harohan ba Ita.

Na’i, rona Ita atan nia harohan,

Simu ha’u lian, ha’u oração. Refrão

 

Aclamação                                                                                                                                                                                           Ez. 33. 11

Refrão : Glória ba Ita, Na’i, Maromak moris nia oan mane!! Repete-se

Na’i dehan, Ha’u lakohi ema sala-na’in nia mate, maibé

Atu fila fali mai Ha’u hodi moris. Refrão

         

Evangelho                                                                                                                                                                                     Lc. 5. 27 – 32

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus haré tiha ema Publicano ida be hanaran Levi, tur hela iha fatin cobra osan nian, hodi dehan ba nia: “Tuir Ha’u mai”. Nia housik tiha buat hotu, hamriik, hodi tuir tiha Jesus.

Levi iha nia uma fó tiha aihan wa’in ida ba Jesus. Ema Publicano wa’in tebes mak iha nebá no ema seluk-seluk tan nebé hamutuk ho sira iha mesa. Fariseu no Escriba sira be hamutuk ho sira hemu tiha hela hodi dehan ba escolante sira: “Tan sá imi han no hemu ho Publicano sira no sala-na’in sira?” Nune’e, Jesus teri netik hodi hatan tiha ba sira: “La’os sira be isin di’ak mak buka doutor maibé sira nebé moras. Ha’u la mai atu bolu ema justo sira, Ha’u mai bolu ema sala-na’in sira, atu sira bele hakribi sira salan”.

Lia Maksoyn.

Leave a Reply

Your email address will not be published. Required fields are marked *