shadow
Diocese de Dili > NOTÍCIAS > Notícias > COMEMORAÇÃO LORON MUNDIAL FETO NIAN “HALO GERAÇÃO IGUALDADE CONRETIZA FETO SIRA NIA DIREITO”

COMEMORAÇÃO LORON MUNDIAL FETO NIAN “HALO GERAÇÃO IGUALDADE CONRETIZA FETO SIRA NIA DIREITO”

DILI, 9 Março 2020 (DCAD) – Comemoração loron internacional ba feto tinan ida nee iha timor-leste (8/03/2020) hodi refleta kona ba conceito igualdade género nebe aplica iha Timor-Leste ho nia tema “Halo geração igualdade conretiza feto sira nia direito”. No nia subtema “igualdade feto mane mak chave ba desenvolvimento nação”.

Presidente Grupo das Mulheres Parlamentares Timor-Leste (GMPTL) Lidia Norberta iha plenária (9/03) ida iha Parlamento Nacional congratula loron Internacional ba feto liu-liu ba feto Timor-Leste nebe comemora ona loron mundial ba feto iha loron 8 março tinan nee.

 Comemoração ida nee hodi fo onra ba contribuição no sacrifício inan feton maluk timoroan sira nian ba desemvolvimento nação, família no sociedade Timor-Leste. Liu husi plenária loron ida ohin, iha Uma Fukun PN ami nebe representa GMPTL lori feto maluk deputada 25 nebe haknaran hanesan representante povo iha Parlamento Nacional V Legislatura hakarak hatoo ami nia saudações, parabens no hakuak boot ba maluk inan feton sira iha território Timor laran tomak, especialmente ba maluk inan feton sira nebe mak hela iha área rural no remotas nebe fo ona sira nia contribuição ba desemvolvimento nação ida nee liu husi sira nia sacrifício no esforço tomak lor-loron nian ba oan sira, ba família, ba sociedade hodi hadiak nafatin moris ba oin nebe diak liu tan, haktuir Presidente GMPTL Lidia Norberta (9/03).

Iha ocasião hanesan, Presidente GMPT hatoo parabens no hakuak boot ba inan feto maluk parseiro desemvolvimento nacional no internacional husi nação vizinho Indonesia, Australia, Portugal, no países sira seluk nebe durante nee fo apoio, nunee mos ba mane maluk sira nebe fo nafatin apoio ba GMPTL hodi halao ninia papel no programa sira hodi hadia feto nia direito no condição iha TL.

loron especial ida nee hanesan biban diak ida mai ita feto timoroan ida-idak especialmente ba órgão soberania sira hodi halo reflexão ba ba ita nia papel ou knaar lor-loron kona assunto feto nian iha Timor-Leste katak será que maluk timoroan sira lvre ona husi discriminação ho forma oi-oin, será que feto maluk sira hetan ona opurtunidade no liberdade nebe hanesan ho mane maluk sira atu desemvolve sira nia an no sira nia família, será que feto sira pronto ona ho capacidade no abilidade nebe naton atu compete ho mane maluk sira iha área oi-oin, dehan Presidente GMPTL

Atu hakotu Presidente GMPTL Lidia Norberta bolu atenção makas ba órgão soberania estado ida nee katak questão ida nee hanesan trabalho de casa ida ba ita órgão Estado ida nee nian hodi hare no hadia diak liu tan. Nunee ami mos husu ba setor hotu-hotu bele tau nafatin atenção nebe mak sério ba implementação política igualdade género iha ita nia rain TL tuir ida-idak nia knaar. GMPTL mos encoraza inan feton sira iha área rural no remotas atu halao nafatin ita boot sira nia knaar hanesan iha área agricultura, economia no área sira seluk tanba ita boot sira nia knaar nee iha valor teb-tebs hodi contribui ba desemvolvimento rai doben Timor Lorosae. GMPTL afirma katak sei buka hakasan serviço makas hodi minimiza discriminação no buka hasae nafatin opurtunidade ba feto maluk sira atu compete iha área oi-oin no nível hotu-hotu. (Alin Soares)

Leave a Reply

Your email address will not be published. Required fields are marked *