shadow
Diocese de Dili > NOTÍCIAS > Notícias > Orçamento Duodécimo Insuficiente, PN Hein Governo Submete Pedido

Orçamento Duodécimo Insuficiente, PN Hein Governo Submete Pedido

DILI, 9 Março (DCAD)-Presidente Parlamento Nacional Arão Noe de Jesus da Costa Amaral, segunda nee iha Parlamento Nacional haktuir katak, Ministra Finanças em exercício, Sara Lobo iha semana kotuk fo sai ona orçamento duodécimo la suficiente ona atu financia máquina estado iha fulan Abril. Tanba ne’e mak Parlamento Nacional hein, se governo submete pedido ida mai atu Parlamento autoriza hodi halo levantamento. Parlamento pronto no ami sei fo preoridade ba ida ne’e tanba impacto ba iha interesse nacional.

Presidente Parlamento Nacional ho confiança katak bancada Parlamentar sira sei fo importância tanba ida ne’e liga ho vida nação ninian.

“Governo sente katak saldo orçamento tinan kotuk la to’o atu cobre tan ona ba Abril, governo halo hela pedido mai depois Parlamento sei halo processo no sei considera ida ne’e hanesan carácter urgência atu nune’e aprova lalais molok meiado do Março, atu nune’e governo bele iha autorização ona no depois Presidente da Republica promulga, governo bele iha ona levantamento orçamento husi fundo atu cobre orçamento geral duodécimo ba fulan Abril nian”.

Presidente Parlamento Nacional nee dehan, tuir lei gestão financeira lei fundo petrolífero hatete katak só liu husi orçamento geral do estado ho autorização Parlamento ninian iha ação ida votação no aprovação iha plenária, ida ne’e mak tem que halo.

“Montante orçamento depende ba governo ninia cálculo. Se ita agora daudaun ita hare katak orçamento precisa $ 116 milhões atu finançia duodécimo ba fulan ida hodi hein fali aprovação orçamento geral do estado 2020 nian. Ha’u hanoin ida ne’e koalia kona ba preoridade interesse nacional nian. Fiar katak ita sei iha tanba ida ne’e cobre ba duodécimo. Se sumba, ita orçamento laiha, estado labele funciona, ha’u hanoin sei la to’o ba iha ne’eba tanba lei orçamento para 1 ano mais ida ne’e duódecimo para fulan ida. (Alin Soare)

Leave a Reply

Your email address will not be published. Required fields are marked *