shadow
Diocese de Dili > NOTÍCIAS > Notícias > CONFERÊNCIA EPISCOPAL TIMORENSE (CET) SEI FOTI MEDIDAS RELACIONA HO COVID-19 IHA CELEBRAÇÃO SIRA IGREJA NIAN

CONFERÊNCIA EPISCOPAL TIMORENSE (CET) SEI FOTI MEDIDAS RELACIONA HO COVID-19 IHA CELEBRAÇÃO SIRA IGREJA NIAN

DILI 12 Março 2020 (CTAD) Arcebispo de Dili Dom Virgílio do Carmo da Silva,SDB concidera informação balun nebe espalha iha media social sira liu-liu facebook kona ba regras no normas nebe Paróquia Aimutin fo sai nudar sasukat ba prevenção Corona Virus nee sidauk oficial.

“Hau hare manas ituan iha media kona ba informação balun nebe espalha iha media social sira liu-liu facebook kona ba regras no normas nebe ema partilha. Ida nee nudar arcebispo hau rasik lahatene tanba sa mak informação nee mosu iha neba, tanba sidauk iha buat nebe oficial kona ba informação ida nee. Parte uma Creda nian sei fo sai, se lais liu Domingo semana nee tanba aban (13/03) ami bispo nain tolu sei hasoru malu koalia no trata buat ruma atu virus nee too mai karik saida mak ita sei halo, dehan Arcebispo de Dili Dom Virgílio do Carmo da Silva, SDB iha Câmara Eclesiástica Lecidere Dili.

Arcebispo de Dili Dom Virgílio do Carmo da Silva, SDB hateten husi conferência Episcopal mak sei fo sai buat oficial sira. Laiha ema ida nebe fo sai buat ruma tuir ninia hakarak no nia gosto.

“Tanba nee ita iha Uma Creda nee aviso hotu mai husi Conferência Episcopal. Tanba nee diocese ida-idak laiha ninia competência atu fo sai buat ruma. Ita iha Conferência Episcopal nebe nia mak as liu iha diocese ida nia laran”.

Vigário Episcopal ba Assunto Pastoral Pe. Jovito Rêgo de Jesus Araujo hateten loron sexta (13/03) Amo bispo sira sei halo reunião iha Conferência Episcopal nian no depois maka informação no decisão saida maka amo bispo sira hola nee ba diocese tolu nee hotu atu ita bele espalha. Oras ida ne’e katak Igreja conciente hela ho situação maibe sidauk hola medida katak iha ona hanoin, iha ona preparação atu nusa mak bele halo, maibe nee bispo sira nia autoridade, competência atu hasai decisão sira nebe final atu ba oin nee oinsa mak ita celebra no ita nia atitude sira no buat sira nee hotu tama ona iha Prevenção nebe hanoin atu halo. Nebe husu ba sarani sira mantein no atenção nafatin liu-liu considera katak hau ne’e potencial ida atu hadaet virus ida ne’e, nebe hau quidado hau nia an, atu hau labele sai agente, transmissor, ida nebe transmite virus ida ne’e ba fali ema seluk. (Alin Soares & Ceko)

Leave a Reply

Your email address will not be published. Required fields are marked *