shadow
Diocese de Dili > NOTÍCIAS > Notícias > COMUNICADO PASTORAL

COMUNICADO PASTORAL

Corona Virus nu’udar moras foun ida nebé perigo ba vida nebe daet ba mundo tomak (epidemia mundial) no nação lubuk ida mak halo ona prevenção ba moras ida ne’e; no moras ida ne’e passa liu housi contato isin nian, biar iha Timor-Leste ita seidauk hetan kasu konfirmado, ne’e duni husu ba povo tomak atu kalma nafatin maibe diak liu ita halo prevenção atu evita moras ida ne’ebe lakona ita.

Tan ida ne’e, Igreja Timor hamutuk ho Amo Papa nebe mos halo nia prevenção ba moras ne’e, convida ita atu halo tuir recomendasaun Organizasaun Saúde Mundial no pessoas saúde ita nian,atu:

 

  1. Faseliman bei-beik;
  2. Kuidado fatin mos;
  3. Fani no mear tenke taka ibun,
  4. Evita atu contato ho ema seluk
  5. Evita atu labele contato ho animal fuik
  6. Membro familia sira nebe foin fila housi rai liur mai, evita atu halo kedas contato físika (kaer liman, rei malu, hakuak malu).

 

Tamba uma Creda iha nia celebração sira halibur ema barak no creda sai fatin nebe ema barak ba.

Bainhira moras ida ne’e seidauk hadaet, CredaTimor aconselha prevenção balun durante ita nia celebração sira:

 

  1. Liman labele kona aguabenta fatin nebe iha uma creda nia odamatan
  2. Evita rei estatua sira nebe iha uma Creda laran
  3. Lalika kaer liman bainhira fo paz ba malu
  4. Simu deit comunhão iha liman,
  5. Evita hola bença; rei liman
  6. Igreja fo conselho ba sira nebe mak moras, isin fraku, atu lalika mai missa, reza iha uma deit.

 

Biar mundo tomak no ita mos liu hela housi prova ida ne’e, ita hatene katak Na’i Maromak sei la taka matan no tilun ba ita nia harohan.

Ne’e duni husu atu ita hotu reza. Hanesan salmista dehan: rahun diak ba sira nebe tau fiar iha Maromak (Sal. 40,5).

 

           Dili, 13 de Março de 2020

  

 

 

Leave a Reply

Your email address will not be published. Required fields are marked *