shadow
Diocese de Dili > NOTÍCIAS > REFLEXÃO > JESUS DISCRIMINA FETO….???……semoga!

JESUS DISCRIMINA FETO….???……semoga!

JESUS-IGREJA DISCRIMINA FETO….???……semoga!

Reflexão & Leituras DOMINGOQUARESMA III/Ano A/2020

  Ex, 17,3-7  Rm 5,1-2.5-8  Jo 4,5-42

 

Primeira Leitura                                         Ex. 17, 3-7

Lia housi Livro Êxodo:

Iha loron hirak nebá, povo Israel terus ba hamrook, hahú hasouru Moisés, dehan: “Tan sá, ó hasai ami housi Egipto? Atu oho ami, oho ami nia oan sira, ho balada sira?” Tan ne’e, Moisés foti lian ba Na’i: “Ha’u halo sá lós ba povo ida ne’e? Koi-kois sira atu tuda mate ha’u!” Na’i dehan ba Moisés: “Ó liu housi Povo nia leet, hili katuas nian balu. Kaer iha liman oé nebé uluk ó hodi baku mota Nilo, imi hahú la’o. Ha’u sei iha ó nia oin, iha fatuk boot leten, iha foho Horéb. Ó sei baku fatuk boot ne’e, wé suli housi nia, povo sei bele hemu. Moisés halo hanesan ne’e, iha katuas Israel sira oin. Nia tau naran fatin ne’e: Massá no Meribá, katak: “Koko” no “Halolon”, basá, Israel oan sira haksesuk malu, hodi koko Maromak; sira dehan: “Maromak iha, ka la iha ita nia leet”.

Maromak Futar Lia.

 

Salmo Responsorial                                                                                                                                      Sal. 94 (95), 1-2. 6-7. 8-9ab

Refrão : Rona ohin Na’i nia lia, keta taka imi laran!!! Repete-se

Ma’i hotu, hananu haksolok,

Mai hahí ita Maksoyn.

Hahí haksolok ba hasouru ita Na’in,

Hananu knananuk ba ita Na’in. Refrão

 

Mai tuku tur ba rai,

Hana’i ita Na’in nebé halo ita moris.

Na’i, ita nia Maromak;

Ita nia povo Nia bibi oan. Refrão

 

Rona ohin Na’i nia lian, keta taka imi laran.

Hanesan iha Meribá, eh iha loron Massá,

Iha rai fuik-maran:

Imi nia beia-ala sira halo Ha’u iha nebá,

Sira sadik Ha’u, maski haré Ha’u nia kbiit. Refrão

 

Segunda Leitura                                                                                                                                                                   Rom. 5, 1-2, 5-8

Lia housi São Paulo nia Surat ba sarani sira iha Roma:

Maun-alin sira: Ita ema mós, tan fé; ne’e duni, ita Na’in Jesus Cristo, ita damen ho Maromak. Hodi Jesus Cristo, ita hetan tulun nebé ita simu iha fé. Ita sai boot, tan hatene katak ita sei tama iha Maromak nia glória. Ita sei la hein leet de’it, basá, hodi Espírito Santo nebé ita simu housi Maromak nia domin tama iha ita nia fuan. Wainhira ita sei kbiit laek, to’o ona loron, Cristo mate ba ema maksalak sira. Susar, ba ema ida fo an ba mate tan ema sala laek; mate tanba ema di’ak ida, ema ruma kala sei barani  fo an ba mate. Ne’e duni, Maromak hatudu Nia domin mai ita nune’e: Cristo mate tan ita, wainhira ita sei ema maksalak.

Maromak Futar Lia.

 

Aclamação                                                                                                                                                                                      Jo. 4, 42, 15

Refrão : Hahí nafatin, hasai kbiit ba Liurai!! Repete-se

Na’i, Ita mundo nia Maksoyn;

Haraik wé moris mai ami,

Atu keta hamrook teni. Refrão

 

Evangelho (forma Longa)                                                                                                                                                               Jo. 4, 5-42

Na’i Jesus Cristo nia Evangelho nu’udar São João haktuir:

Iha tempo nebá, Jesus to’o tiha cidade Samaria nian ida, naran Sicar, besik toos nebé Jacob fo hela ba José. Jacob nia wé-matan iha nebá. Jesus la’o kole ona, Nia tur iha wé-matan. Loron besik fahe-rua. Feto Samaria nian ida mai kuru wé. Jesus dehan ba nia: “Fó wé mai Ha’u, atu hemu”. Escolante sira ba cidade, hola ai-han. Feto hatán ba nia dehan: “Oin sá mak Ó ema Judeu ida, husu wé mai ha’u, ema Samaritana?” Ema Judeu sira ho ema Samaritano sira la haré malu di’ak. Jesus simu hodi dehan: “Ó hatene karik Maromak nia tulun, ó hatene karik Ema nebé dehan ba ó: ‘Fó wé mai Ha’u hemu’, ó mak sei husu ba Nia, Nia sei fó wé moris ba ó”. Feto dehan ba Nia: “Na’i, Ita kuru fatin ida la iha, wé-matan mos klean. Ita hetan wé moris oin sá? Ita kala boot liu fali ami nia aman Jacob, nebé fó wé-matan ne’e mai ami, nia rasik hemu, nia oan sira, nia balada sira mos hemu?” Jesus hatán: “Ema nebé hemu wé ne’e sei hamrook fali. Se hemu wé nebé Ha’u fó, sei la hamrook tan. Wé nebé Ha’u fó ba nia, sai nu’udar wé-matan ida iha nia suli ba moris rohan laek”. Feto dehan: “Na’i, fó wé ne’e mai ha’u, atu ha’u keta hamrook, atu keta mai kuru tan iha ne’e”. Jesus dehan: “Ba bolu ó nia laen, imi na’in rua mai”. Feto hatán: “Ha’u laen la iha”. Jesus dehan: “Ó dehan lós, ó laen la iha; basá ó iha laen lima; ida be ó iha daudaun ne’e, laós ó nia laen. Kona ba ne’e, ó hateten lós”. Feto hatán: “Na’i, ha’u haré Ita Profeta. Ami nia bei-ala sira adora iha foho ida ne’e; imi dehan fali katak iha Jerusalém mak ema sei adora”. Jesus dehan tenik: “Feto, ó bele fiar iha Ha’u: loron sei to’o, imi sei adora Aman, iha foho ne’e mos lae, iha Jerusalém mos lae. Imi adora buat nebé imi la hatene; ami adora buat nebé ami hatene, basá, Maksoyn mai housi Judeu sira. Maibé, loron atu to’o daudaun ona – loron to’o duni ona – ema sira nebé adora lolós, sei adora lolós Aman tuir Espírito, basá, Aman hakarak ema adora Nia nune’e. Maromak Espírito duni; ema sira nebé adora Nia, adora lolós Nia, tuir Espírito”. Feto dehan ba Nia: “Ha’u hatene katak Messias sei mai, ida be naran Cristo. Nia mai, Nia sei hanourin buat hotu”. Jesus hatán: “Ha’u duni mak ko’alia daudaun ho ó ne’e”. Escolante sira mos to’o mai ona. Sira hakfodak, tan haré Jesus ko’alia hela ho feto ida; maibé sira ida la husu ba Nia: “Ita hakarak sá ida!” eh “Tan sá Ita ko’alia ho nia?” Feto husik tiha wé fatin, nia ba cidade hateten ba ema sira: “Imi mai haré Mane ida, nebé hateten sai buat hotu nebé ha’u halo. Nia mak Messias karik?” Sira sai housi cidade, ba buka Jesus: Escolante sira dehan ba Jesus: “Mestre, han ba!” Jesus dehan ba sira: “Ha’u iha ai-han ida imi la hatene!” Escolante sira husu ba malu: “Ema ruma lori ai-han mai Nia karik?” Jesus dehan ba sira: “Ha’u nia ai-han, halo tuir Ida be haruka Ha’u mai Nia hakarak, hodi halo buat Nia haruka. Imi la dehan katak sei hela tan fulan haat atu sohi ai-fuan? Maibé, Ha’u dehan ba imi: imi foti matan, haré ba toos: tasak hotu ona, hein atu sohi. Ema be sohi, manán osan, hodi ku’u ai-fuan ba moris rohan laek; nune’e ema nebé kuda toos, sohi ho ksolok. Ida ne’e hatudu lolós lia nebé rona fila-fila: ‘Ida kuda tiha, ida seluk sohi’. Ha’u haruka imi sohi buat nebé imi la kuda. Ema seluk tiha mak kaer serviço, imi mai hetan de’it buat sira halo”. Ema barak housi cidade Samaria nian fiar iha Jesus, tan feto dehan: “Nia dehan buat hotu nebé ha’u halo”. Tan ne’e, ema Samaritano sira mai hasouru Jesus, husu ba Nia, atu hela hamutuk ho sira. Nia hela iha nebá loron ruma. Barak liu tan fiar, tanba Nia lia-fuan; ne’e duni, sira dehan ba feto ne’e: “Laós tanba buat sira ó dehan, mak ami fiar. Ami rasik rona, ami hatene katak Nia, lós duni, Maksoyn mundo nian!”

Lia Maksoyn.

 

 

Reflexão :

JESUS DISCRIMINA FETO….???……semoga!

Ita nia necessidade ba WE (air/àgua)  fundamental tebes hodi subsiste (bertahan hidup). Primeira leitura fo imagem oitoan hodi loke ita fuan sobre importâncua WE. Povo Israel durante viagem iha rai-fuik maran (deserto), nudar ser criatura, precisa tebes WE, se lae sira mate hamrook iha nebá. Necessidade criatura ba WE mos relata iha Evangelho São Joaõ semana nee.

We nudar símbolo necessidade espiritual hodi alcança salvação. Nee mak sentido husi Jesus nia diálogo Jesus ho feto Samaria nee. Husi diálogo nee, Evangelista João convida ita nobun hodi reflecte didiak Jesus nia doutrina importante ida nebé hanorin kona ba oinsa coloca dignidade feto, oinsa mane hahalok perante feto. Doutrina ida nee mos nudar WE matan moris lolos nebé ita precisa iha moris sarani sociedade ohin loron. Papa Francisco halo reflexão ba lorn feto nian hodi dehan:“A mulher é a harmonia, é a poesia, é a beleza. Sem ela, o mundo não seria assim tão belo. Não seria harmônico”. Mundo tomak mos fo honra ba inan feto sira hodi celebra dia das mulheres iha 8 de março cada tinan.

Backround relato Evangelho São João relaciona ho dada lia entre Jesus ho Samaritana iha be matan público nee. Iha diálogo nee, ita bele aprende oinsá Jesus nia atitude perante feto nee. Significa katak; feto por natureza Maromak cria hodi sai mane nia parceiro de vida, tan nee, precisa hetan respeita husi mane. Papa Francisco dehan iha celebração dia das mulher internacional: “É próprio da mulher tomar a peito a vida. A mulher mostra que o sentido da vida não é continuar a produzir coisas, mas tomar a peito as coisas que existem”.

Iha Bíblia Sagrada afinal, Jesus tane aas tebes inan feto sira. Nee nudar provas ida katak; Jesus nudar maksoin hadomi mos inan feto sira inclui feto pecadora sira hanesan Maria Madalena (haré Jo 7,53-8,11; Lc 7,36-50; Mt 21,31-32)

Lalaok Jesus nian nee, momento nebá, grupo fariseu sira la consegue entende didiak. Tanba nee mak iha relato Evangelho, ita sempre rona oinsa Jesus sempre confronta idea ho grupo nee, iha ocasião seluk, fariseu sira mos buka leet hodi hatun Jesus.              Hodi atinge objectivo salvação, Jesus nunca dúvida hodi contra regra, hahalok no costume judeu nebé bandu mane la bele habelun (convive/begaul) ho feto.

Relato Evangelho hatudu katak; Jesus dada lia ho feto Samaria nebe ba iha we-matan Jacob nian. Lalaok nee proibido/bando tebes. Feto ho mane ida labele conversa iha fatin hanesan nee, quanto mais Jesus ema considera nudar mestre (Rabbi). Tanba nee mak escolante sira haré evento nee, sira hakfodak maibé, la iha coragem hodi husu Jesus koalia saida ho samaritana nee (Jo 4, 27). Sei iha tan exemplo barak sobre Jesus nia posição perante inan feto sira.

Exemplo, Jesus husik Nia-An, feto ida liman kona Ninia unuk, maske feto nee moras fkar ran, no lalaok feto nee proibido tuir costume judeu nian (nazis) (Haré Mc 5, 27-34).

Até que atu tulun/ajuda deit feto ida nebé hakruk/bongkok, demónio futu nia tinan 18 ona, Jesus la hakribi no la hakfodak hodi quebra lei sabático. Jesus nia motivo ida deit mak; atu Abraão nia oan feto nee liberta husi desgraça (poder demónico) nee (Haré Lc 13,10-17).

Milagre lobuk ida Jesus halo, afinal hodi tulun no defende inan feton sira; exemplo Pedro nia banin (Mc 1,29-31); Jairo nia oan feto (Mc 5,21-43); feto ida husi geração ciro-Fenécia (Mc 7:24-30); Maria Madalena (Lc 8,2).Jesus mos hatudu sentimento pêsame ba feto faluk cidade Naim nebé oan mate (Lc 7,13).

Jesus rasik mos la rejeita pedido feto Ciro-Fenícia nebé notávelmente laos ema judeu(Mc 7,28-29). Jesus mos louva tebes sinceridade feto faluk ida nebé halo sacrifício hodi fo esmola husi saida mak nia iha(Mc12,41-44) .

Tuir fali, Maria de Betânia nebé expressa domin ba Jesus hodi kose mina ba Jesus nia ain, maske eam barak crítica maibé, Jesus considera nafatina acto nee (Mc 14,3-8; Jo 12,1-8).Jesus mos simu feto sira sai Ninia seguidor/escolante, simu tulun sira nebé sira oferece ba Jesus (Lc 8,2-3).

Até que Jesus mos la despresa hodi horik iha Lázaro ho nia feton nain rua nia uma Betánia, basá, Jesus deseja atu sira rua rona Ninia lia menon sira (Lc 10,38). Ho maneira hanesan, maske iha dau-daun situação terus (leva Cruz), Nia sei aconcelha (fo hanoin/menasehati) feto sira nebé tanis tuir (Lc 23,27-31).

Ho passagem exemplar Evangelho nian hirak nee, inclui mos Ninia diálogo ho samaritana, iha nee Jesus apresenta-An hanesan mensageiro (anunciador) da vontade de Deus, nebé salva humanidade sem discriminação. Evangelista João iha ninia relato, em primeiro lugar, laos atu haruka feto nee converte husi ninia moris aat maibé, atu justifica katak maske feto nee pecadora maibé, nia precisa fiar nafatin hodi alcança salvação. 

Feto nee maiiha we-matanhodikuru we.Maibé, ronatiha Jesus niahanorin, feto nee hanesanhaluhatihaniniaobjectivoiha we-matan nee.Nia consciente lalais ho ninia vida, tan Jesus hatene: “ba bolu o nia laen, imi nain rua mai”. Feto hatan: “hau laen la iha”. Jesus dehan: “o dehan los, o laen la iha; basá, o iha laen lima; ida be o iha daudaun nee, laos o nia laen.

Tan Jesus descobre ninia vida secreta, feto nee ikus mai desconfia duni katak; dalaruma Jesus nee profeta ida hodi tenik: “Nai, hau haré ita profeta”. Hodi hametin feto nia convicção (keyakinan) nebé nia declara: “hau hatene katak Messias sei mai, ida be naran Cristo. Nia mai, Nia sei hanorin buat hotu”, Jesus hatete ba nia: Jesus hatan: “Hau duni mak koalia daudaun ho o nee”. Rona tiha nee, nia soe hela kusi, feto nee halai kedas ba cidade, hodi anuncia Jesus nia presença ba ema nobun iha neba.

Maske la exclusivo, afinal relato Evangelho Domingo semana nee, ita hetan chamda de atenção katak; Jesus mai hodi salva ema maksalak (pecador). Pecador nebe converte sei hetan salva. Laos ida nee deit, ema maksalak sira mos, Jesus uza hodi convence maksalak hotu hodi arrepende nafatin.

Ema maksalak composto husi feto no mane, nunee, converte tiha, Jesus husu nafatin ema hotu tanto feto, tanto mane precisa participa hodi motiva conversão maluk sira seluk nian, liu husi exemplo da vida, caridade, esmola. Laos julga fali ema seluk no haluha julga-an rasik.  Tan nee, mane ho feto, iha knaar hanesan iha Maromak nia futar oin, no feto precisa hetan tratamento justo hanesan mane.

Maske Apóstolo sira mesak mane, maibé, Evangalista João mos relata katak; wainhira Jesus moris hias husi mate, Nia hatudu-An uluk ba Maria Madalena (Jo 20,11-18).Acontecimento nee fo prova katak; Jesus durante exerce missão, nia la halo diferença (discrimina) feto. Nee significa katak; Feto ho Mane hetan tratamento hanesan iha Maromak futar oin. Feto ho mane iha direito hanesan hodi hemu husi WE-MATAN salavação ida deit mak Maromak.

Dignidade feto precisa duni hetan consideração, hanesan Jesus hatudu iha Ninia moris iha mundo. Maromak mos la halo Jesus mosu derepente hanesan magia/sulap. Jesus moris naturalmente husi feto ida mos. Atu conclui, ita tau iha hanoin katak; WE moris fresco nebé sociedade precisa, iha qualquer fatin ba ema hotu. Nunee mos Jesus nudar WE-MATAN moris, mai ba ema hot-hotu (mane no feto).

Papa Francisco halo reflexão ba feto hodi dehan: “A mulher é a harmonia, é a poesia, é a beleza. Sem ela, o mundo não seria assim tão belo. Não seria harmônico”. “Onde as mulheres são marginalizadas, é um mundo estéril, porque as mulheres não só dão a vida, mas nos transmitem a capacidade de olhar além, de sentir as coisas com o coração mais criativo, mais paciente, mais tenro”. “Também gosto de pensar que a Igreja não é ‘o’ Igreja, é ‘a’ Igreja. A Igreja é mulher, é mãe. Isto é belo!”.

 

Assim Seja e Bem haja. (ignasoliveira)

Leave a Reply

Your email address will not be published. Required fields are marked *