shadow
Diocese de Dili > NOTÍCIAS > Notícias > EQUIPA PASTORAL ARQUIDIOCESE DE DILI, ORGANIZA SEMINARIO KONA BA CRISTÃO EUCARÍSTICO

EQUIPA PASTORAL ARQUIDIOCESE DE DILI, ORGANIZA SEMINARIO KONA BA CRISTÃO EUCARÍSTICO

17 Março 2020 (DCAD); Equipa Pastoral arquidiocese de Dili, terça ne’e, organiza seminario ida a nível arquidiocese iha Salão Catedral Dili, hodi hare liu ba parte tolu; Cristão Eucarística na Prespectiva Teologia Dogmático nebé apresenta husi Pe. Joel Casimiro, Cristão Eucarística na Prespectiva Direito Canônico apresenta husi Pe. Graciano Barros, no Cristão Eucarística na Prespectiva Liturgia nebé apresenta husi Pe. Justino Tanec. Participante sira iha seminario ne’e, Arcebispo de Dili, Vigário Geral, Vigário Episcopais, Nailulik sira, Religiosos-religiosas, Seminaristas, Leigos no Estudantes Universitários balun.

Arcebispo Arquidocese Metropolita de Dili Dom. Virgilio do Carmo da Silva,SDB iha entrevista hateten, tinan ida ne’e Kreda Local Dili esforço manmanas hela oinsa bele tulun sarani sira comprende didiak kona ba Eucaristia. Tanba ne’e iha seminar ida ohin nian ne’e Equipa Pastoral arquidiocese de Dili nian mak organiza hodi hare liu-liu kona ba parte tolu; oinsa mak iha Eucaristia ita hare husi Teologia Dogmático; ida fali koalia kona ba Prespectiva Direito Canônico no ida ikus kona ba Eucaristia hare husi prespectiva Liturgia ninian. Então ida ne’e mak convida Padre, Madre, Agentes Pastoral lubuk ida nebé mai participa iha Seminario loron ohin nian ho hanoin ida katak atu enriqueça hanoin sira kona ba tema Pastoral 2020, halibur força hotu nebé iha, fahe experiência pastoral ba malu, acção ida deit nu’udar Kreda ida hodi serbi Maromak ho maun-alin sira, dehan Arcebispo de Dili Dom. Virgilio do Carmo da Silva,SDB iha Salão Catedral Dili terça ne’e”.

Vigário Episcopal para os assuntos Pastorais, Pe. Jovito Rêgo de Jesus Araujo hateten seminar ida ne’e halao hanesan atividade ida atu dissemina ka fahe informação liu-liu hametin ema nia fiar kona ba Eucaristia. Tanba ne’e iha seminar ne’e koalia husi prespectiva tolu; Prespectiva Teologia Dogmático, Prespectiva Direito Canônico no Prespectiva Liturgia ho objetivo atu lori Cristo ba sarani sira no lori sarani sira ba Cristo (Cristão Cristocêntrico). (Alin Soares)

Leave a Reply

Your email address will not be published. Required fields are marked *