shadow
Diocese de Dili > NOTÍCIAS > Notícias > COMUNICADO PASTORAL DA ARQUIDIOCESE METROPOLITANA DE DILI

COMUNICADO PASTORAL DA ARQUIDIOCESE METROPOLITANA DE DILI

Hare ba situação atual iha Timor katak “Corona Virus” (COVID-19) realidade ida ona iha Timor laran.

Tuir informação oficial husi Ministério da Saúde iha Palácio das Cinzas iha loron 21 de Março 2020 katak COVID-19 detecta ona iha Timor Leste.

Nudar ita hotu hatene, Virus Corona facil tebes atu daet husi ema ba ema. Tanba ne`e, hau ata hola medidas atu evita virus ne`e habelar iha comunidade Timor oan sira le`et, hodi hein decisão ikus husi Conferência Episcopal Timorense.

Hahu aban Domingo 22 de Março to`o Sábado 28 de Março de 2020 sei vigora decisão hirak tuir mai ne`e iha Vigararia Dili ho Paróquia Dare:

1. Sei suspende:

 

  • Missa sira hotu (dominical, diária, exequial) iha Igreja paroquial ho nia Capela sira hotu. Husu ba sarani sira atu reza deit iha uma no halo comunhão espiritual.

Husu ba Amu lulik sira atu celebra nafatin missa privada (sem assistência do povo) hodi reza ba sarani sira nia diak.

  • Retiro no encontro sira hotu.
  • Via Sacra iha loron Sexta feira, 27 de Março de 2020. Husu sarani sira halo Via Sacra iha uma deit.

2. Missa diária iha Capela sira: Seminários, Casas Religiosas no Religiosos Clericais ba deit residente sira.

3. Husu ba Amu lulik sira hotu nebe hela iha Vigararia Dili no Paróquia Dare atu executa decisão hirak ne`e sem reserva hodi protege ita nia povo husi ataque Corana Virus.

Ba sarani sira hotu Arquidiocese Metropolitana Dili nian, hau ata husu atu badinas nafatin halo penitência, oração no caridade. Labele tama iha pânico maibe hein nafatin ho laran metin Maromak nia laran luak no nia domin rohan laek nebe ita koko to`o biban ida ne`e.

 

Leave a Reply

Your email address will not be published. Required fields are marked *