shadow
Diocese de Dili > NOTÍCIAS > Notícias > COMUNICADO PASTORAL II

COMUNICADO PASTORAL II

Moras Corona (COVID-19) Pandemiaida nebe nia virus hadaet ona bamundo; quase nação hotu-hotu hetan ona virus ne’e. No ita hotu hatene katak moras ne’e hadaet facil liu bainhira ema barak halibur hamutuk.

Hahu dia 21 de Março 2020 virus ne’e mos tama ona iha Timor-Leste. Ita hotu rona no hatene consequência virus ida ne’e nian iha rai seluk, iha contenente 5 ne’e nia laran.

Iha comunicado ida uluk,Conferência Episcopal Timorense hasai ona orientação balu relaciona ho ita nia celebração sira missa nian.

Hare ba realidade ikus nian iha nação sira, no hare mos ba ita nia realidade rasik, ho limitação sira nebe mak ita iha, no rona hanoin sira Organização Saúde Mundial, ita nia técnico saúde sira no mos decisão Amo Papa nian no Conferência Episcopal sira seluk;

Conferência Episcopal Timorense hakarak fo hanoin fali ba sarani sira hotu katak los duni Amo Bispo sira iha responsabilidade ba fiar nian maibe Amo Bispo sira iha mos responsabilidade ba vida ema hotu nian, liu-liu ba sarani Católica iha Timor-Leste.

Ne’eduni, sasukat laos fiar forte, fiar fraku ou fiar laiha; maibe sasukat ne’e mak povo Timor-Leste tomak nia saúde no nia moris. Maromak rasik fo matenek ba nia criatura ema atu bele hetan dalan hodi hases an housi acontecimento sira nebe bele halo terus criatura ema. Nu’udar Maromak nia futar lia fuan nebé dehan; “Hau la kohi ema sira nia mate maibe Hau hakarak sira converte,atu hetan moris” (Ez. 18,23);

Hare ba razão sira ne’e hotu no hatudu mos ita nia comunhão ho amo Papa no Igreja Universal, mak Bispo sira decide tuir orientação DECRETO PAPAPkonaba Corona Virus (COVID-19). Tan ne’e, Conferência Episcopal Timorense (CET)fo orientação no decisão sira konaba oinsa atu celebra festa bo’ot Páscoa nian:

 

  1. Husu ba Amo lulik sira atu bele le’e, cumpre e divulga DECRETO PAPAL sobre COVID-19.
  2. Tuir decreto ida ne’e duni, Amo Bispo sira decide katak celebração litúrgica sira hotu,mesmo iha tempo Pascal,laiha participação do Povo.
  3. Sarani sira tuir celebração iha sira nia uma, bainhira missa liu housi rádio ou televisão; biar la simu comunhão eucarística maibe halo comunhão espiritual (sei fornece fórmula ida basarani sira atu halao comunhão espiritual).
  4. Bai-bain ita hatene katak missa sem comunhão missa la completa maibe hare ba situação ida hanesan ne’e, tempo calamidade pública e mundial, uma Creda dispensa sarani sira housi comunhão eucarística no convida sarani sira halo comunhão espiritual.
  5. Atu evita perigo de contágio, husu ba amo lulik sira atu tuir rigorosamente orientação no decisão Amo Papa no Conferência Episcopal Timorense (CET) nian ne’e.
  6. Amo lulik sira laiha dispensa konaba sira nia obrigação sacerdotal, husu deit halo ho prudência.
  7. Ba conventos, Seminários no Comunidade religioso/a bele halao celebração ba deit membros comunidade nian.
  8. Orientação sira ne’e vigora desde data de publicação too mosu fali orientação seluk.

 

Iha tempo susar hanesan ne’e, ita halo buat nebe ita bele;buat nebe ita labele, ita husik iha Maromak nia liman no husu ba cidadão ida-idak atu hola responsabilidade ba povo hotu-hotu nia diak.

 

Dili, 24 de Março de 2020

 

Leave a Reply

Your email address will not be published. Required fields are marked *