shadow
Diocese de Dili > NOTÍCIAS > LETURA DIÁRIA > Sábado, IV Semana tempo Quaresma (ANO A)

Sábado, IV Semana tempo Quaresma (ANO A)

Primeira Leitura                     Jer. 11. 18-20

Lia housi Livro Jeremias nian:

Na’i fó hatene mai ha’u, ha’u mós hahu hatene: Iha oras ne’e mak ha’u haré ha’u nia funu baluk sira nia lia bobar. Háu hanesan bibi oan maus ida be ema lori ba atu oho; la hatene ema futu lia hasouro ha’u: ‘Ita halakon tiha ai-foun matak lós; fokit tiha nia housi moris sia rain atu ema ida labele ko’alia tan kona ba nia naran’. Na’i buat hot-hotu nian, nebé tesi lialós, hatene borus ema laran no fuan; halo ha’u haré castigo nebé Ita haraik ba sira, tan ha’u saran ha’u nia lia ba Itaboot.

Maromak Futar Lia.

 

Salmo Responsorial                                                                                                                              Sal. 33(34). 17-18, 21 e 23 (R. 19ª)

Refrão : Na’i, ha’u nia Maromak, ha’u hein iha Ita!!! Repete-se

Na’i ha’u nia Maromak, ha’u buka mahan iha Ita,

hasai ha’u housi funu baluk sira liman, soi ha’u.

halo sira la bele haksoit mai ha’u

hanesan asu-fuik leão,

hodi lês ha’u, la iha ema ida atu soi ha’u. Refrão

 

Na’i, tesi lia ba ha’u tuir justiça;

Tuir ha’u nia sala laek.

Ema áat sira nia laran halakon hotu tiha ba;

Fó ksolok ba ema di’ak,

Ita, Maromak justiça nian,

Haré borus ema sira laran. Refrão

 

Ha’u nia tulun iha Maromak,

Nebé soi ema laran mós.

Na’i maromak mak Juíz lós,

Maromak nebé bele castigo lor-loron. Refrão

 

Aclamação                                                                                                                                                                                                       Lc. 8. 15

Refrão : Maksoyn, glória no hahí ba Ita, Jesus Cristo, ami Na’in!! Repete-se

Ksolok ba sira nebé rona Maromak Nia liafuan ho neon no

laran hodi fó fuan, tan sira laran metin. Refrão

 

Evangelho                                                                                                                                                                                           Jo. 7. 40-53

Na’i Jesus Cristo nia Evangelho nu’udar São João Haktuir:

Iha tempo nebá, iha ema lubun sira leet, sira balu nebé rona Jesus ko’alia, hateten: “Tebes duni, Nia Profeta!” Sira seluk hateten: “Nia Messias!” Maibé, sira seluk fali dehan: “Maibé Messias mai housi Galileia?” Livro santo la hateten katak Messias mai housi uma-kain David, housi knua Belém, David nia rain?” iha ema sira lubun leet, lia la tuir malu kona ba Jesus. Sira balun hakarak káer Nia, maibé la iha ema ida tau liman ba Nia. Ne’e duni, guarda sira ba hasouro sacerdote boot ho fariseu sira; hafoin sira ne’e husu ba sira: “Tansá imi lori Nia mai?” Guarda sira hatan: “laiha ema ida koalia nune’e!” Fariseu sira hateten hasouro: “Imi mós la’o tuir Nia? Iha na’i ulun ka fariseu balu fiar ona Nia? Maibé ema lubun ne’e, be la hatene lei, ema áat!” Nicodemos nebé houri uluk ba hasouro Jesus, nia mós ida, hateten ba sira: “Ita nia lei bele tesi lia ba ema ida, maibé uluk knana’in rona nia lai; hatene lai nia halo sáida?” sira hatan ba Nia: “Ó mós Galileu ida? Buka hatene to’ok, ó sei haré katak housi Galileia la sai profeta ida”. Ida-idak la’o ba nia uma.

Lia Maksoyn.

Leave a Reply

Your email address will not be published. Required fields are marked *