shadow
Diocese de Dili > NOTÍCIAS > Notícias > CIDADÃO NAIN 164 IHA QUARENTENA FILA HIKAS BA FAMÍLIA

CIDADÃO NAIN 164 IHA QUARENTENA FILA HIKAS BA FAMÍLIA

DILI 06 Abril 2020 (DCAD) – Governo liu husi Ministério de Saúde iha segunda ne’e, hola decisão hodi entrega hikas cidadão nain 164 nebé completa ona 14 dias iha quarentena hanesan iha Hotel Audian (66 pessoas) no Hotel Novo Horizonte (98 pessoal) ba ida-daik nia hela fatin tanba submete ona periodo de encubação la hatudu sintomas Covid-19. Entre cidadão hirak ne’e maioria timoroan. Declaração refere declara husi Diretora Geral Proteção Saúde Odete da Silva Viegas iha Hotel Horizonte Metiaut Dili.

“Total número nebé atu sai ohin hamutuk 164 pessoas; husi Audian total 66 pessoas composto husi mane 43 feto 23 no Novo Horizonte 98 pessoas composto husi mane 53 no feto 45. Número boot ida ne’e maioria concentra iha Dili. Ami entrega mos Certificado ba cidadão hirak nebé completa ona 14 dias quarentena. Maibe husi sira nain hira ne’e mos iha balun nebé hatudu sintomas hanesan iha Hotel Audian. Graças a Deus sira nain 4 nebé hetan sintomas ne’e no iha testo negativo. Então ohin bele haruka sira fila ba sira nia fatin.

Diretora Geral Proteção Saúde Odete da Silva Viegas husu ba cidadão sira nebé completa ona 14 dias iha quarentena atu nafatin halo contacto ho profissional de saúde sira karik desemvolve sintomas ruma

“Maluk sira nebé mak ohin sei desloca ba iha ida-daik nia fatin, husu atu nafatin halo contacto ho pessoal saúde sira liuliu serviço vigilância Epidemologia se mosu sintomas ruma atu nune’e bele hetan assistência, dehan Diretora Geral Proteção Saúde Odete da Silva Viegas iha Hotel Horizonte Metiaut Dili”.

Cidadão João da Silva Lopes nebé completa ona 14 dias quarentena expressa katak hau mai quarentena voluntariamente deit tanba hau reconhece an katak hau mai husi nação nebé afetado tanba ami lakohi atu fo risco ba família comunidade no ita nia nação doben Timor-Leste. Tanba ne’e hau hatoo hau nia gardecimento boot ba ita nia estado no governo maske ho facilidade nebé mínimo tebes maibe hatudu no halo duni buat ruma hodi combate surto ida ne’e. (Alin/Leo)

Leave a Reply

Your email address will not be published. Required fields are marked *