shadow
Diocese de Dili > NOTÍCIAS > Notícias > Eucaristia, Serviço, Unção.

Eucaristia, Serviço, Unção.

Realidade mak ohin ita moris iha celebração ida ne’e. Na’i hakarak horik hamutuk ho ita iha eucaristia. Nune’e ita sai nafatin Na’i ninia tabernáculo. Ita lori Na’i iha ita-an. Nune’emak Nia rasik hateten se ‘’ita la han ninia futar Isin no la hemu ninia futar Ran ita sei la tama iha reino Lalehan”. Mistério ida ne’e Pão hoTua, Na’i ho ita, iha ita no iha ita nia laran. Serviço, gesto ida nebé condiciona atu bele tama iha Reino Lalehan, servi hotu-hotu. Na’i iha ninia liafuan wa’inhira conversa ho Pedro, de facto nia fo apelo dehan ita sei hetan Reino Lalehan wa’inhira ita mos housik atu Na’i servi ita, atu Na’i Maromak ninia atan sai ita nia atan. Ida ne’e dificil atu ita comprende.  Se ha’u la housik atu Na’i sai ha’u nia servidor, Na’i hamós ha’u, haburas ha’u, perdua ha’u, ha’u sei la tama iha Reino Lalehan, sacerdócio mak ne’e.

Ohin hamutuk ho sacerdote sira, sacerdote hotu-hotu, housi sira hotu nebé foin mak ordena dadaun to ba Papa, ita hotu mesak sacerdote de’it, bispo sira, hotu-hotu. Ita hotu ungido, ungido housi Na’i, ungido atu halo eucaristia, ungido atu servi. Ohin laiha missa crismal, ha’u hein katak ita bele halo fali molok pentecostes, oin seluk ita tem que adia ba tinan oin fali. Maibé ha’u la bele housik missa ida ne’e liu de’it seim hanoin Na’ilulik sira. Na’ilulik sira nebé oferece sira ninia moris ba Na’i. Na’ilulik sira nebé sai servidor, iha loron hirak ne’e iha sira nain 60 liu mak iha Italia ne’e tau matan ba ema moras sira iha hospital, no mos hamutuk ho medico no enfermeiro, enfermeira sira, sira mak ema santo sira be iha ema moras sira nia sorin. Na’ilulik sira nebé housi servi fo sira ninia moris. Ha’u hanoin mos iha sira nebé dook, ohin ha’u simu carta ida housi Na’ilulik capelão comarca nian ida, dook. Nia haktuir mai ha’u oinsa mak moris iha semana santa ida ne’e hamutuk ho prisioneiro sira, franciscano ida. Na’ilulik nebé lao ba dook hodi haklaken Evangelho. Bispo ida hateten dehan katak buat nebé nia halo uluk liu wa’inhira nia to ba iha fatin sira missão nian mak nia ba visita uluk nanain cemitério, ba na’ilulik sira nia rate, nebé housik hela sira ninia moris iha neba, mesak jovem de’it. Mate tamba peste be mosu iha fatin neba, sira la preparado, sira laiha aimoruk anti corpo ba sira. Laiha ema ida hatene sira nia naran, na’ilulik anónimo sira. Pároco sira iha foho, nebé sai pároco ba aldeia 4 ou 5, 7 iha foho, sira lao housi aldeia ida ba aldeia seluk, hatene ema sira. Dala ida hateten mai ha’u katak nia hatene ema sira hotu iha aldeia nia laran. Ha’u dehan ba nia, tebes ka? Nia hatan mai ha’u dehan hatene mos asu sira nia naran hotu.  Nia hatene hotu, Na’ilulik ninia hakbesik-an, diak los, na’ilulik diak los. Ohin ha’u lori imi iha ha’’u nia fuan no lori imi mai iha altar ne’e nia leten. Na’ilulik sira nebé ema lori lia bobar hasouru. Dala barak ohin loron mosu katak sira la bele lao livremente iha Estrada tamba ema dehan buat aat hasouru sira, refere ba drama nebé ita moris hela dadaun tan na’ilulik balun nebé halo buat aat. Balun dehan mai ha’u katak sira la bele sai housi uma tamba ema insulta sira, no sira continua nafatin, na’ilulik sala nain, hamutuk ho bispo sala nain sira no papa sala nain, la haluha atu husu perdão no apreende fo perdua tamba sira hatene katak percisa husu perdua no fo perdua, ita hotu mesak sala nain. Na’ilulik sira nebé sofre tamba crise balun, la hatene atu halo saida, iha nakukun laran hela, ohin imi hotu, maun alin na’ilulik sira, imi hotu hamutuk ho hau iha altar. Imi consagrado sira, ha’u dehan de’it buat ida ba imi, imi keta tarde hasouru hanesan Pedro, housik hamós imi ain, Na’i imi atan, Nia besik ho imi atu haraik kbi’it ba imi, hodi fase imi nia ain. Nune’e, ho consciência ida ne’e, iha necessidade atu Na’i hamós imi, imi mesak perdão nain boot de’it, haraik perdua ba. Iha fuan be boot atu fo perdua generosamente. Ne’e mak sasukat be sei usa hodi sukat ita. Oinsa o fo perdua, nune’e mos mak o sei simu perdão, ho sasukat nebé hanesan. Labele tauk atu fo perdua, dala balun mosu dúvida iha ita laran. Imi hateke ba Cristo, dehan perdua ba hotu-hotu, imi sai corajen ba atu fo perdua, mesmo quando iha risco atu fo perdua, atu fo consola. Se imi labele fo perdão sacramental iha momento neba, aomenos fo conselho nu’udar maun alin ida nebé acompanha no housik hela odamatan nakloke nune’e nia bele fila fali mai. Ha’u agradece Maromak tan graça sacerdócio, ita hotu nian. Ha’u agradece Maromak tan imi na’ilulik sira, Jesus hadomi imi. Hau husu de’it atu imi housik Nia fase imi ain.

 

 

Traduzido Pelo : Departamento Comunicação da Arquidiocese de Dili

Vatican News, Link :  https://www.youtube.com/watch?v=LryoinpVC0E

Leave a Reply

Your email address will not be published. Required fields are marked *