shadow
Diocese de Dili > NOTÍCIAS > Notícias > “Escritura buras hamutuk ho sira nebé mak lee escritura”

“Escritura buras hamutuk ho sira nebé mak lee escritura”

São Gregorio Magno hateten katak “Escritura buras hamutuk ho sira nebé mak lee escritura”. Cui leggenti vos crescit. Exprime significado sempre foun housi pergunta sira nebé ema sira iha wa’inhira lee escritura. Ita iha tinan ida ne’e lee história Na’i Jesus ninia terus nian ho pergunta ida, de facto laos pergunta ida maibé lia hakilar ida (grito), nebé rai tomak halo. Ita tem que buka hetan resposta housi Maromak ninia futar liafuan be fo ba lian hakilar ida ne’e. Buat nebé ita foin mak rona fali dadaun ne’’e história be haktuir kona ba hahalok boot liu nebé ojetivamente ema halo iha rai.  Oras ne’’e ita bele haré housi  ponto de vista rua differente, bele housi oin, ou bele mos housi kotuk. Katak haré housi ninia causa ou housi ninia efeito. Se ita para de’it iha causa histórica housi Cristo ninia mate, ita mos bele hola parte iha neba, no ita ida-idak sei tenta atu dehan hanesan Pilatus katak hau inocente housi ema ne’e nia ran. It abele comprende diak liu Cruz liu housi ninia efeito, laos housi ninia causa. Cristo nia mate ninia efeito mak saida de’it? Paulo dehan mai ita katak mak “moris tuir lolos fiar, reconcilia imi an iha paz ho Maromak, hakonu imi-an ho esperança ba moris rohan laek”.

Maibé iha efeito ida nebé situação atual ajuda ita atu haré particularmente. Jesus Cristo nia Cruz muda tiha significado housi ema nia moras no sofrimento. Housi cada sofrimento fisica no moral, sira ne’’e laos ona castigo maldição ida. Kasu no halakon tiha ona wa’inhira Maromak nia oan lori hotu iha nini-An. Prova seguro liu housi buat hemu nebé ema ida fo ba o katak laiha veneno mak saida? No se nia hemu iha ona oin housi copo nebé hanesan. Nune’’e mak Maromak halo, iha Cruz Nia hemu calix terus nian iha mundo nia oin too hotu.  Nia hatudu nune’e katak ne’e la envenenadoida, maibé iha calix ne’e nia laran liu iha pérola ida. Laos de’it ema fiar nain sira ninia terus, maibé ema hotu nia terus. Nia mate ba ema hotu. Quando foti sae ha’u iha rai leten hau dehan ona ba imi katak, ha’u sei dada ema hotu mai hau. Ema hotu, laos ema balun de’it. Terus ne’e, São João Paulo II wa’inhira ema halo atentado atu oho nia liu tiha, nia hakerek katak: significa sai particularmente provável, particularmente sensível iha obra salvífica Maromak nian be haraik ba humanidade iha Cristo. Tamba Cristo nia Cruz sofrimento sai tiha tuir ninia dalan sacramento universal ida maksoin nian ba género humano. Hirak ne’e hotu lori roman saida ba situação dramática nebé mundo moris hela dadaun ba. Iha ne’e mos ita la haré liu ba ninia causa maibé ita tem que haré liu mak ba ninia efeito. Laos de’it efeito negative sira nebé loro-loron ita rona, maibé mos sira be positive ne’e nebé sai observação naton liu ita bele halo iha ambiente ida hanesan ne’e. Pandemia Corona Virus sunu ita halo ita hakfodak housi perigo boot liu hotu nebé halai tuir nafatin ema ida idak no humanidade, mak ida be ilusão omnipotência.

Rabino Hebreu conhecido ida iha loron hirak ne’e hakerek dehan katak tinan ida ne’e ita iha ocasião atu celebra êxodo pascal especial ida, mak kona ba exílio da consciência. Katak buat kiik ida de’it, iha forma elemento natural ida, be virus ida fo hanoin mai ita katak ita ema mortal. Katak kbiit militar no tecnologia nian la too atu soi ita. Salmo ida hateten katak ema iha prosperiedade la comprende, hanesan tiha animal sira nebé mohu. Liafuan hirak ne’e los teb-tebes.

Wa’inhira pinta hela dadaun Catedral São Paulo iha Londres, Pintor James Fornhill, iha momento balun entusiasmo tebes ho ninia pintura, nune’e nia hakiduk mai kotuk atu bele haré pintura ne’e diak liu, maibé nia la hatene katak nia atu monu dadaun tamba iha ninia kotuk laiha andaime. Assistente ida nebé haré kona compreende lalais tiha katak labele bolu hakilar ba tamba se bolu hakilar ba ne’e hanesan de’it ho acelera liu tan desastre ne’e. Nia la hanoin dala rua foti escova kiik ba pinta nian ne’e hoban tun ba tinta no tuda ba iha pintura sira nia klaran, ninia mestre hakfodak hakat tiha ba oin. Nune’e ninia obra enterompida tiha maibé nia salva tiha. Maromak dala balun halo hanesan ne’e mai ita, muda ita nia projeto no ita nia esforço sira hodi soi ita housi rai naruk nebé ita la haré. Maibé quidado atu ita labele bosok fali ita-an. Laos Maromak mak ho Corona Virus tuda mai hanesan escova kiik hodi pinta nian ne’e ba ita ninia urgulhosa civilização tecnológica. Maromak ita nia aleado, laos virus nia aleado. Hau nia projeto mak paz laos aflição, Maromak hateten iha Biblia. Se flagelos hirak ne’e castigos housi Maromak, sei labele explica mos tamba sa mak buat ne’e kona hanesan de’it ba ema diak no mos ba ema aat sira hotu. No tamba sa mak baibain ema ki’ak mak simu ninia consequência boot liu, sira mak sala nain liu hotu sira seluk ka?. Lae, ida nebé nia mesak de’it mak loron ida tanis tamba Lazaro nia mate, ohin mos tanis tamba flagelos sira nebé mosu ba humanidade. Sim, Maromak sofre, hanesan aman sira no hanesan inan sira. Quando loron ida ita descobre, ita sei moe tamba acusação sira nebé ita halo ba Nia iha ita ninia moris. Maromak partecipa iha ita nia terus hodi halakon terus ne’e. Mas que Nia supremamente DIAK, Santo Agostinho hakerek nune’e, Maromak nunca permite atu buat at ida existe iha ninia obra sira, se Nia laos suficientemente POTENTE no DIAK, hodi hasai DIAK housi AAT ne’e. Dala balun Aman Maromak hakarak Ninia Oan mate iha Cruz ka? Hodi hetan fila fali DIAK? Lae. Simplesmente Nia housi atu liberdade humana lao tuir ninia dalan, maibé hodi servi Ninia plano sira, laos ema nian sira. Ne’e vale mos ba AT natural sira; Rai nakdoko no epidemia sira, laos Nia mak hamósu. Nia haraik mos ba natureza liberdade ida, qualitativamente comcerteza oin seluk housi ema nian moral, maibé forma liberdade ida mos.  Liberdade atu buras tuir lei ninia desenvolvimento. La cria mundo hanesan relogio ida nebé ninia movimento sira hotu programado hotu tiha ona. Nebé mak balun hanaran ‘CASO’, maibé iha Biblia hanaran SABEDORIA CRIADORA DE DEUS.

Fruto seluk housi crise saude agora dadaun ne’e mak Sentimento SOLIDARIDADE. Ita nunca haré wa’inhira hanoin kona ba ema, ema sira housi rai hot-hotu sente unidos los, hanesan los, tauk los, hanesan iha momento terus nian ida ne’e. Ita nunca rona hanesan oras ne’e ita rona dadaun lia lialos be ita nia poeta bot italiano ida be dehan “Ema sira, paz, iha rai klaran be misterios wa’in tebes. Ita haluha tiha atu hari mouro sira, Virus ne’e la conhece fronteira. Lalais oan de’it nia harahun barreira no distinçao sira hotu; raça, religiao, riku soin, no poder sira. Ita labele fila fali ba kotuk, wa’inhira momento ida ne’e liu tiha. Hanesan Santo Padre hateten sai mai ita, katak ita labele supera ocasiao ida ne’e. Ita labele housik atu terus wain, ema barak be mate, no empenho heròico wain housi trabalhador saùde sira nian liu le’et de’it. Ida ne’e mak buat nebé ita tem que tauk liu. Sira sei halo sira nia espada sira sai fali enxadas, sira ninia diman sai tudik kleuk, rai ida sei la hamrik hasouru tan rai seluk, sira sei la aprende tan atu halo funu. Oras ne’e mak momento nebé ita bele halo buat balun housi Isaias ninia profecia ne’e nebé humanidade tomak sempre hein atu sai tuir lolos. Ita percisa dehan to’o ona buat trágico sira be mai housi buat kroat sira. Imi jovem sira hakilar sai ho força tomak ba tamba ne’e kona ba imi nia destino. Mai ita usa recursos ilimitados ba buat kroat sira ba iha buat sira nebé ita haré urgenteiha situação ida oras ne’e dadaun; saude, higiene, alimentação, luta hasouru ki’ak, tau matan ba ki’ik sira. Mai ita housik hela ba geração nebé sei mai mundo ida nebé se necessário bele ki’ak iha sasan, iha osan maibé, rico iha humanidade. Maromak ninia futa Lia hateten mai ita atu halo uluk saida iha momento ida hanesan ne’e. Hasa’e lian ba Maromak. No nia rasik mak tau iha ema sira nia ibun liafuan sira atu hasa’e ba Nia, dala balun liafuan kro’at. Hi’it-An mai ba Na’i, mai tulun ami, soi ami tan Ita Bot laran luak. Dada ami besik ba Ita Bot, keta hadok ami housi Ita Bot ba nafatin. Na’i, keta housik ami atu mohu lakon ona. Maromak hakarak ita harohan mak foin haraik Ninia graça ka? Ita nia oração mak halo para Maromak muda ninia plano sir aka? Lae. Maibé São Tomas de Aqúino explica dehan katak iha buat balun nebé mak Maromak descide atu fanu ita nudar fruto housi Ninia graça no ita nia oraçao. Quase nune’e hodi fahe ho ninia criatura sira diak sira housi benefìcio nebé Nia haraik. Ni’a mak haruka ita halo nune’e, husu ba no imi sei hetan, dere odamatan ba no sei loke ba imi. Quando iha deserto samea venenoso ida mosu hodi tata ema hebru sira, Maromak haruka Moises halo samea ida housi bronze hosi tara iha ai ida no se mak hateke ba samea ne’e la mate. Jesus apropria-An ho sìmbolo ida ne’e. Hanesan Moises foti sae samea housi bronze iha deserto nune’e mos mak sei foti sae Ema nia Oan Mane atu ema hotu nebé fiar iha Nia hetan moris rohan laek. Ita mos iha momento ida ne’e samea venenoso ida be ita la haré tata ita. Mai ita hateke ba ida nebé foti sa’e iha Cruz tamba ita, mai ita adora Ni’a iha Basílica mamuk ida ne’e, ba ita no ba ema tomak. Se mak hateke ba Nia ho fiar, sei la mate, se mate karik mos sei tama iha moris rohan laek. Liu tiha loron 3 ha’u sei moris hias fali, Jesus dehan uluk tiha ona. Ita mos liu tiha loron hirak ne’e nebé ita hein hela dadau, ita sei moris hias fali, no ita sei sai housi rate sira nebé sai tiha hanesan ita nia uma. Laos atu fila fali ba moris ida uluk nian hanesan Lazaro, maibé ba moris foun ida hanesan Jesus, moris ida sai maun alin liu tan, humana liu tan, crista liu tan

 

Traduzido Pelo : Departamento Comunicação da Arquidiocese de Dili

Vatican News, Link : https://www.youtube.com/watch?v=jPKff_D7adk

Leave a Reply

Your email address will not be published. Required fields are marked *