shadow
Diocese de Dili > NOTÍCIAS > Notícias > TIMOROAN NEBÉ SEI IHA CONFINAMENTO OBRIGATÓRIO HAMUTUK NAIN 764

TIMOROAN NEBÉ SEI IHA CONFINAMENTO OBRIGATÓRIO HAMUTUK NAIN 764

DILI 12 Março 2020 (DCAD) – Porta-voz Centro Integrado Gestão de Crise (CIGC) Dr. Sergio Lobo, anuncia ba público relaciona ho dados nebé recolha husi sistema de vigilância epidemológica Ministério de Saúde nian hatudu katak to’o ohin tuku 12:00 meiodia, 12 abril 2020 ne’e katak maluk sira nebé sei confinamento obrigatório ou iha quarentena hamutuk nain 764.

“Ami informa ba publika katak ohin horas 12:00, loron 12 abril 2020, maluk sira nebé sei  confinamento obrigatório ou iha quarentena hamutuk nain 764. Enquanto maluk sira nebé sai ona husi quarentena hamutuk 1140. Horseik 11 abril 2020. Dr. Rui Maria de Araujo hateten ona katak sei iha quarentena hamutuk ema nain 883. Ida ne’e significa katak ohin iha tan ema nain 119 mak husik ona quarentena no fila ba sira ida-idak nia uma, informa Porta-voz Centro Integrado Gestão de Crise (CIGC) Dr. Sergio Lobo iha Centro Convenção de Dili domingo ne’e”.

Porta-vozCIGC’ Dr. Sergio Lobo relata “Husi dadus sira ne’e hatudu katak maluk sira nebé tama hosi fronteira mai menus ba dadaun no sira nebé sei iha quarentena kiik liu do que ema sira nebé fil ona ba ida-idak nia uma. Ida ne’e tanba governo foti ona medidas atu suspende timoroan sira tama hosi fronteira terrestre.

“Ami informa mos ba publika katak iha timoroan nain ha’at (4) foin loron ida ka rua liu ba tama clandestinamente mai ita nia fronteira no ohin ‘12 abril 2020’ ne’e mos timoroan nain rua (2) tan mak  tama clandestinamente, maibé força rápida foti medidas hodi lori ona sira mai iha fatin Quarentena nian haktuir Dr. Sergio Lobo”. (Alin/Leo)

Leave a Reply

Your email address will not be published. Required fields are marked *