shadow
Diocese de Dili > NOTÍCIAS > Notícias > CIGC: TIMOROAN NAIN ‘3’ CONFIRMADO POSITIVO COVID-19

CIGC: TIMOROAN NAIN ‘3’ CONFIRMADO POSITIVO COVID-19

DILI 13 Março 2020 (DCAD) – Governo liu husi ‘Centro Integrado Gestão de Crise (CIGC)’ anuncia ba público relaciona ho dados nebé recolha husi sistema de vigilância epidemológica Ministério de Saúde nian hatudu katak to’o ohin (13/04/2020) tuku 12:00 meiodia hatudu “Suspeito ohin hamutuk 178 pessoas, hein resultado 53 pessoas, caso confirmado nain 4; husi nain 4 ne’e positivo foun 3 no entre nain 4 ne’e ida recuperado. Haktuir Porta-voz Centro Integrado Gestão de Crise (CIGC) Diretora Geral Proteção Saúde Odete da Silva Viegas iha sala de situação Centro Convenção Dili Segunda ne’e.

“Total quarentena iha Dili no Município hamutuk 637 pessoas. Auto quarentena; Dili 1, no município ema nain 5, total ema nain 6. Total ema nebé mak passa ona 14 dias iha quarentena Iha Dili deit hamutuk ema nain 1051 no iha município ema nain 210, total ema nain 1261 mak passa ona 14 dias no fila ba ida-idak nia uma, dehan Odete da Silva Viegas iha sala de situação Centro Convenção Dili Segunda ne’e”.

Odete da Silva Viegas fortifica tan katak “Caso registrado agora ne’e suspeito hamutuk ema nain 178, negativo ema nain 111, sei hein resultado iha ema nain 53, no caso confirmado nain 4; husi nain 4 ne’e positivo foun 3 no ida recuperado. Tanba ne’e mak ita bolu caso confirmado ne’e iha nain 4”.

Odete da Silva Viegas haktuir katak Sira nain rua nebé hetan positivo ne’e tama iha grupo ida nebé hamutuk ema nain 8 nebé mak halo viagem husi Kupang mai Batugede ho travel. No Travel nebé tula sira nain 8 husi Kupang too iha Batugede, no husi Batugede mai too iha Dili sira sae bus maliana nian ida no iha bus laran ne’e passageiro hamutuk 25 pessoas. Ne’e la inclui ho condutor no ajudante rua. Ba maluk sira nebé mai hamutuk ho sira agora ne’e hela iha Hotel Katuas no halo hotu teste ba sira no ita hein aban ou bainrua nia resultado too mai hodi fo sai ba público.

Odete da Silva Viegas dehan tan katak “Caso rua positivo hamutuk ona iha Vera Cruz. Portanto iha ona paciente 3 mak oras ne’e iha Vera Cruz, maibé felizmente sira nia condição diak, isin manas laiha no mear mos menus ona. Dadaun ne’e iha médicos nain rua mak oras ne’e tau matan hela ba sira, inclui enfermeiros no mos especialista ida nebé mak dedicado duni ba iha caso covid-19”. (Leo)

Leave a Reply

Your email address will not be published. Required fields are marked *