shadow
Diocese de Dili > NOTÍCIAS > Notícias > PORTUGUESES NEBÉ SAI HUSI TIMOR, IHA PROFESSORA IDA CONFIRMADO POSITIVO COVID-19

PORTUGUESES NEBÉ SAI HUSI TIMOR, IHA PROFESSORA IDA CONFIRMADO POSITIVO COVID-19

DILI 14 Abril 2020 (DCAD)  Porta-voz Centro Integrado Gestão de Crise (CIGC) Dr. Rui Maria de Araujo iha sala de situação Centro Convenção Dili terça ne’e anuncia ba público relaciona katak país amigo portugal informa katak iha dia 4 de abril grupo de Portugueses nebé sai husi Timor, iha Professora ida nebé iha dia 6 de abril iha Portugal halo teste no hetan positivo.

“Ita nia país amigo portugal informa mai ita katak iha dia 4 de abril grupo de Portugueses nebé sai husi Timor, iha Professora ida nebé iha dia 6 de abril iha Portugal halo teste no hetan positivo, haktuir Porta-voz Centro Integrado Gestão de Crise (CIGC) Dr. Rui Maria de Araujo iha sala de situação Centro Convenção Dili terça ne’e.

Dr. Rui Maria de Araujo hateten “Professora ne rasik apoia ho autoridade saúde sira iha Portugal partilha ona informação liu husi canais diplomáticos no mos liu husi cooperação sira iha âmbito regulamento internacional de saúde nian identifica ona contactos sira hotu nebé professora ne’e halo molok nia atu fila. No oras ne’e daudaun equipa de gestão epidemológica Ministeiro de Saúde halo hela acompanhamento, monitoriza hela hafoin sei foti medidas liu-liu atu halo análiza laboratório karik wainhira precisa, dehan Dr. Rui Maria de Araujo. (Alin/Leo)

Leave a Reply

Your email address will not be published. Required fields are marked *