shadow
Diocese de Dili > NOTÍCIAS > Notícias > KHUNTO NIA POSIÇÃO FIRME HO COLIGAÇÃO FOUN NEBÉ LIDERA HUSI XANANA GUSMÃO

KHUNTO NIA POSIÇÃO FIRME HO COLIGAÇÃO FOUN NEBÉ LIDERA HUSI XANANA GUSMÃO

DILI 14 Abril 2020 (DCAD) – Membro Conselho Superior Partido KHUNTO nian iha Uma Fukun Parlamento Nacional terça ne’e afirma katak too oras ne’e sira nia posição nafatin ho coligação nebé lidera husi Kay-Rala Xanana Gusmão. Tuir Membro Conselho Superior Partido KHUNTO ne’e katak informação nebé espalha iha media social kona ba Partido KHUNTO dada-an husi coligação foun nebé mak lidera husi Sua excelência Xanana Gusmão ne’e lalos. Tan ne’e nia parte husu ba público atu labele fiar ba informação refere.

“Hau hakarak atu hateten ba público katak relaciona ho informação nebé maka espalha iha média social kona ba Partido KHUNTO nebé dehan dada-an husi coligação nebé lidera husi Sua excelência Xanana Gusmão ne’e informação nebé lalos. Tanba ami nudar membro conselho superior partido KHUNTO nian no mos representante KHUNTO iha Parlamento Nacional ami sidauk hatene kona ba informação ida ne’e. Tanba ne’e husu ba público atu labele fiar ba informação ne’e, haktuir Deputado Partido KHUNTO Luis Roberto iha Parlamento Nacional terça ne’e”.

Luis Roberto deklara katak “Agora ita hotu fokus lai ba oinsa atu bele halo prevenção ba surto covid-19 nian. Kona ba coligação foun iha memento ne’eba iha ona assinatura ida liu husi Partido ne’en nebé lidera husi presidente CNRT Kay-Rala Xanana Gusmão no ami fo ona ba iha Presidente da República hodi hein deit decisão. Tanba ne’e husu ba público labele fiar informação falsu iha média social katak Partido FRETILIN, PLP no KHUNTO assina acordo ida atu halo coligação foun ida ne’e lalos. (Leo)

Leave a Reply

Your email address will not be published. Required fields are marked *