shadow
Diocese de Dili > NOTÍCIAS > REFLEXÃO > RAHUN DIAK BA EMA NEBÉ FIAR-MASKE LA HARÉ

RAHUN DIAK BA EMA NEBÉ FIAR-MASKE LA HARÉ

DOMINGO PÁSCOA II/Ano A/2020

Act 2,42-47;  1Ped 1,3-9;  Jo 20,19-31

 

Ema hotu nebé hamtauk Maromak…Nia hadomi nafatin. Evangelho semana nee haktuir kona ba Jesus mosu iha ocasião rua tutuir malu depois de Ninia ressurreição. São João relata katak Jesus nia aparição ba dala uluk acontece kalan ida uluk depos de sábado. Aparição ba dala rua nian acontece loron walu tuir mai. Wainhira Jesusmosu ba dala uluk, apóstolo Tomas (Tomé) nebé bai-bain sira bolu Dídimo la presente iha nebá. Tomé foin marca presença wainhira Jesus mosu hikas iha loron walu tuir mai (primeiro dia depois de sábado). Talvés São João ladun fo improtância cronologia do tempo maibé, nudar sarani, sequência do tempo importante ba ita sarani hodi entende sentido religioso husi loron Domingo. Domingo iha lian latin dehan: Dies Dominica/ Dia do Senhor.

João relata kona ba encontro entre Jesus ho Apóstolo sira depois de ressurreição. Aparição no encontro ida nee fo imagem kona ba encontro entre ita sarani nudar membro uma kreda ho Jesus Cristo nudar fundador desde tinan rihun rua resin liu ba.

Especialmente encontro iha momento Eucaristia, encontro iha situação surto global ida, encontro iha situação incerteza ida, encontro iha oração. Ausência no presença Tomé nian normalmente simboliza ita nia presença iha Eucaristia (Missa) nudar fatin hodi manifesta ita nia fiar ba Maromak iha ação hahi-adora. Iha situação crise hanesan oras nee acontece (Covid19), presença no ausência refere ba oinsa ita habelun ho Maromak iha oração, participa missa liu husi televisão, comunhão espiritual, Stay home, social distancing,…nst.

Nudar uluk Cristo Moris hias tiha, hatudu-An ba apóstolo sira hodi fo lara metin (esperança-encorajar), nunee mos oras nee, Covid19 impede hodi halibur malu iha uma kreda maibé, ita iha possibilidade seluk hodi marca presença iha missa via online. Cristo hatudu nia-An mai ita iha oração, iha ita nia fiar, iha ita nia esperança iha ita nia vida rasik.

Nudar uluk Jesus mosu hodi haraik Espírito Santo, esperança no laran hakmatek (paz) ba escolante sira, Jesus comprova hodi hatudu nia futar isin kanek sira. Oras nee, Jesus nafatin hatudu Ninia isin kanek sira liu husi sagrada Comunhão (Comunhão Espiritual). Hanesan Tomé nia experiência, nebé la fiar wainhira la tau liman iha Cristo ressuscitado nia kanek, nunee mos oras nee, ita fiar Jesus nia presença iha Sagrada Comunhão. Jesus moris hias iha loron primeiro (Domingo) nebé oras nee ita hanaran Domingo (Dies Dominica/dia do Senhor).

Loron ida uluk (Domingo=Primeiro dia) ita oferece ba Maromak hodi hahi-adora no hatoo agradece ba loron neen (6) nebé Maromak fo ona. Maske Covid19 oras nee hadau/limita tiha ita nia loron adora Maromak, ita nia loron serviço maibé ita nia fiar halo ita hahi adora Maromak iha oração no assiste missa online inclui comunhão espiritual.

Iha Evangelho João relata katak; wainhira Jesus hatudu-An (mosu), escolante sira laran haksolok, hakmatek no aten brani tan sira haré Nai moris hias husi Mate (Jo 20,20). Nunee mos oras nee, ita sei lao iha tempo páscoa, nee significa katak; cada semana, cada dia, cada momento, ita celebra Cristo nia ressurreição iha circunstâncias moris sarani nian. Ho lalalok ida nee mak ita bele agradece Maromak no sente rasik Cristo nia kanek sira.

Tanba sa? Tan ita celebra ressurreição iha momento ida que ema hotu desesperado, laran taridu, lakon serviço, movimento limitado, lao tauk, covid19 halo mate sente besik demais iha ita nia sor-sorin. Ressurreição fo netik biban no haroman ita nia fiar katak, mate laos ikus husi buat hotu maibé, surto global halo ita nia mate mai lalais liu. Ressurreição halo ita hateke Jesus nudar vitória no ita laran hakmatek.

Tomas nia fiar recuperado tanba hasoru directamente ho Jesus face to face, kaer rasik Cristo nia kanek sira no comprova duni katak Cristo manan mate. Cristo mak we matanmoris, Cristo makdalanbalalehan (Haumak DALAN, LIALOS no MORIS).Nudar Católico verdadeiro, celebração Eucarística (Missa) nudar expressão kmanek ba ita nia fiar no hanoin bebeik Cristo nia ressurreição nudar vitória ida, nunee mos ita nia fiar ba Cristo nudar arma ida hodi funu hasoru surto Covid19.

Iha início século IV, iha zona África do norte acontece perseguição ba povo sarani husi Romano sira. Iha altura nebá, mosu ditado fiar mártir sira nian ida katak:”Cristão la bele moris sem Eucaristia, Eucaristia la bele existe sem sarani”.

Eucaristia mak esperança no salvação povo sarani nian. Ho expressão seluk, martir sira declara katak; sira la bele moris sem Eucaristia iha loron Domingo. Basá, Domingo mak loron Nai nian. Domingo nee fundamentalmente refere ba banquete do Senhor. Banquete ida nee expressa liu iha Eucaristia. Nudar uluk Cristo inicia celebração nee iha quinta feira santa no hetan ninia plenitude iha Domingo da ressurreição.

São João Paulo II ho São João XXIII nebe canonizado iha dia 27 Abril de 2014 husi Papa Francisco afirma katak: hola parte iha Eucaristia precisa sai nudar fundamento ba loron Domingo ba ema nobun nebe simu ona we-baptismo. Nee significa katak; ita srani ba participa missa iha loron Domingo no loron santo sira seluk, laos hodi ba hatudu oin, hatudu roupa foun, hatudu telemóvel foun, lae! Assiste Ecaristia (missa) iha Domingo no loron santo obrigação ida nebe sarani hotu tenke obedece (cumpri tuir), atu nunee, fiar sarani bele buras ba bebeik no Cristo ressuscitado horik ba nafatin iha ita nia vida quotidiana.

Cada Católico, wainhira fila husi missa (depois de asssite missa via online/TV/Radio), precisa hatudu sentimento alegria moris foun nudar são Pedro hakerek iha nia carta:”ita moris hias ho Cristo nia ressurreição husi mate sira leet (1Ped 1,3)”.

Nunee, ita nia loron Domingo cada semana, precisa enfeita ho cor páscoa nia, alegria tan loron Domingo nudar Nai nia loron nebe ita celebra ba bebeik hodi hanoin Cristo nebe moris hias hodi manan mate. Nudar Católico, loron Domingo laos loron han toba iha uma, laos loron passiar maibé, pricipal liu mak Domingo nudar loron Nai nian hodi celebra Eucaristia, relembra Cristo ressuscitado nudar maksoin. Oras nee EE limita evento lobuk iha sociedade inclui Igreja maibé, loron Domingo, cada sarani iha possibilidade nafatin hodi celbra liu husi assite transmissão directa iha canal RTTL, GMN Tv ho RTK inclui streaming sira.

Mai ita funu hasoru Covid19 hodi cumpri ordem estado no halo oração iha ita nia horik fatin. Tomas fiar tan nia hare no kaer Cristo nia kanek. Rahun diak ba ita nobun nebe fiar iha Cristo no sente Cristo nia kanek no moris hias iha fiar. (ignasoliveira

Leave a Reply

Your email address will not be published. Required fields are marked *