shadow
Diocese de Dili > NOTÍCIAS > Notícias > ARÃO NOE; GOVERNO PRECISA ACELERA SUBSÍDIO BA POVO WAINHIRA ESTENDE TAN ESTADO DE EMERGÊNCIA

ARÃO NOE; GOVERNO PRECISA ACELERA SUBSÍDIO BA POVO WAINHIRA ESTENDE TAN ESTADO DE EMERGÊNCIA

DILI 20 Abril 2020 (DCAD) – Presidente Parlamento Nacional Arão Noe de Jesus da Costa Amaral haktuir segunda ne’e iha Parlamento Nacional katak, atu estende tan 30 dias implementação Estado de Emergência, governo tem que acelera ona implementação subsídio ba povo.

“Governo koalia ona atu estende tan 30 dias implementação Estado de Emergência, mosu lamentação husi comunidade sira hateten katak sira nebé iha serviço fulan-fulan iha salário, maibe ba sira nebé hanesan condutores, vendedor sira, agricultor nebé la halo negócio sira preucupa teb-tebes katak ho fulan ida ne’e sira nia economia tun teb-tebes no sira nia necessidade básico de’it mos sira labele hola tanba laiha osan. Tanba ne’e, se estende tan 30 dias governo acelera ona implementação subsídio ba povo, haktuir Presidente Parlamento Nacional Arão Noe de Jesus da Costa Amaral”

Arão Noe hateten tan katak, “maske ida ne’e laos competência Parlamento ninian, maibe iha Lei descreve claro autorização ba governo halo levantamento US$. 250 milhões ne’e iha US$150 milhões ba fundo covid-19 desagrega iha neba Item lubuk ida atu governo bele halo tuir. Ami hein katak governo bele acelera processo labele husik população sira nebé afetado terus at liu tan. Ida ne’e mak hau hanoin hanesan representante povo hau preucupa ho situação ne’e. (Leo)

Leave a Reply

Your email address will not be published. Required fields are marked *