shadow
Diocese de Dili > NOTÍCIAS > Notícias > CIGC: TOTAL CASO CONFIRMADO 22, PROVÁVEL 5

CIGC: TOTAL CASO CONFIRMADO 22, PROVÁVEL 5

DILI 20 Abril 2020 (DCAD) – Cordenador official Ligação Força-Tarefa no Porta-voz Centro Integrado Gestão de Crise CIGC Dr. Rui Maria de Araújo hateten total caso confirmado iha 22 , caso suspeito 327, caso provável 5, sei hein resultado laboratório 92 no resultado laboratório negativo 208.

Caso confirmado no caso provável nebé agora Timor-Leste iha sei nafatin restrito ba grupo ka cluster 6 compara ho loron rua liu ba. Grupo ka cluater foun mak grupo Hotel Lecidere no grupo Professor Portugueses iha Liquiça.

Dr. Rui de Araújo haktuir grupo Professor Portugueses iha Liquiça ne’e katak “grupo ne’e iha ema nain rua nebé oras ne’e daudaun iha Timor-Leste ita hanaran “sub grupo TL” ho ema nebé detecta iha Portugal ita hanaran “sub grupo P”. Sub grupo TL la hela hamutuk uma ida ho sub grupo P. Sira mos viagem mai TL iha periodo la hanesan. Sub grupo Tl too iha TL iha loron 28 Fevereiro 2020, sub grupo P too iha TL iha loron 8 março 2020. Sub grupo TL too agora laiha sintomas, maibé tanba tama iha critério contacto besik ho sub grupo P, sira submete ba exame laboratórial no resultado ikus confirmação husi Royal Darwin Hospital hatudu ida positivo ho carga viral kikoan, ida indeterminado. Sub grupo Portugal ‘P’ hahu hatudu sintomas durante nia viagem fila ba Portugal iha loron 4 abril, hafoin halo exame laboratório iha loron 6 abril 2020 no hetan positivo. Professor no Motorista sira nebé hamutuk uma ida ho sub grupo P hatudu exame laboratório negativo. Too agora equipa vigilância epidemológica iha Liquiça seidauk detecta caso suspeito ruma iha Liquiça. No caso suspeito iha Hatulia ho Same equipa laboratório nacional nian foti ona teste ba halo análize no agora sei hein resultado

Dr. Rui de Araújo hatutan tan mos katak, sira nain 27 iha hotu Vera Cruz, iha fatin ketak ba confirmado no mos iha fatin ketak ba porvável. Equipa médica monitoriza hela sira inclui mos iha acompanhamento Espiritual no psicológico online. (Alin/Leo)

Leave a Reply

Your email address will not be published. Required fields are marked *