shadow
Diocese de Dili > NOTÍCIAS > Notícias > CIGC ANUNCIA TAN CASO CONFIRMADO IDA¬ BA LORON OHIN

CIGC ANUNCIA TAN CASO CONFIRMADO IDA¬ BA LORON OHIN

DILI 21 Abril 2020 (DCAD) – Porta-voz Centro Integrado Gestão de Crise (CIGC) Dr. Sergio Lobo relata katak caso confirmado ba ohin loron nian (21/04/2020) aumenta tan ema ida. Baseia ba número nebé hatoo husi porta-voz Centro Integrado Gestão de Crise (CIGC) Dr. Sergio Lobo katak, dadaun ne’e Caso Confirmado hamutuk 23, recuperado ida, suspeito iha nain 361, teste negativo iha nain 254, Provável nain 4, no hein resultado teste iha nain 80, haktuir Porta-voz Centro Integrado Gestão de Crise (CIGC) Dr. Sergio Lobo terça iha Sala de Situação Centro Convenção Dili.

“ema sira nebé maka sei iha quarentena hamutuk 518, iha Dili hamutuk 413, munic­ípio 90 no auto quarentena iha Município hamutuk 15 no iha loron ohin ema 101 maka sai husi quarentena hodi fila ba nia família entre ema hirak ne’e, 83 husi fatin quarentena iha Dili, RAEOA Oecusse hamutuk 17 no Município Ainaro Nain 1“ hateten Sergio Lobo ba Jornalista sira. Entretanto Ex-Ministro Saúde ne’e hatutan, iha ema 22 maka foin tama fali Quarentena iha Tibar. Entre 22 resin rua ne’e, sira nain 20 nudar ema nebé mak serviço iha ro laran, 1 seluk ema nebé maka tama ilegalmente husi Fronteira no ida seluk tan, membro Polícia Nacional Timor-Leste nebé halo contacto ho ema sira nebé maka positivo.

Hatan ba Jornalista sira kona condição Saúde ba sira nebé agora dadauk iha Sala Isomento Vera Cruz, Doutor Sergio hatan, sira iha condição nebé estável no entre sira ne’e nain ida maka iha sintomas tanba sente moras iha nia kakorok. (Alin/Leo)

Leave a Reply

Your email address will not be published. Required fields are marked *