shadow
Diocese de Dili > NOTÍCIAS > Notícias > Maske Positivo Covid-19, la Hatudu Sintomas, Dr. Sergio Lobo dehan, Sira Iha Poténcia Atu Transmite Infeção Ba Ema Seluk

Maske Positivo Covid-19, la Hatudu Sintomas, Dr. Sergio Lobo dehan, Sira Iha Poténcia Atu Transmite Infeção Ba Ema Seluk

DILI 21 Abril 2020 (DCAD) – Coordenador Força Tarefa Prevenção e Mitigação Surto Covid-19 no Porta-voz Sala de Situação Centro Investigação Gestão de Crise SS-CIGC Dr. Sergio Lobo terça ne’e halo esplicação kona ba maluk sira nebé la sente moras maibé POSITIVO ba Covid-19 iha Sala de Situção Centro Convenção Dili.“hau hakarak esplica tan katak hanesan Ministério Saúde fo hatene iha ocasião barak moras Covid-19 bele manifesta-an iha nível 5; primeiro Assintomático ka laiha sintomas. Ba ne’e la precisa tratamento. Segundo moras ligeiro ka kman. Dala ruma isin manas deit, inus ben ka inus metin deit, mear, isin kolen. Hirak ne’e mais ou menos 80% husi caso sintomático. Ba sira ne’e bele fo tratamento sintomático. Terceiro, moras moderado katak sira ne’e bele manifesta moras respiratório todan ituan, bele precisa antibiótico ou precisa soru; quarto, moras grave. Ho sintomas respiratório grave hanesan dada is susar no precisa oxigénios, no quinto, moras crítico nebé precisa ventilação asistida, dehan Dr. Sergio Lobo”

Dr. Sergio Lobo esclaresse mos tan katak, maluk barak mak teste positivo Covid-19 maibé la sente sintomas moras. Maske la sente moras, sira iha poténcia atu transmite infeção ba ema seluk. Ho ida ne’e mak tem que tama isolamento. (Alin/Leo)

Leave a Reply

Your email address will not be published. Required fields are marked *