shadow
Diocese de Dili > NOTÍCIAS > Notícias > CONSELHO ESTADO NO DEFESA RECOMENDA BA PRESIDENTE REPÚBLICA ATU EXTENDE TAN ESTADO DE EMERGÊNCIA

CONSELHO ESTADO NO DEFESA RECOMENDA BA PRESIDENTE REPÚBLICA ATU EXTENDE TAN ESTADO DE EMERGÊNCIA

DILI 22 Abril 2020 (DCAD) – Conselho de Estado no Conselho Superior Defesa e Segurança por unaminidade hasoru malu ho Presidente da República Dr. Francisco Guteres Lu-Olo iha Palácio Presidencial Bairro Pite Dili quarta ne’e, ho objetivo hodi recomenda ba Presidente da República Dr. Francisco Guteres Lu-Olo atu haruka carta ba Parlamento Nacional halo tan extensão ba Estado de Emergência. Chefe Casa Civil Francisco Maria Vasconcelos relata informação hirak ne’e hafoin remata tiha reunião entre Conselho de Estado no Conselho Superior Defesa e Segurança ho Presidente da República Dr. Francisco Guteres Lu-Olo iha sala de situação Palácio Presidencial Bairro Pite Dili quarta ne’e.

“Conselho Estado no Conselho Superior Defesa no Segurança por unaminidade recomenda ba Presidente República Dr. Francisco Guteres Lu-Olo atu haruka carta ba Parlamento Nacional atu halo extensão ba Estado de Emrgência. Detalho de Estado de Emrgência nafatin hanesan ho ida uluk. No agora governo precisa halo medidas nebé diak liu para povo sira bele hatene lolós Estado de Emergência no mos corona virus, haktuir Chefe Casa Civil Francisco Maria Vasconcelos”

Chefe Casa Civil hateten intensão atu hanaruk Estado de Emergência ne’e objetivo ida deit katak Estado ho Governo hadomi nia povo ida ne’e, atu salva povo ida ne’e husi moras no mate. Ida ne’e mak objetivo principal liu. Tanba ne’e por detalho sei regula husi decreto, no nia inplementação ne’e husi Governo, dehan Chefe Casa Civil Francisco Maria Vasconcelos. (Alin)

Leave a Reply

Your email address will not be published. Required fields are marked *