shadow
Diocese de Dili > NOTÍCIAS > Notícias > Caso Confirmado Sira Iha Vera Cruz, Resultado Laboratório Hatudu Laiha Mudança

Caso Confirmado Sira Iha Vera Cruz, Resultado Laboratório Hatudu Laiha Mudança

DILI 23 Abril 2020 (DCAD) – Cordenador Oficial Ligação Força-Tarefa no Porta-voz Sala Situação Centro Integrado Gestão de Crise (SS-CIGC), Dr. Rui Maria de Araújo salienta katak, caso confirmado sira iha Vera Cruz ida-idak simu ona ninia resultado laboratório ida primeiro, no housi loron balun liu ba, hahu halo fali ona ezame laboratorial hodi monitoriza sei virus sei iha sira nia isin ka lae; por enquanto housi sira nain hirak nebé isola iha Vera Cruz, seidauk iha ema ida mak negativo dala rua tutuir malu ho diferença tempo liu housi loron ida. Equipa médico nafatin acompanha no sira hotu to’o oras ne’e la hatudu sintomas, dehan Dr. Rui Maria de Araújo iha sala Situação Centro Convenção Dili quinta ne’e.

Dr. Rui Maria de Araújo esplica mos tan katak caso confirmado no caso provável nebé agora Timor-Leste iha, sei nafatin restrito ba grupo ka cluster (6). Ida ne’e hatudu katak bele iha ona transmissão local, maibé seidauk iha evidência kona ba transmissão iha comunidade. Dr. Rui clarifica katak Ita só bele dehan iha ona transmissão iha comunidade wainhira mosu caso confirmado ruma iha população nia le’et.

Porta-voz Sala Situação Centro Integrado Gestão de Crise (SS-CIGC), Dr. Rui Maria de Araújo informa mos dados ba ohin loron nian (23/04/2020) katak, total caso confirmado nafatin (23) laiha mudança, caso foun (0), caso recuperado nafatin (1), total caso suspeito (382), total caso Provável (4), total resultado laboratório sidauk hatene (28), total resultado negativo (327), total confinamento obrigatório 432; (auto confinamento iha município 27, no 337 iha facilidade governo iha Dili no 68 iha facilidade governo nian iha município. Housi sira nebé quarentena iha 21 mak professional saúde nebé halo serviço iha fatin quarentena no isolamento sira no total ema nebé liu ona quarentena hamutuk 1643 (334 iha municípios no 1309 iha Dili. (Alin/Leo)

Leave a Reply

Your email address will not be published. Required fields are marked *