shadow
Diocese de Dili > NOTÍCIAS > Notícias > Parlamento Nacional Simu Ona Carta Extenção Estado Emergência Husi PR Lú-Olo

Parlamento Nacional Simu Ona Carta Extenção Estado Emergência Husi PR Lú-Olo

DILI 23 Abril 2020 (DCAD) – Parlamento Nacional liu housi convocatório reunião lider Bancada Parlamentar nian katak, sira sei discute no aprova agenda ba extenção Estado Emergência. Iha agenda ne’e hare liu ba carta nebé Presidente República apresenta kona ba renovação declaração Estado de Emergência iha território nacional. 

Vice-Presidente Parlamento Nacional Deputado Luis Roberto declara katak Parlamento Nacional simu ona carta extenção ba renovação declaração Estado de Emergência iha território nacional housi Presidente República Dr. Francisco Guterres Lu Olo iha loron quarta horseik.

“Carta ne’e mesa Parlamento Nacional simu horseik no ohin ami iha mesa Parlamento Nacional tur hamutuk depois ohin kedas ami dehan ba DIPLN(Divisão Apoio Plenária) distribui ba iha bancada hotu-hotu hodi bele acesso ba informação ne’e, aban mak ami halo reunião lider bancada para bele decide tau ba agenda. Atu extende ka lae ne’e plenária mak sei decide. haktuir Vice-Presidente Parlamento Nacional Deputado Luis Roberto iha sala de informação Parlamento Nacional quinta ne’e”

Tuir tuir Vice-Presidente Parlamento Nacional Deputado Luis Roberto haktuir katak, carta nebé Presidente da República husu ba Parlamento Nacional ne’e, atu autoriza Estado de Emergência hahu Presidente atu hahu fali housi 27 de Abril to’o 26 de Maio. (Leo)

Leave a Reply

Your email address will not be published. Required fields are marked *