shadow
Diocese de Dili > NOTÍCIAS > Notícias > Completa 14 Dias Quarentena, Cidadão ‘51’ Re-Integra Ba Família

Completa 14 Dias Quarentena, Cidadão ‘51’ Re-Integra Ba Família

DILI 24 Abril 2020 (DCAD) – Governo liu housi Ministério de Saúde iha sexta ne’e, toma decisão hodi re-integra cidadão nain 51 nebé completa ona 14 dias iha quarentena Hotel Leokase (34) no Hotel Chonty 17 ba ida-daik nia hela fatin tanba submete ona periodo de encubação la hatudu sintomas Covid-19. Tuir Diretor Apoio Gurídico Ministerio de Saúde Dr. Belarmino da Silva Pereira hateten reconfinamemnto ohin loron nian ne’e halo ba iha ema nain 51 iha nebé nain 17 iha centro quarentina Hotel Chonty no 34 iha Hotel Leokase.

“Ita hatene katak sira iha  hotel Leokase, sira tama iha loron 2 abril 2020. No nia processo normal ne’e tuir lolos sira fila ona iha loron 17 abril 2020, no mós hotel chonqi tama iha 15 abril 2020, tuir lolos sira fila iha loron 20 abril 2020, maibe tanba balu iha sintomas hanesan mear no isin manas, Tanba ne’e sira sidauk bele fila. Maibe Ohin sira bele fila ba ida-daik nia município tanba halo tiha ona examinação ba sira balun no resultado fo sai katak sira livre, dehan Dr. Belarmino da Silva Pereira iha Hotel Leokase sexta ne’e”.

Tuir Diretor Apoio Jurídico Ministerio de Saúde salienta tan katak, sira nain 51 ne’e sira mai hosi município 10, exepto Liquiça, Manufahi ho RAEOA Oe-cusse. Housi número ne’e barak liu housi Dili no Lospalos inclui mós número kiik housi município sira seluk hanesan Bobonaro, Ermera, Ainaro, Aileu. (Alin)

Leave a Reply

Your email address will not be published. Required fields are marked *