shadow
Diocese de Dili > NOTÍCIAS > Notícias > Resultado Teste Laboratório Hatudu; Caso Foun ‘1’ Recuperado ‘2’

Resultado Teste Laboratório Hatudu; Caso Foun ‘1’ Recuperado ‘2’

DILI 24 Abril 2020 (DCAD) – Cordenador Força-Tarefa Prevenção e Mitigação Surto Covid-19 no Porta-voz Sala Situação Centro Integrado Gestão de Crise (SS-CIGC) Dr. Sergio Lobo hateten teste loron ohin 24 abril 2020 hatudu recupera nain 2, inclui nain 4 provável negativo.

“Resultado housi total teste laboratório hatudu número teste ba ohin loron hamutuk 392, confirmado 24 recupera ona 2, caso foun 1, provável 4 teste hatudu negativo no muda ona housi Vera Cruz ba quarentena sira, hein raultado 21, sei iha quarentena 409, profissional saúde sira nebé iha quarentena 23, total ema nebé liu ona housi quarentena 1695, dehan Dr. Sergio Lobo sexta ne’e”

Tuir Cordenador Força-Tarefa Prevenção e Mitigação Surto Covid-19 no Porta-voz Sala Situação Centro Integrado Gestão de Crise (SS-CIGC) Dr. Sergio Lobo esplica mós katak caso confirmado no caso provável nebé agora Timor-Leste iha, sei nafatin restrito ba grupo ka cluster (6); grupo Hotel Lecidere no grupo professor Portugueses, Hotel Katuas, Hotel Fortuna, Hotel Timing no Hotel Novo Horizonte. Ida ne’e hatudu katak bele iha ona transmissão local, maibé seidauk iha evidência kona ba transmissão iha comunidade. Dr. Sergio Lobo clarifica katak Ita só bele dehan iha ona transmissão iha comunidade wainhira mósu caso confirmado ruma iha população nia le’et. (Leo/Alin)

Leave a Reply

Your email address will not be published. Required fields are marked *