shadow
Diocese de Dili > NOTÍCIAS > LETURA DIÁRIA > Sábado, II Semana iha tempo Páscoa (ANO A)

Sábado, II Semana iha tempo Páscoa (ANO A)

Primeira Leitura                         Act. 6. 1-7

Lia husi Livro Apóstolo sira nia hahalok:

Iha loron hirak nebá, escolante sira hetok sai ua’in ba bei-beik. Sira be housi grupo grego nian hahu mumuk hasouro sira housi grupo hebraica, tanba, iha serbisu lor-loron nian sira la hamatan ba sira nia feto faluk sira. Tan ne’e, Apóstolo sira sanulu resin rua halibur malu ho escolante sira seluk hodi hatene ba sira; “Ita la bele husik hela haklaken Maromak futar-lia, hodi halo fali serbisu de’it ba ita nia kabun”. Ne’e duni, maun-alin sira, imi buka hili housi imi le’et ema Na’in hitu nebé baran di’ak, hakonu-an ho Espírito Santo no matenek atu hala’o kna’ar ne’e. Kona ba imi ami fo-an tomak ba harohan no ba haklaken liafuan nian”. Sira hotu simu hodi halo tuir buat nebé hakotu iha libur malu; Sira hili Estêvão, ema fiar Na’in no iha Espírito Santo nakonu, Filipe, Prócuro, Nicanor, Timão, Parmenas no Nicolau, prosélito ida housi Antioquia. Sira lori ema sira ne’e ba Apóstolo sira; harohan tiha sira tau liman ba sira leten.

Maromak Futar Lia.

 

Salmo Responsorial                                                                                                                        Sal. 32(33). 1-2, 4-5, 18-19 (R. 22)

Refrão : Na’i, ami hein Ita laran luak!!! Repete-se

Ema Santo haklaken Maromak,

Tan ema laran lós sei hahí Nia.

Fó agradece ba Na’i,

Hananu ho harpa no cítara. Refrão

 

Na’i nia liafuan lós tebes,

Bele laran metin iha Nia liman nia hahalok sira,

Na’i hadomi Justiça no dalan lós;

Na’i nia domin naburas iha Rai. Refrão

 

Na’i tau matan ba sarani sira,

Ba sira nebé hein Nia,

Atu hasai sira housi mate,

Hodi fó moris iha susar laran. Refrão

 

Aclamaçào                                                                                                                    

Refrão : Aleluia, Aleluia!! Repete-se

Cristo moris hi’as; Nia mak halo sasan

hotu no sadi’a ema hotu. Refrão

 

Evangelho                                                                                                                                                                                        Jo. 6. 16-21

Na’i Jesus Cristo nia Evangelho nu’udar São João haktuir:

Iha tempo nebá, loron tun dau-daun, uainhira halo ua’in liu tiha pão no ikan, Jesus nia escolante sira tun ba tasi. Sira sa’e tiha ba ró ida hodi hakur liu ba tasi sorin balu ba, ba lós iha Cafarnaún. Rai nakukun tiha ona, maibé Jsus seida’uk to’o mai hamutuk ho sira. Tan anin huu maka’as, tasi sai siak. Uainhira sira nia ró la’o dau-daun ona metro rihun tolu ho balu ka rihun lima, sira haré Jesus iha tasi leten hodi hakbesik mai ró. Sira ta’uk teb-tebes. Maibé Jesus dehan ba sira “Ha’u duni, keta ta’uk”! Nune’e sira simu Nia iha ró; no ró hahu hakbesik ba rai, ba fatin nebé sira hakarak atu ba.

Lia Maksoyn.

One comment on “Sábado, II Semana iha tempo Páscoa (ANO A)

  1. Daniel Hallado

    Desculpa, mas amanhã é a festa de São Marcos.

Leave a Reply

Your email address will not be published. Required fields are marked *