shadow
Diocese de Dili > NOTÍCIAS > Notícias > CIDADÃO NAIN 20 FILA HIKAS BA FAMÍLIA HAFOIN CUMPRE TIHA QUARENTENA IHA HOTEL LUXURY NO HOTEL LUZ CLARITA

CIDADÃO NAIN 20 FILA HIKAS BA FAMÍLIA HAFOIN CUMPRE TIHA QUARENTENA IHA HOTEL LUXURY NO HOTEL LUZ CLARITA

DILI – 25 Abril 2020 (DCAD) – Governo liu husi Ministério de Saúde iha Sábado ne’e, toma decisão hodi re-integra cidadão nain 20 nebé completa ona 14 dias iha quarentena Hotel Mong Kok Luxury (11) no Hotel Luz Clarita (9) ba ida-daik nia hela fatin tanba submete ona periodo de encubação la hatudu sintomas Covid-19.

Tuir Diretor Apoio Jurídico Ministério de Saúde Dr. Belarmino da Silva Pereira hateten reconfinamemnto ohin loron nian ne’e halo ba iha ema nain 20 nebé quarentena iha Hotel Mong Kok Luxury (11) no Hotel Luz Clarita (9).

“Processo quarentena hotu ona, maibé processo Peste Corona virus ninian sidauk hotu. Imi rona iha semana hirak liu ba virus ne’e la’o hela deit iha fatin quarentena nia laran deit, maibé começa agora daudaun ne’e ita bele dehan virus ne’e hahu lao ona iha comunidade nia le’et  liu-liu iha município liquiça nebé sai risco tebes, dehan Diretor Apoio Jurídico Ministério de Saúde Dr. Belarmino da Silva Pereira iha iha Hotel Mong Kok Luxury sábado ne’e”.

Diretor ne’e iha nia lia menon ba cidadão sira nebé atu husik ona quarentena, nia hateten, maske ohin loron imi finaliza ona fatin quarentena ninian, maibé buka hodi nafatin prática sira nebé imi hetan iha quarenetena ba iha comunidade hodi transforma ba imi nia família. (Leo/Alin)

Leave a Reply

Your email address will not be published. Required fields are marked *