shadow
Diocese de Dili > NOTÍCIAS > Notícias > Ministério da Saúde TL Lança Linha Apoio WatsApp Dedica Ba Covid-19

Ministério da Saúde TL Lança Linha Apoio WatsApp Dedica Ba Covid-19

DILI – 25 Abril 2020 (DCAD) – Ministério da Saúde Timor-Leste sábado semana ne’e (25/04/2020) liu husi Diretora Geral Prestação Saúde Dra. Odete da Silva Viegas Lança tan Linha Apoio WhatsApp dedica ba COVID-19. Conteúdo ho informação ne’ebe actualiza hela deit ba chatbot ne’e fornese husi Organizasaun Mundial Saúde (OMS) no husi Ministério da Saúde kona-ba notícias husi railaran, medidas ba prevensão, síntomas, no teste.

Iha lokraik ida ne’e ita sei lança linha menságem chatbot liu husi WhatsApp atu fornesse informação ne’ebe lo’os, credível, no actual ba povo durante surtu COVID-19. Lansarnentu ba chatbot ne’e parte husi Ministériu da Saúde nian esforsu ba intervensaun ba preparasaun no resposta ba OVID-19, dehan Diretora Geral Prestação Saúde Dra. Odete da Silva Viegas iha Centro Convenção Dili Sábado ne’e.

Dra. Odete da Silva Viegas hatutan tan katak “conteúdo ho informação ne’ebe actualiza hela deit ba chatbot ne’e fornesse husi Organização Mundial Saúde (OMS) no husi Ministério da Saúde kona-ba notícias husi railaran, medidas ba prevensão, síntomas, no teste. Ita nia komunidade bele aprende kona-ba oinsa atu protege-an no protege ita nia família no comunidade liu husi liña chatbot ne’e. comunidade mos bele hetan dadus ikus liu kona-ba número teste ne’ebé halo ona no caso ikus liu iha Timor-Leste. Liña mensagem chatbot ne’e sei responde ba pergunta sira ne’ebé comunidade iha kona-ba prevensão no boatos relaciona ho COVID-19, hateten Dra. Odete da Silva Viegas.

Dra. Odete da Silva Viegas mos esplica katak “Atu uja linha Chatbot ne’e, comunidade bele hakerek mensagen “Hello” ba número telefone ne’e +670 75560000 no manda tuir WhatsApp. (Leo/Alin)

Leave a Reply

Your email address will not be published. Required fields are marked *